الموضوع: استفسار حول اختيار نوع سائل التبريد

لا .. خليك فى g11

ساضع رد لاحق للتوضيح

س لما قرأت عن ال G12 عجبني أكتر لطول مدة بقاءه في المكنة. هو مش مناسب للريداتيرات اللي فيها نحاس
و أنا الريداتير عندي الومنيوم،

هو موش بيتكلم فقط عن الرادياتير

اتكلم كمان عن ماده الدفايه ( راديتير السخن جوه العربيه )

و اتكلم كمان عن ماده اللحام لدوره التبريد ( اللحامات الرصاص )

G12 موش مناسب للحامات الرصاص فى دوره التبريد .. و كمان دورات التبريد القديمه نسبيا بصفه عامه

بس الموقع بتاع وولف عامل wizard لإختيار الزيوت و سائل التبريد المناسب بناء على نوع و موديل العربية و هو مختار ال G11

النوعين مختلفين تماما

G11 ده من نوع IAT >> Inorganic Acid Technology .. و بيحتوى على سليكات و بورات .. و مناسب للحامات الرصاص و دورات التبريد القديمه نسبيا و النحاس

و لاحظ كمان ان موش بس الرادياتير هو اللى ممكن يكون نحاس .. ممكن مكونات تانيه فى الموتور تكون من النحاس

G12 ده من نوع OAT >> organic Acid Technology .. و لا بيحتوى على سليكات و بورات .. و غير مناسب للحامات الرصاص و دورات التبريد القديمه نسبيا .. و يوفر حمايه لمعادن اضافيه زى الماغنيسيوم و الحديد

فإيه رأيكم؟

خليك مع G11

و كمان انا راجعت 10 او 12 موديل من شيرى ( و سنوات قديمه و حديثه ) .. كلهم موصى ب G11 .. سواء لمواتير ميتسوبيشى او المواتير الصينيه ال ايكتيكو

معنى الكلام ده ان فيه حاجه فى تصميمات شيرى لدوره التبريد بتستلزم G11



ال AIT دى هى اقدم انواع سؤائل التبريد فى التصميم ( و لكن ليست اقدمهم على الاطلاق ) .. و السيليكات دى علشان حمايه المحرك و دوره التبريد .. بالرغم ان ممكن يكون عليها تحفظ انها بتتلف الطرمبه ( كان زمان )

انا معايا سبرانزا 620 و برضه موصى ب G11

خلى بالك انهم ادرى بتركيبه سوائل التبريد بتاعتهم و عارفين بالظبط النوع المطلوب ليك ( من سوائل تبريدهم تحديدا )



خلى بالك بالرغم ان موضوع سؤائل التبريد يبان فى الظاهر بسيط و لكنه معقد جدا ( بالظبط زى الزيوت )

و كمان فى نضارب كبير بين المعلومات الفنيه المنخصصه لتصنيف سوائل التبريد على الانترنت ( بواسطه متخصصين ) .. يعنى صعب تكون رأى نهائى بسهوله لان فى تضارب فى التصنيف

ألف شكر على التوضيح
و فعلاً موضوع سوائل التبريد معقد جداً و مالوش مسكة تحكمه منها.

طب سؤال لو سمحت...المياه الي تركيزها ٥ و ١٠٪ زي iada كده ...ايه ظروفها

المشاركة الأصلية كتبت بواسطة mostafa_3tiya

طب سؤال لو سمحت...المياه الي تركيزها ٥ و ١٠٪ زي iada كده ...ايه ظروفها

أنا جبت وولف g11 50% ايثلين جليكول و ممتازة جداً و الفني اللي غسللي دورة التبريد (و ضخ هوا عشان يخرج أكبر كم ممكن السائل بره الدورة) و كان في بنزينة موبيل كان مبسوط منها جداً.

لوجه الله ما تجيبش تركيز أقل من 33% الموجود في موبيل.
نسبة الإيثلين جليكول كل ما تعلى كل ما بتزداد كفاءة سائل التبريد و تعلى درجة غليانه لحد 128 درجة في نسبة 50% و تزيد اضافات منع الصدأ و مضادات الأملاح و القدرة على المحافظة على كفاءة التبريد و درجة التبريد في الأجواء الحارة.

المشاركة الأصلية كتبت بواسطة mostafa_3tiya

طب سؤال لو سمحت...المياه الي تركيزها ٥ و ١٠٪ زي iada كده ...ايه ظروفها

ياختصار .. ميه التبريد شقين

جزء الميه .. و دى وظيفتها الاساسيه التبريد

جزء الإيثلين جليكول .. ده بيحتوى على 5% منه اضافات .. الاضافات دى هى اللى بتكون فيها مواد الحمايه للمحرك .. و منع الصدأ .. و التزييت للطلمبه .. و رفع درجه الغليان .. خفض درجه التجمد .. الخ

الإيثلين جليكول له قدره ايضا على التبريد و لكن دى موش وظيفته الاساسيه

كل ما كانت نسبه الإيثلين جليكول اقل .. ده معناه ان نسبه الاضافات اصبحت اقل ( لانها 5% منه ) .. ده معناه ان حمايه الموتور و منع الصدأ و التزييت اصبحت اقل .. الكلام ده بغض النظر عن قدرته على التبريد ستصبح اقل ايضا

يعنى ميه 5% او 10% .. لن تتوفر فيها حمايه اصلا للموتور

المشاركة الأصلية كتبت بواسطة NaAZoOR

أنا جبت وولف g11 50% ايثلين جليكول و ممتازة جداً و الفني اللي غسللي دورة التبريد (و ضخ هوا عشان يخرج أكبر كم ممكن السائل بره الدورة) و كان في بنزينة موبيل كان مبسوط منها جداً.

سؤال

ما هى الكميه التى نزلت عند تصفيه الميه من الطبه ؟؟

ما هى الكميه التى نزلت بعد ضخ الهواء مقارنه بالكميه التى نزلت قبلها ؟؟

و هل مجموع الكميتين اللى نزلوا ( التصفيه من الطبه + ضخ الهواء ) يساوى الكميه المكتوبه فى الكتالوج عندك ام لا ؟

المشاركة الأصلية كتبت بواسطة tasaka

سؤال

ما هى الكميه التى نزلت عند تصفيه الميه من الطبه ؟؟

ما هى الكميه التى نزلت بعد ضخ الهواء مقارنه بالكميه التى نزلت قبلها ؟؟

و هل مجموع الكميتين اللى نزلوا ( التصفيه من الطبه + ضخ الهواء ) يساوى الكميه المكتوبه فى الكتالوج عندك ام لا ؟

الكتالوج بيقول 7.5 لتر
و كده كده فيه شوية في البلوك ما بيخرجوش خالص إلا اذا خرجت الموتور بره العربية.

في حالتي أنا العربية أخدت 5.5 لتر بعد ضخ الهوا ...

الهوا خرج لتر تقريباً.