الموضوع: زيت فتيس فيرنا اوتوماتيك؟

المشاركة الأصلية كتبت بواسطة wael6

https://www.google.com.eg/url?sa=t&r...5rlhx-7r1-ztoa

الرابط مكتوب فيه انه للعربيات اللى كتالوجها مواصفته ديكسرون 3

يعنى الزيت ده ديكسرون 3 .. بس لاحظت ان لزوجته خفيفه 7.3

المشاركة الأصلية كتبت بواسطة borio1704

زي ما قاللك أخونا العزيز tasaka... ولا موبل ولا شل ينفعوا معاك..

معندهمش زيت بالمواصفة المطلوبة

على فكرة .. زيت الatf sp-iii بتاع ميتسوبيشي مش غالي بالمقارنة مع زيوت كتير في السوق...

والزيت موجود في السوق بسهولة ﻹن العربيات الميتسوبيشي والهيونداي والكيا مفيش أكتر منهم في مصر...

بس انت دور في المكان الصح.

إنما sp-iii بتاع ميتسوبيشي وهيونداي وكيا
الزيوت دي تنفعك




...

فين هوا المكان الصح .. لان زيت ميتسوبيشى ده موش موجود

و فين زيت مانول

وطبعا.. زيوت آمسويل




هي زيوت تخليقية ممتازة ومفيش كلام عليها ...

غالية؟؟؟ أيوه غالية قوي... بس بتعيش فترات أطول من ال40 ألف كيلومتر بكتير (ممكن توصل لحوالي 300 ألف كيلومتر حسب المكتوب في موقعهم)..

بس هي تصنف في فئة الزيوت اللي بتمشي مع كذا مواصفة... يعني هتلاقي العلبة مكتوب عليها أسماء مواصفات تانية كتير غير مواصفة الsp-iii...

وده يمكن اللي مخليني ميال للزيت المتخصص أكتر... اللي مكتوب عليه sp-iii وبس.

ال 300 الف دى لزيت ال oe ؟؟ ام تقصد السيجنتشر

ال oe بيتغير على كام الف ؟؟


تحياتى و اعزازى و تقديرى

المشاركة الأصلية كتبت بواسطة wael6

https://www.google.com.eg/url?sa=t&r...5RLhX-7r1-ztoA

مكتوب فى الداتا شيت .. لا يصلح لاى سياره كتالوجها يطلب زيت SP III

اقرأ الرد ده
http://www.nilemotors.net/Nile/3876101528-post6.html

المشاركة الأصلية كتبت بواسطة tasaka

انا شايف ان العربيتين اللى معاك كارينز و ريو

الكيا بتستعمل زيوت SP فقط .. سيبك من كلام الميكانيكى و استعمل الزيت الموصى به فى كتالوج كل عربيه منهم ( شوف كتالوج الكارينز طالب ايه و كتالوج الريو طالب ايه ) .. من زيوت ال SP فقط



ده رابط الداتا شيت بتاع زيت شل
https://www.google.com.eg/url?sa=t&r...,d.d2s&cad=rja

1- انا لا احب زيت فتيس شل نهائى و موبيل 320 احسن منه

2- زيت شل اللى فى الصوره من اساس معدنى .. و متعدد الاستخدام من اول سيارات الركوب الى الاوتوبيسات ؟؟

Shell Spirax® S3 ATF MD3 lubricant is a premium, high-performance ATF
designed to provide consistent, smooth and trouble-free operation for a wide variety
of passenger-car and heavy-duty automatic transmissions.

It is formulated using high-viscosity-index mineral oils and carefully selected additives

3- لا يصلح للاستخدام فى اى سياره كتالوجها يطلب زيت SP >> يعنى ما ينفغشى للكيا نهائى

PERFORMANCE SPECIFICATIONS

Shell Spirax® S3 ATF MD3 fluid is suitable for use in
all vehicles where General Motors Dexron®-III, Ford
Mercon® or Allison C-4 fluids are required

Do not use Shell Spirax® S3 ATF MD3 fluid where
Dexron®-VI or Mercon V, SP or LV fluids are specifed

سيبك من كلام الميكانيكى .. و بلاش تدور فى زيوت غريبه

و اقرأ الرد ده بصفه عامه

المشاركة الأصلية كتبت بواسطة tasaka

- خلى بالك اختيار زيت الفتيس ممكن خادع جدا جدا .. و ممكن جدا تختار غلط برغم التدقيق فى البحث و الاختيار

و خلى بالك لزوجه الديكسرون 3 بتكون فى حدود 8 .. و لكن لزوجه ال SP iii بتكون اخف من كده بكتير يعنى بتكون 7 او اقل



لما شركه تضع مواصفه محدده لزيوت فتيسها .. ده ليه معنى

- مثلا ممكن الشركه دى تختار ماده مختلفه للسيلات بتاعتها و بالتالى بتصمم الزيت علشان يتوافق مع هذه الماده الجديده للسيلات

- ممكن تختار مواد مختلفه لصنع الكلاتشات و بالتالى بتصمم الزيت علشان يتوافق مع هذه الماده الجديده

- ممكن ال Friction Modifier بتاعها يكون مختلف .. علشان اسباب كثيره هامه .. و ده من بعض تأثيراته نقل انعم .. و ايضا بيحافظ على الكلاتشات .. تزييت افضل .. و ال Friction Modifier فرق اساسى جدا بين درجات زيوت الفتيس

- ممكن يكون زيت الاساس مختلف لتحسين الاداء مع ال Shear .. او خلافه من العوامل المهمه لتصميم الفتيس .. و مثال على كده ان زيت الاساس للديكسرون 6 مختلف عن ديكسرون 3 بسبب متطلبات ال Shear

- درجه حراره عمل الفتيس و ان الزيت لا يتكسر فى الحراره او الضغوط المصمم عليها الفتيس

- مهما كنت حريص جدا فى التدقيق فى الاختيار وارد بنسبه كبيره جدا جدا انك تختار زيت خطأ

الخلاصه .. زيت الفابريكه المصممم عليه الفتيس سيعطى افضل اداء .. ممكن تشتريه من بره بس يكون نفس المواصفه

المشاركة الأصلية كتبت بواسطة wael6

روحت غبور لقيت عنده زيت ايطالى للفتيس 4 غيار عامة بس المفاجأة انه dx3 ديكسرون 3 برضه
سالته هو ده للفيرنا قالى ده للفتيس هيونداى 4 غيار
كان سعره 46 ج
والفلتر سعره 508.5 ج
كده احتارت اكتر
وشكلى كده هجيب موبيل 320 ؟
لو ملقتش اللى حضراتكم قولتولى عليه ؟

متابعكم
وشكرا جزيلا

مينفعش موبيل 320

و لو انت ناوى تجيب زيت مختلف .. يبقى امسويل oe المتعدد


و بعدين زيت ب 46 جم .. ده موبيل 320 كان ب 60 جم قيل رفع الاسعار من سنتين !!

يبقى هو كان بيقول لك على سعر زيت تفس سعر موبيل 220 موش 320 .. يبقى الزيت ده اضافاته للحمايه ضعيفه لو هو ديكسرون 3 زى ما انت بتقول


و بعدين هونداى sp iii كان نفس سعر موبيل 320 .. سعر 60 جم قبل ارتفاع الاسعار .. يعنى انت عايز تسبب مشاكل لفتيسك ز البديل موجود .. و بنغس السعر !!!!