الموضوع: فين مراكز صيانة اوبل ؟

على فكره انا كمان محتاج اعرف احسن مركز خدمه وصيانه اوبل ويكون اقرب للشرقية واحسن واحد في المراكز المعتمده من ناحية السعر والسيرفيس لان عندى مشكله هتجنني وعايز اروح وانا حاطت بطيخه صيفى
اقول المشكله يمكن تفيد فى الرد اكتر
* لمبه القربه ( الاربة ) بتاعه الميه الى فى التبالوه على طول شغاله
* مروحه التكييف شغاله مع مروحه الريداتير الى على طول شغال هو كمان على الدرجه التانيه مع العلم ان العربيه كان عليها تبريد زى اللدعه
*رحت لمركز خدمه وصيانه بالكمبيوتر ولما كشف عندى قالى ان الكمبروسر بتاع التكييف عطلان ( طبعا كنت هنط فى كرشه ومش بعيد اموته بأديا ) وانا الكمبروسر عندى بس مفرغ شحن بس عمر المشكله ما تبقى من كمبروسر التكييف
*رحت لواحد كهربائى شغال اصلا فى مركز صيانه معتمد فى الاسماعليه لمرسيدس و Bmw ولما جه شاف العربيه شافها من غير اجهزه ولا حاجه وفى اول يوم زياره قالى ممكن سينسور الحراره يكون عطلان وهو الى مدى امر لتشغيل المراوح على اساس ان العربيه سخنه وكده
وفى تانى يوم بعد ما كشفنا على السنسورات بتاعه الحراره وعلى ساعه السنسور لقيناهم شغالين
طبعا احترنا
قولنا نبص بصه على اليونت كنترول بتاع المراوح وهو فيه كابلين فكينا كابل رد الاوامر للكمبيوتر وسيبنا كابل الى بياخد الاوامر من راس الافعى ( كمبيوتر العربيه ) لقينا فيه تكتكه من الكتاوت الى فى اليونيت كنترول يعنى معنا كده انه مع الكونتاك تلاقى تكتكه ودا معناه ان اليونيت كنترول بيدى الامر لنفسه من غير ما زي ما نتخيل انه بيستشير الكمبيوتر يشتغل ولا لا
قولت فى عقل بالى بدل بقى ما نروح نجيب يونيت كنترول ونجرب عليه او نجرب يونت كنترول بتاع عربيتي فى اى عربيه تانيه اهو اروح لتوكيل يريحنى وخلاص وكان قبل ما ايأس كده كنت بقول اروح للحرافيين وفيه ناس هناك شغالين فى اوبل بس وممكن الاقى عندهم يونتات كنترولتات كتير نجرب فيها
وقبل ما اعمل حاجه برضه بسألكو اعمل ايه
ولو مكنش فيه امل حد يشوفلى التوكيل الاقرب للشرقية والاحسن علشان اعمل عنده الصيانه

اخى الحبيب مممكن تقولى

نوع عربيتك والسعة والمشاكل الى عندك

اخى الكريم من الواضح ان عربيتك استرا 2000 1200 سى سى

اللمبة دى بتاعة كنترول المراوح

ممكن اعرف الاعطال الى كانت متسجلة ؟؟؟؟؟؟؟

لا مؤخذه فين مراكز الصيانه ؟

انا استعجلت ورحت التوكيل الى فى رابعه العدوية وكشفت على العربية ولقيت ان كمبيوتر المراوح هو الى عطلان وغيرتو ب1012 جنيه يعنى الحكايه كلها اتلمت فى 1200 جنيه ويارب تبقى اخر الاحزان بس من بعدها العربية رجعت تحفه والحمد لله ومتشكرين وشكر خاص لـabouzahra

لا بصراحه هى بقت 10 / 10
وانا جبتلكم رقم حجز الصيانه فى التوكيل بتاع رابعه
0222619701
دا رقم الحجز
وفيه هناك واحد سكره هو الى انا كنت رايح عليه وهو مهندس بجد محترم وعمل الى عليه وزياده
هو مش بيمد ايده على عربيات بس بيوفرلك مهندس تحت منه بيبقى كويس
م/ شافعى
والمهندس الى تحت منه وميه ميه م / احمد وهو غالبا هتشوفوه شايل شعره وهو دا الى عرفت اميزه فيه
بس روح التوكيل دا وهتدعيلى