كليوباترا هى وفاء- مقال قوى لأحمد خالد توفيق فى مواجهة الغزو الثقافى الصحراوى

**MM_Mohsen** · 10-12-2008 01:10 PM

عن تجربة !! بعض الناس من المصريين ممكن يسمع اشد هجوم و نقد لاوضاعنا فى مصر و يشارك فيها كمان لكن اذا تعرض احد للسعودية بأقل نقد تلاقى عنده ارتكاريا و يصاب بالعصبية و يرفض اى تعرض بنقد من اى نوع لاى شئ ياتى من هذه الدولة رغم انه لا يمكن ان نقارن تاريخها و حضارتها بمصر اقدم حضارة ينحنى لها حتى الغربيون و يحترمها و يقدرها العالم كله !!
مع الاسف معظم المصائب التى حلت علينا قادمة من هناك و الذين يقرنون هذه الدولة بالاسلام يتعامون عن حقيقة ان السعودية هى الحليف الاول لامريكا فى المنطقة وهى التى فتحت اراضيها للقواعد الامريكية لتتمركز فى المنطقة و هى من اكبر اسباب رفاهية الولايات المتحدة من عوائد النفط للشركات الامريكية و الودائع السعودية التى تقدر بالتريليونات فى البنوك الامريكية .. انهم يجلدون المصريين لكن لا يستطيعون التعرض لاى مواطن امريكى بسيط ! ..
و يهاجمون كل ما يأتى من مصر من علم و فن و ثقافة و يكفرون ما يأتى عنا
و يستخدمون الاموال لفرض قيمهم و افكارهم علينا !
ان المعونة والمساعدة التى يتلقاها الفلسطنيون مثلا تقل بكثير عن مساعدات دول الاتحاد الاوربى غير الاسلامية لهم ! و فى يدهم اكبر سلاح و هو النفط للضغط من اجل القضية الفلسطنية مثلا و لا يفعلون و لو فعلوا مثلا كما فعلت روسيا فى استخدام سلاح الغاز مع اوربا لكان لنا قيمة و شأن اخر !
و لا يتسع المجال لسرد عشرات الامثلة للاثر السلبى و الضار لما اصابنا من هذه الدولة التى تقود العالم العربى الان .. و الله يرحم محمد على باشا و ابراهيم و يرحم ايام كانت مصر تبعث لهم المعونة و تعلمهم فى مدارسها و ترسل لهم اطبائها و مهندسيها و نرى كيف يعاملونا الان !

**ahmed1981** · 10-12-2008 02:28 PM

المشاركة الأصلية كتبت بواسطة MM_Mohsen

رغم انه لا يمكن ان نقارن تاريخها و حضارتها بمصر اقدم حضارة ينحنى لها حتى الغربيون و يحترمها و يقدرها العالم كله !!
.
.
.. و الله يرحم محمد على باشا و ابراهيم و يرحم ايام كانت مصر تبعث لهم المعونة و تعلمهم فى مدارسها و ترسل لهم اطبائها و مهندسيها و نرى كيف يعاملونا الان !

ولكن في النهاية نحن نعيش في الحاضر وليس في الماضي

**الريس** · 10-12-2008 03:10 PM

السعودية ...

يا اخوان المملكة السعودية هي ببساطة دولة
دولة مش معتقد ديني
دولة مش مكان مقدس

شعب السعودية ..

مش هما حماة الفضيلة
و لا هما حراس العقيدة
شعب السعودية
مجرد شعب فيه و فيه
فيه القبائل اللي لحد اليوم يتفاخروا على بعض و ده قحطاني و ده بتنجاني
و فيه ناس اتعلمت بجد و بقت ناس كويسة
فيه اللي بيكلمك عن المرأة باحتقار و ينسى انها امه و بنته
و في ناس تانية متنورة
فيه خمر و شذوذ و دعارة و كبت و جسر البحرين و الالوف اللي بتتصرف في ملاهي مصر و لبنان و اوروبا
و فيه صلوات و تبرعات و زكاة برضو بتتصرف في كل حته

شوية نقاط بس نفكر فيها

ممكن اي انسان من اي جنسية يعامل معاملة سيئة خارج بلده
العيب مش على اللي بيعامله
العيب على بلده اللي مش بتحميه

لمن لا يتذكر .. مكة و المدينة وجدتا قبل انشاء الدولة السعودية
و كان في ناس بتحج و تعتمر برضو
و مصر كان بتدي و بتساعد

لما الاقمار الصناعية تطلع السما
و سفن الفضاء تهبط على الكواكب
لما علماء الاثار يحللو الكربون المشع و يجيبولنا اعمار الاثار
لما مومياوات المصريين تكون كلها لناس اطوالهم و احجامهم لناس عادية و شبهنا
لما ييجي حد و يتجاهل كل ده
لحسابات معينة تخصه
يبقى جاااااااااااااااااااااااا ااااااااااااااهل
او مغرض
و اعتقد ده هدف احمد خالد توفيق و سبعاوي

**ahmed1981** · 10-12-2008 04:05 PM

المشاركة الأصلية كتبت بواسطة الريس

لما الاقمار الصناعية تطلع السما
و سفن الفضاء تهبط على الكواكب
لما علماء الاثار يحللو الكربون المشع و يجيبولنا اعمار الاثار
لما مومياوات المصريين تكون كلها لناس اطوالهم و احجامهم لناس عادية و شبهنا
لما ييجي حد و يتجاهل كل ده
لحسابات معينة تخصه
يبقى جاااااااااااااااااااااااا ااااااااااااااهل
او مغرض
و اعتقد ده هدف احمد خالد توفيق و سبعاوي

كلام جميل
لكن لما ناس تاخد الكلام ده وتهاجم بيه دولة كاملة بكامل شعبها
لما ناس تجري ورا الهياج الإعلامي الذي يطالب بمقاطعة المنتجات السعودية مع غض الطرف والمحافظة على تدفق البترول والغاز والأسمنت بيننا وبين إسرائيل
وكأن مقاطعة دولة هو شيء ممكن فعله لمجاراة عواطف جياشة قام الإعلام بتوجيهها وإلهابها جيداً لصالح من قام بالدفع والتوجيه وفي النهاية لصالح اليهود

لابد أن نحافظ على ميزان العقل ولا نعطي كل الأمان للتوجيه الإعلامي

**الريس** · 10-12-2008 04:28 PM

مال اسرائيل و مال التوبيك ده دلوقتي
مش بدعوى الوقوف امام اسرائيل اتقبل جهل او غرض الاخرين
كفاية بقى زهقنا من نظرية لا صوت يعلو فوق صوت المعركة
يا اخي اسرائيل بتنقد اوروبا و امريكا و روسيا
و بتنقد حكامها
الفكر ده هو اللي جايبنا ورا (مع كامل احترامي لحضرتك)
فكر اشوف الغلط و مناقشوش حفاظا على الامن القومي و الاستقرار و دخل السياحة و و و و
لا تنسى .. كل يؤخذ منه و يرد اليه الا صاحب المقام صلى الله عليه و سلم
و سلملي على المصريات اللي كانو اخواننا في السعودية بييجو يشتروهم في التمانينات و التسعينات جواري لا زوجات
و سلملي على السعودية اللي هي وقفت في وش اسرائيل في اي موقف
و اللي ضحت بمئات الالاف من جنودها حفاظا على المقدسات الاسلامية في القدس او في غيرها
سلملي على الديمقراطية في السعودية
سلملي على الشورى

و قبل ده كله باقول البلاوي عندنا اكتررررررررررررر
بس اسف
لن اعيش في جلباب ال سعود و فكر و توجه دولتهم
و يبقى اني اقول اعامل كل سعودي بمعاملته و لا اخذ ذنب حد ب حد

**ahmed1981** · 10-12-2008 07:44 PM

المشاركة الأصلية كتبت بواسطة الريس

مال اسرائيل و مال التوبيك ده دلوقتي
مش بدعوى الوقوف امام اسرائيل اتقبل جهل او غرض الاخرين

وبرضه مينفعش أقاطع دولة إسلامية وعربية بالكامل عشان جاهل من أبناءها إتكلم كلام لا يصح أو تهجم بأسلوب مش كويس

طبعاً واضح فهمك لردي إنه موجه لحضرتك
لكنك فهمت خطأ أنا أوجه الرد للكاتب الذي يستخدم خطأ مواطن لتعميم خطأه على دولة وشعب
وبالتالي نجد الناس تنساق للمطالبة بتأديب ذلك البلد وذلك الشعب ومقاطعته

**fiatto** · 10-12-2008 09:16 PM

المشاركة الأصلية كتبت بواسطة ahmed1981

وبرضه مينفعش أقاطع دولة إسلامية وعربية بالكامل عشان جاهل من أبناءها إتكلم كلام لا يصح أو تهجم بأسلوب مش كويس

اسمحلى بمداخلة صغيرة , هو حضرتك مش واخد بالك ان اللى بنتكلم فيه ده سلوك جماعى ولا ايه !! اول مرة اعرف ان المشكلة فردية !!
هو الأخضر بلومى زمان لما تف على المصريين وفقع عين واحد وقولنا ياجماعة ده سلوك فردى ومينفعش نقاطع جزائر المليون شهيد وبعد كده مطلعش سلوك فردى .
مبناديش بمقاطعة وانا مش معاها لانها مش حل , الموضوع ان فيه حالة عامة من اخواننا العرب حكومات وشعوب من التجرأ بالمهانة للمواطنين المصريين بلغ حد التلذذ بإذلاله , والمشكلة ان المسئولية متشعبة , الحكومة مرخصة المواطن والمواطن مرخص نفسه والعرب ماسحين بما تبقى من كرامته الأرض .
بس القشة التى قصمت ظهر البعير هى الحدوتة اياها بتاعة الأطباء المصريين ومدى السرعة والنفاذ والمبالغة فى الأحكام الصادرة تجاههم مع كل اللغط الذى أثير حول التحقيقات , فالقديم اتفتح وملف الوهابية السلفية اتفتح وملف الدور الحضارى التنويرى القديم لمصر امام مفاهيم قبلية رجعية فى الجزيرة اتفتح ودخلنا فى منطقة التاريخ ولا الحاضر الخ

مصر حالها مش مظبوط والسعودية حالها كذلك ولا أجد فى ختام المداخلة سوى ما ورد فى رواية الحرافيش لنجيب محفوظ على لسان أحد شخصيات الرواية مخاطبا الآخر ( من امتى كلابها عوت على سباعها يامعلم , من يوم سباعها ما سابت المرجلة ولبست طرح )

**ahmed_su** · 10-12-2008 10:16 PM

المشاركة الأصلية كتبت بواسطة fiatto

ولا أجد فى ختام المداخلة سوى ما ورد فى رواية الحرافيش لنجيب محفوظ على لسان أحد شخصيات الرواية مخاطبا الآخر ( من امتى كلابها عوت على سباعها يامعلم , من يوم سباعها ما سابت المرجلة ولبست طرح )

والله هذا الختام لعمنا نجيب محفوظ اوجز فاوفى

فعلا من يوم مامصر سابت المرجلة ولبست طرح ده بقى حالنا

ولا تعقيب بعد ما قيل

-

الموضوع: كليوباترا هى وفاء- مقال قوى لأحمد خالد توفيق فى مواجهة الغزو الثقافى الصحراوى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

المطففون ...مقال لـ د. أحمد خالد توفيق

الفضائيات وسقوط الأقنعة...مقال للكاتب احمد خالد توفيق

لعنة الوضع الوسط-مقال متميز للدكتور احمد خالد توفيق

تدين وروشنة وسيارات مرسيدس...مقال آخر للمتميز د/احمد خالد توفيق

الكلمات الدلالية لهذا الموضوع

المفضلات

المفضلات

ضوابط المشاركة