طقه فى دركسيون سيراتو 2016

**eslam9002006** · 10-12-2016 04:15 PM

لو سمحتوا يا جماعه انا عربيتى 2016 ضمان الوكيل وبسمع صوت طقه خفيفه فى الدركسيون مع الحركه البسيطه يعنى مع هزه الدركسيون فقط اوحركته فى رنج ال 10 سم بس وكان فى حاجه تقلت او دقرت ومرة واحده تفك وتحصل الصوت الطقه البسيطه ده ، هل ده ممكن يكون ايه المشكله انها مش باينه على طول ياريت تفدونى ده ايه وهل حد مر بالموضوع ده قبل كده ؟ وبرضه بسمع حكه فى الطنابير الخلفيه مع الفرامل ده ايه حلها برضه عشان ابقى عارف وانا رايحلهم

**ahmed.biso13** · 10-12-2016 05:44 PM

الطقة بتاع الدركسيون ممكن تكون كالاتى
1-بارات علبةالدركيسون فيها سن مكسور
2-كوبلن فيه بلية فرطت
3-مسمار المقصات مش مربوط كويس
4-كاوتش ميزان بايظ
بالنسبة للطنابير
جايزبتحك عشان العربية جديدة
وجايز تكون عاوزة تخف الرجلاش من عليها فى حالة انها بستخن العجل
لما تمشى بيها مشور طويل هتحكم عليها اذا ككانت بتسخن من عدمه

**Colin Chapman** · 11-12-2016 03:40 AM

المشاركة الأصلية كتبت بواسطة eslam9002006

لو سمحتوا يا جماعه انا عربيتى 2016 ضمان الوكيل وبسمع صوت طقه خفيفه فى الدركسيون مع الحركه البسيطه يعنى مع هزه الدركسيون فقط اوحركته فى رنج ال 10 سم بس وكان فى حاجه تقلت او دقرت ومرة واحده تفك وتحصل الصوت الطقه البسيطه ده ، هل ده ممكن يكون ايه المشكله انها مش باينه على طول ياريت تفدونى ده ايه وهل حد مر بالموضوع ده قبل كده ؟ وبرضه بسمع حكه فى الطنابير الخلفيه مع الفرامل ده ايه حلها برضه عشان ابقى عارف وانا رايحلهم

منقول
كيا وهيونداى
متوفر جلبة القطمة الاصلية من كوريا ب 100 جنيه
م/هاني محمد
01002650855
01222655249

والتركيب عند احسن واحد
م/هاني ميخائيل مركز سبيد سيرفيس جسر السويس

منقول
انا معايا النترا 2010 وكنت حطيت موضوع قبل كده ان عندي مشكله في قطمه الدريكسيون و طبعا لفيت كتير في محاوله للتصليح بدون تغيير القطمه لان سعر القطمه الجديده 15 الف جنيه و الاستيراد حوالي 2000 و يمكن اكتر المهم بعد لف اسبوعين تقريبا لقيت كهربائي في شارع ديودار في حدائق القبه امام مول السوق الكبير اسمه عماد و الشهاده لله هو راجل محترم تم فك القطمه و تصليحها اختفى صوت الطقه اللي في الدريكسيون تماما و خد 200 جنيه
الحاجات الي ضايقتني بعد كده :
1 الدريكسيون تقل شويه
2 عدله الدريكسيون معوج حاجه بسيطه و انا ماشي علي العدل بس قولتله وقالي اعدي عليه و هايظبطهالي و الله المستعان

انا نزلت الموضوع لاني لاقيت اكتر من حد في المنتدي بيعاني من نفس المشكله و مالقاش حل او عمل حل مؤقت بالتشحيم عند حد مش في القاهرة فياريت نشر الموضوع و تثبيته لان ده عيب في الالنترا عامه و في بعض عربيات الي بها باور كهربا من انواع اخرى

**volociximab** · 11-12-2016 07:08 AM

مشكلة شائعة فى السيراتو..قبل ما تخرج من الضمان غيرها
ليا صحابي غيروها اكتر من مرة...تقريبا علبة الدركسيون

**volociximab** · 11-12-2016 07:11 AM

المشكلة عند اتنين صحابي منهم واحد تكررت معاه..تغييرها فى التوكيل ب٣الاف ريال يعنى ١٥الف جنيه..فالحق صلحها فى الضمان

**ahmed.biso13** · 11-12-2016 09:55 AM

المشكلة لو الضمان عمله مسكن
لغاية ماتنتهى فترة الضمان
وبعد الضمان ماينتهى يرجعله تانى ويدبحه فى علبة الدركسيون
خليك واقف معاهم وهما شغالين عشان لو ماعجبكش حاجة قوله عليه دلوتى
لان بعد كده عداد الفلوس بيعد كتير قوى