اويد الراى الاخير
عرض للطباعة
اويد الراى الاخير
ولو حتفحص قريب رجع ماتورك القديم افحص بيه وجدد ٣ سنين وبعديها شوف انته ناوي تعمل ايه حيبقة معاك ٣ سنين تدور فيهم علي ماتور كروز او تلاقي حل لورق الماتور وخلي موضوع ماتور الاوبترا ده الحل الاخير لأنه بيتهيألي يعتبر مجازفة وحيقلل كتير من قيمة العربية
ما هو اكيد حياخدوا بصمه فى الفحص ( ده الطبيعى على حد علمى ؟؟ )
الى صاحب السياره .. لا تعرض نفسك لسيف يتحط على رقبتك طول العمر بحاجه زى دى
فى الاول و فى الاخر .. دى حته حديده اسمها عربيه .. و لو حصل شويه خساره .. كل الناس معرضه للخساره فى اى مجال للحياه
استعوض ربنا .. و شوف اى حل مناسب ,, بدون اى تعريض نفسك لمساءله قانونيه او تزوير
1- اسأل فى التوكيل .. هل كروز 2010 هو نفس موتور الاوبترا ام لا ؟؟
2- شوف مواصفه كروز 2010 اللى فى مصر ( او عربيه كروز 2010 فى مصر ) و خد منها كود الموتور .. و قارنه بكود موتور الاوبترا اللى فى مصر
3- دور فى المنتدى عن موضوع للكروز 2010 و فيه شرح كامل للعربيه و موتورها
4- انا موش خبير شيفروليه كروز .. بس كان فيه موضوع قرأته من اسبوعين او ثلاثه على الانترنت .. ان فيه عربيه دايو لاسيتى اوروبى ( شببه الاوبترا ) كان صاحبها محتار فى قطع الغيار
فرد عليه احد ملاك السياره لاسيتى بالمطلوب .. اقرأ اخر سطور ( بالازرق ) فى رده عن الكروز القديمه انها كانت بتنزل بموتور اوبترا 107 حصان .. و بعدين بقت بتنزل بموتور الكروز ( اللى بينزل بره مصر ) بعد الفيس لفت فى 2013
شوف الموضوع ده و ادرسه يمكن بفبدك .. لانى معلوماتى ضعيفه عن الكروز
لربنا يوفقكاقتباس:
رد: عيوب دايو لاسيتى شبيهة الكروز بص يا سيدى هى عربيه جميله جدا وادائها عالى بصراحه من ناحيه الثبات والفخامه وقوه المحرك وادئها على الطريق
بالنسبه لطقع الغيار احب اقولك انا معايا 2 بقالهم 4 سنين والحمد الله اى حاجه بحتاجها بلاقيها
بص مفيش حاجه اسمها مش موجوده ما هو احنا مش جايبين عربيات من الفضاء .. كل حاجه موجوده بس الى يدور ويتعامل صح .. اعرف نوع موتورك واعرف تدور عليه ازاى وتطلبه ازاى ... ووقتها مش هيبقى فى مشكله .. اياك تمشى ورا كلام حد
بالنسبه للصيانه .. انا بعمل الصيانه عادى جدا وليه عامل صيانه ال 30 الف وهعمل تقرير عنها كمان شويه
ايه بقى علاقه المحرك فى اللاستى بمحرك استرا وبمحرك كروز 2013
اقولك انا شوف يا سيدى .. بقى جينرال موتورز لما عملت العربيه دى نزلتها بمحرك ايكو تيك وده محرك المانى انتاج شركه اوبل وبيستخدم فى موديلات اوبل استرا السابقع وحاليا نفس المحرك
والمفروض ان الكروز بره مصر نفس المحرك
لكن عمو منصور قالك ايه بقى ؟؟ قال يكسب من ورانا شويه قام منزلك يا سيدى الكروز بمحرك الاوبترا ال 107 حصان وعارف ان المصرى بيشترى ومبيعترضش علشان يقوم جايلك مع الفيس ليفت الى هو موديل 2013 ويقولك انا غيرت المكنه ويرفع فى السعر كمان وكمان .. يعنى يكسب مرتين ... بس كده هى دى الحكايه كلها
http://www.nilemotors.net/Nile/131627-a.htmlاقتباس:
- دور فى المنتدى عن موضوع للكروز 2010 و فيه شرح كامل للعربيه و موتورها
http://www.nilemotors.net/Nile/250506-lt-2010-a.html
فى الرابط ده بيقول ان الفيس لفت 2013 موتورها 115 حصان
http://www.nilemotors.net/Nile/326836-2013.html
و السؤال فى التوكيل حينهى الحيره اللى عندك
و كمان المفروض احد المشرفين هنا يرد عليك فى الموضوع ده
حقيقي نعجز عن الشكر .. ربنا يباركلكم جميعا
للأسف حتي نص الموتور اللي تحت اوبترا مش لاقيه في السوق ولفيت عليه عند أكبر ناس معروفة
وبقي البديل الوحيد شورت بلوك
وغالبا بعد المفاضلة تم اختيار شورت بلوك اوبترا .. بس علي الله يجي بس ونلاقيه موجود
وهو غالبا حسب الاتفاق بسعر 6000 جنيه
ومش عارف بقي لسه المصنعيات اد ايه او كدا
الله المستعان ......... ربنا يكرمكم جميعا بكل خير
فى بتاع اوبل 1400 سى سى ايكوتيك كورسا
وربنا يسهل وتلاقى الموتور ده وتلاقى سعره رخيص بالفتيس والميكانكى يعرف يركبه!
https://www.youtube.com/watch?v=T9hMyFB9WQg
https://www.youtube.com/watch?v=m5_SnQ5Mqgs
راكب كروز لكن بضفيرته وكونتروله طبعا وشوف الميكانيكى بتاعك رائيه ايه ؟؟! فرجه على الفيديوهات
https://www.youtube.com/watch?v=uLBZVfxbW74
https://www.youtube.com/watch?v=2o4mh0RGnE0