تقرير الصيانة عن الالتو بعد 5000 كم

**y_omran** · 04-12-2008 12:11 PM

الحمد لله كملت 5000 كم و قلت ما بيدهاش اتكلم و احجز و اعمل الصيانة و بصراحة مش مسافر شبين الكوم الا فى العيد فقلت اعمل الصيانة هنا فى الهايكستب و طبعا النمر اتغيرت و اليكم ارقام الحجز الجديدة لمراكز الصيانة :
الرقم القديم 19055 اتغير
ابو رواش 01229922011
الهايكستب01229922022
الدقى 01229922033
الاسكندرية 01229922044
شبين الكوم 01229922055
و انا كنت باشتكى ان الابواب لازم تترزع علشان اقفلها و عاوز اريحها شوية و مشكلة الريفيرس و الحمد لله ريح الابواب و مابقيتشى تترزع زى الاول اما الريفيرس فاتحلت و لحد دلوقتى ما عصلجشى معايا و على فكرة المعاملة فى الهايكستيب اتحسينت اوى تقريبا بيقروا اللى بنكتبه الحمد لله رجعت مبسوط و عقبالكم

**m7nsh** · 04-12-2008 06:17 PM

طاب تمام يابشمهندس ,, وربنا يهديهم كمان و كمان

و كل سنه و حضرتك طيب ,, و عقبال ما تعمل صيانه ال100000 وهى بحالتها

**zalpany2000** · 05-12-2008 12:46 AM

ياسر باشا
كل سنة وانت طيب

مبروك صيانة ال5 آلاف
انا عملت صيانة ال10,000 السبت اللي فات
عموما ربنا يباركلك فيها يا رب
بس هما قالولي ان المشكلة بتاعة الريفيرس دي مالهاش حل
انا عملتها في ابو رواش عموما
و اللي لاحظته ان المعاملة فعلا اتحسنت شوية
كمان اتصلوا بيا يوم الاتنين تقريبا من مودرن موتورز وبسألوني عن رأيي في الصيانة ولو كان عندي اي تعليق

يا مسهل

**D . a .\ AYMAN** · 12-12-2008 02:49 AM

[align=center]
الف مبروك ياباشا وعقبال صيانة الـ 10000000000000 وهية بحالتها يارب

بس بصراحة انا بيتهايئلي انهم معملوش حاجة في موضوع الريفيرس ده وبرضه زي ماهو ... يمكن أخف شوية أو انا بوهم نفسي مش عارف[/align]

**y_omran** · 12-12-2008 09:10 PM

مش عارف بس انا حاسس ان عصلجة الريفيرس قلت شوية ممكن بالايحاء انى انا حاسس كدة علشان هما قالولى المشكلة اتصلحت

**y_omran** · 12-12-2008 09:14 PM

نسيت اقول ليكم كل سنة و انتم طيبين جميعا

**noon_eg** · 14-12-2008 06:10 AM

الاخوه الاعزاء كل عام وانتم بخير

انا اشتريت التو من 20 يوم فقط والحقيقه مش بامشى بيها كتير وكنت عايز اعرف هل صيانه الالف ممكن اعملها بعد 3 شهور مثلا لما تبقى تكمل الف ولا لازم قريبا علشان اختم الضمان ؟

عندى استفسار تانى هل فيه حد ركب انذار وسنتر وكاسيت فى التوكيل ؟
ولا يمكن تركيبهم بره عادى ولا يؤثر ده على الضمان ؟

معلش طولت عليكم

لكم منى جزيل الشكر

**D . a .\ AYMAN** · 14-12-2008 11:19 AM

المشاركة الأصلية كتبت بواسطة noon_eg

الاخوه الاعزاء كل عام وانتم بخير

انا اشتريت التو من 20 يوم فقط والحقيقه مش بامشى بيها كتير وكنت عايز اعرف هل صيانه الالف ممكن اعملها بعد 3 شهور مثلا لما تبقى تكمل الف ولا لازم قريبا علشان اختم الضمان ؟

عندى استفسار تانى هل فيه حد ركب انذار وسنتر وكاسيت فى التوكيل ؟
ولا يمكن تركيبهم بره عادى ولا يؤثر ده على الضمان ؟

معلش طولت عليكم

لكم منى جزيل الشكر

[align=center]
ممكن تعملها ياباشا براحتك إنشالله بعد التلات شهور كمان بس المهم انك ماتعديش الـ 2000 كيلو لأن ساعتها هايحسبك على المصنعية يعني مش هاتبقى مجانية

وعموما انا ركبت الإنذار عندهم عشان الضمان لأن لو ركبته برة غالبا بيطلع الضفيرة برة الضمان ده لو ماطلعش العربية كلها عند أول مشكلة تقبلهم لأنهم بيتلككوا بالحاجات دي ... هوة معفن وبـ 400 بس المهم اني معايا فاتورة منهم بتقول اني مركب الإنذار عندهم وبعد كده ناوي إن شاء الله أركب واحد نضيف برة وكذلك عملت في الكاسيت بتاع العربية بعد ما ركبته عندهم روحت جايب السي دي بتاعي وركبته انا بإيدي بعد كده

والف مبروك على السيارة الجديدة وربنا يديك خيرها ويحفظك من شرها[/align]

**y_omran** · 18-12-2008 04:35 PM

الف الف مبروك العربية يا باشا و ربنا يعطيك خيرها و يكفيك شرها
انا سألت على الكاسيت لاقيته فى التوكيل غالى جدا و شرايط (عايشين 20 سنة للوراء) و صينى كمان يعنى مساء الفل ابو 100 جنية يبقى 550 جنية و بنفس السعر ممكن تشترى سى دى محترم تقريبا بايونير ب 600 جنية و بالتوفيق

**alhashem90** · 26-12-2008 07:57 PM

ممنوع الاعلانات التجارية بدون الرجوع للادارة
الادارة 1

الموضوع: تقرير الصيانة عن الالتو بعد 5000 كم

LinkBack

أدوات الموضوع

عرض

تقرير الصيانة عن الالتو بعد 5000 كم - انشر الموضوع فى :

-

-

-

-

-

-

-

المواضيع المتشابهه

تقرير-مصور عن تيل فرامل الالتو الامامي الماليزي

الالتو بعد صيانة ال 10,000.... تقرير و انطباعات جديدة

الصيانة الاولى للكيا بقت 1000 كم بدلا من 5000 كم

عندى مشكلة فى سحب العربية بعد الصيانة 5000 كم افيدونا لو تكرمتم

تقرير رقم 1 عن السيارة الالتو

الكلمات الدلالية لهذا الموضوع

المفضلات

المفضلات

ضوابط المشاركة