عرض للطباعة
السلام عليكم ورحمة الله
الاخوه الافاضل
ايه رأيكم في الباجيرو موديل ٩٩
من حيث القوه
اسعار قطع الغيار
مدي توافر قطع الغيار
مدي تحمل الخدمة الشاقه (خصوصا في العفشه)
استهلاكها في البنزين
ايهما افضل في الcc ٣٠٠٠ وللا ٣٥٠٠ ولماذا
رأيكو في العربيه بصفه عامة
وياريت اللي جرب العربيه دي يفيدني
وتحياتي للجميع
حاجاوبك عن المعلومات اللى اعرفها عنها من السوق لغاية ما اى حد راكبها يجاوبك :
الموتور ال ٣٥٠٠ افضل للعربية دى من الموتور ال ٣٠٠٠ لان العربية تقيلة حوالى ٢٢٠٠ كجم والموتور الاكبر حايكون مناسب ومستريح اكتر وفرق استهلاك البنزين مش حايفرق كتير . الموتور ال ٣٥٠٠ بيدى ٢٤٠ حصان - استهلاك البنزين حايكون فى حدود ال ١٠٠ كم فى الصفيحة - العفشة بتاعتها والتحمل للخدمة الشاقة كويسة جدا - قطع الغيار اعتقد حاتكون مش سهله ولازم تنزل تسأل بنفسك فى السوق سواء الاستعمال والجديد فى الحرفيين مثلا - العربية فيها فبرات بلاستيك كتير فى الابواب والرفارف ودول صعب الحصول عليهم الا استعمال فيستحسن لما تشترى عربية منها تتاكد من ان الفبرات دى سليمة وهى عموما بتستحمل وقوية بس علشان تغير المكسور فيها حاتدوخ شوية اسأل عليهم برضه فى الاستعمال - لما تتفرج على عربية طبعا لازم يكون معاك ميكانيكى بيفهم فيها كويس وسمكرى كمان - وتاخد بالك من حاجتين اول حاجه انها ماتكونش فيها رجه او هزة عالسلانسية لانه عيب شائع فيها وبيغلب فى التصليح ممكن تغير قواعد فتيس كذا مرة لغاية ماتتظبط وممكن ماتتظبطش - كمان مايكونش فيها اى تسريب زيت من الموتور بالمرة لان اى تسريب زيت وخصوصا من فوق بيخليك تهد الدنيا علشان تصلحه زى مثلا اويلسيلات عمدان الكامات . تبص كويس عالكهربا بتاعتها ومتلاقيش اى لمبات منورة فى التابلوة خاصة بالاعطال او التحذيرات - طبعا الحالة من جوه بتاعة الفرش والبلاستيكات متكونش متبهدلة لان صعب الحصول عليها .
وبالتوفيق ان شاء الله
الف شكر يا باسا
طيب في النهايه تنصحني بيها ولا بحاجه غيرها
أنا مقدرش أنصحك بيها أو بغيرها لأن حضرتك اللى بتحدد إحتياجك ليها ومدى قدرتك على إنك تستعملها وحالخصلك شوية حاجات تفكر فيها :اقتباس:
المشاركة الأصلية كتبت بواسطة hazeeeeem
١- هل مافيش مشاكل عندك فى استهلاك البنزين الكتير بتاعها
٢- لازم تنزل تدور وتسأل على قطع غيارها زى مثلاً : تيل الفرامل ورا وقدام - فلتر الزيت - فلتر الهوا - ماستر الفرامل العمومى - مساتر الفرامل اللى على العجل - فلتر الهوا بتاع الموتور - المساعدين ورا وقدام - الميزان - بارات الدركسيون - جلب المقصات - المقصات - البيضات - البوجيهات - المباين - كوبلن الغرز (ده انا عارف انه موجود لأنه بيركب على عربيات جيب كتير )
٣- حسن الاختيار يعنى تكشف كويس عليها وماتقدمش اى تنازلات عن اى حاجه بايظة وترضى بيها لان فى الغالب اللى معاك حيسهلولك الامور ويقولك مافيش مشكلة دى نصلحها عادى بخماشر جنية :)
مثلا حاجه بسيطة زى التكييف لو مش شغال حايقولك عاوزة شحن فريون وحاتبقى تلاجه وطبعا ده كلام فى الهجايص لأن ممكن تلاقى الكومبريسور بايظ وده حايعدى الـ ٣٠٠٠ جنيه او التلاجه بايظه ودى حاتدخلها برضه فى المبلغ ده بمصنعية الفك بتاع التابلوه والشحن والتقفيل او الاتنين بايظين وحاتخشلك فى ٧٠٠٠ جنيه او اكتر - اهتم بالكشف عالعفشة كويس لأن مكوناتها كتير وبتجمع فى الاخر مبالغ - تشوف العربية فى المشى الباور كويس والفرامل كويسة وهل بتسخن - وتهتم برضه بالحاجات اللى انا قلتلك عليها قبل كده زى الفبرات الخارجية والموتور.
٤- العربية اول ماتشتريها عاوزة صبر كتير علشان تلم اللى فيها وماينفعش تزهق بسرعة والا يبقى بلاشها - بس بعد ماتلم اللى فيها وتتطمن على توافر قطع الغيار العربية اعتمادية لاقصى درجه - العيب الوحيد هى الدوخه على قطع الغيار لقلة انتشارها بس لو لقيتها متوفرة يبقى جزء كبير من المشكلة دى اتحل .
عاجز عن الشكر يا بشمهندساقتباس:
المشاركة الأصلية كتبت بواسطة م/أحمد عبد الفتاح
ربنا يبارك فيك
وان شاء الله هدور على حاجه نضيف لقيت هعتمد مالقتش هصرف نظر :)
لفتة نظر صغيرة .... لو حضرتك تقدر .... اسأل على البرادو نفس الموديلات او اعلى شوية
للاسف هتبقي غاليه شويهاقتباس:
المشاركة الأصلية كتبت بواسطة ahmed_eng2001
انا عندي باجيرو من أكتر من سنة فاتت و أقدر أفيدك جدا
هي عربية رائعة بكل معاني الكلمة و أعتمادية لأقصي درجة ممكن تتخيلها
صالون واسع جدا و 3 كنبات و عالية موت عن الأرض و بالرغم من ذلك ثابتة جدا
موتور رهيب و سحب ممتاز
بس العيوب :
ضخمة جدا و صعبة التعامل في الشوارع الضيقة و بالذات في الركن
دائما تحس أنها تقيلة علي الأرض جدا
أستهلاك البنزين مش عالي جدا زي ما كله بيقول. يعني ممكن تقول مرة و نصف أي عربية 1600
قطع الغيار متوفرة سواء جديدة أو أستيراد . المشكلة أن تجار الأستيراد محتكرينها و فظاع في الأستغلال و قطع الغيار مش رخيصة
المشكلة الحقيقية هي نظرة الصنايعية لحضرتك و انت نازل منها .... يعني الشغلانة أللي تتكلف خمسين جنيه تبقي ب200 لحضرتك ما هو راكب الباجيرو ده عنده بير بترول أو ثري عربي
أنصحك خليك في موديلات من أول 2001 علشان الشكل ده أنعم كتير و الفتيس أفضل من القديمة
لو حضرتك غاوي صحراء و مدقات يبقي موديلات 99 و ما قبلها أفضل علشان بتبقي أنشف و أكثر تحملا للبهدلة
و برضه خد بالك دي عربية قديمة يعني وارد جدا شوية مشاكل في الأول لحد ما تتعرف عليها و تفهمها كويس و تعرف سكة قطع الغيار و الصنايعية بتوعها
و بعد التعارف عليها أؤكد لك انك مش حاتركب غيرها نهائيا ....... دي عن تجربة