الموضوع: ساعدوني في اكواد جيب جراند شيروكي

P0320 سينسور الكرنك بايظ او الفيشة او السلك بتوعه فيهم مشكلة يبقى تكشف على الاسلاك بتاعته وتنضف الفيشة وتشوف لو فضل زى ماهو يبقى تغيره .
P1391 سينسور عمود الكامات نفس الوضع زى سينسور الكرنك .
P1281 ترموستات الكوعة بتاع ميه التبريد معلق وهو فاتح والعربية مش بتوصل لدرجه حرارة تشغيل الموتور - ده تغيره فورا .
P0301 عندك ميس فاير فى الاسطوانة رقم ١ وده تبدأ بانك تغير البوجيه وتشوف هل حايروح ولو ماراحش يبقى تكشف على فيشة الرشاش والسلك بتاعه وبعدين البوبينة .
P0456 و p0442 فيه تسريب بسيط فى دايرة تهوية البنزين ودى ممكن تبدأ بانك تغير غطا التانك بتاع البنزين ولو فضل العطل موجود يبقى تكشف على كل الخراطيم بتاعة البنزين اللى حوالين التانك واللى جنب الموتور وتشوف هل فيه خرطوم مشقق او مشروخ بينفس .
P1757 ده خاص بالفتيس ومعناه ان منظم الضغط بتاع الفتيس ضغطه مش مظبوط - لو الفتيس بينقل معاك كويس يبقى تبدأ بتغيير الزيت والفلتر بتوع الفتيس لانهم ممكن يكونوا فيهم شوائب كتير - بعد كده تغير سينسور الضغط بتاع الفتيس وبعدين المنظم ده .
ابدا بالمشاكل الاولانية وسيب الفتيس دلوقتى لان ممكن يروح العطل لما تصلح الباقى ولو خلصت كله ولسه عطل الفتيس يبقى تعمل اللى قلتلك عليه .

بيبقى جنب المارش (الاستارتر) واحتمال تفك المارش علشان توصله - وبيبقى عليه فيشة وراكب بمسمار واحد