رد مع اقتباس
- الشيروكى الـ XJ ٦ سلندر منتشرة اكتر وقطع غيارها متوفرة بكثرة جديد واستعمال
- البليزر بسيطة ومافيهاش عقد كتير زى الشيروكى - قطع غيارها ممكن تكون صعبة شوية واعتقد فيه حاجات تنفع تركبلها من العربيات النص نقل الشيفروليه - وممكن المهندس أحمد Ahmed_Eng2001 يقولك على قصة قطع الغيار وبيعمل ايه علشان عنده عربية K5.
- استهلاك البنزين فى البليزر حايكون أعلى من الشيروكى .
- البليزر أوسع من الشيروكى .
- البليزر اقوى فى البودى والشاسية والعفشة والكوارين خصوصا الخلفية عن الشيروكى لان الكورونة الخلفية للبليزر فيه منها ١٢ مسمار ودى اعتقد من اقوى الكوارين اللى طلعت وفيه منها ١٠ مسمار برضه اداءها احسن من كوارين الشيروكى الخلفية سواء الدانا ٣٥ او الـ ٨,٢٥ ( البليزر كانت السيارة الرسمية لدوريات حرس الحدود الامريكى من يوم ماطلعت لغاية ماتوقف انتاجها )
- الشيروكى xj اخر موديل ليها ٢٠٠١ والبليزر الـ K5 اعتقد اخرها ١٩٩١ وبرضه المهندس احمد يقدر يفيدك فى النقطة دى .
- الشيروكى التحكم والمناورة بتاعتها احسن
- اعتقد البليزر بتشتغل ببنزين ٨٠ بدون اى مشاكل.
- الاتنين اهم حاجه فيهم حسن الاختيار ولازم يتكشف عليهم كويس جداً قبل الشرا .
دى الحاجات اللى اقدر افيدك بيها فكر فيها كويس وشوف المناسب ليك وربنا يوفقك .
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 33677
تاريخ التسجيل : 22Feb2009
المشاركات : 247
النوع : ذكر
الاقامة : Cairo
السيارة: Cairo
السيارة[2]: Cairo
الحالة :
جيب شيروكي xj ولا بليزر k5 - أرجو الافادة من أهل الخبرة -
انشر الموضوع فى : hasad">لسلام عليكم
في هذه الظروف الصعبة والأسعار القاسية، عايز أجيب عربية دفع رباعي إن شاء الله، واتحدد تقريباً عندي الاختيارات لاثتين فقط محتار ما بينهم الأولى هي:
1. شيروكي xj
6 سلندر
4000 cc
2. شيفروليه بليزر k5
8 سلندر
5700 cc
الحقيقة العربية هتبقى عربية ثانية يعني محدودة الاستخدام للصحراء ورحلات الأوف رود والتخييم في المناطق الوعرة، مش استخدام يومي
أرجو الافادة من أهل الخبرة (ويا سلام لو حد جرب الاتنين) من حيث: الأداء في الصحراء والطرق الوعرة
ومن حيث الإعتمادية وقلة الأعطال
شكراً جداً مقدماً
-
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
-
amadios سابقا
-
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
-
طيب سيبلى حاجة اقولها :) ربنا يكرمك ده الايجاز و جبت المختصر المفيد ....
اخد راحتى فى الكلام شوية .. علشان انا عندى كبت سياراتى اليومين دول ....
لازم حضرتك تحدد و ترجح حاجات اكتر من الى ذكرتها .... بمعنى .. عمر حضرتك اد ايه ؟؟!! اخبار عمودك الفقرى ايه ؟؟ عندك استعداد تشتغل بايدك فى العربية و لا لأ ؟؟!! علاقتك بالميكانية ايه ؟؟!! كنت راكب عربية ايه قبل كدة ؟؟ او عربيتك الاولى ايه ؟؟ و حاجات كتير زى كدة ....
البليزر عربية يركبها الى بيحبها ... لا هى عربية مريحة و لا منظرة .. و بلاعة بنزين .. اعطالها مش كتير .. بس عمرها كبير ... قطع غيارها بدأت فى الاختفاء اليومين دول علشان الاستيراد و الدولار !!! .. ابعادها كبيرة .. زوايا الرؤية فيها سيئة جدا .. زوايا الدركسيون قليلة علشان الصلايب الامامية ... مفيهاش حاجة اسمها رفاهية و اوبشنز ... ممكن حضرتك تركبلها الى انت عاوزه بعد كدة ... بس اخرها الزجاج الكهرباء ... شغل الصيانة فيها متعب حبتين علشان حضرتك بتركب جوة الحوض و انت بتشتغل ... حدور لحضرتك على بعض الصور و ارفعهالك قريبا ان شاء الله
الشيروكى ... عربية اخف و الطف و اجمل .. و لا تزال فيها بعض الوجاهة الاجتماعية ... قطع غيارها غالية شوية .. و فى منها التقليد .. و قطع الغيار الاستيراد كتير ... فيها اوبشنز و حساسات كتير ...
قربة مياه المساحات فيها حساس و لمبة فى التابلوه .. يا دلعوا
قطع الغيار موجودة .. و خاصة ال 6 سلندر
عن نفسى انا مش بحب الشيروكى علشان الكنبة الخلفية ... ضيقة اوى ... و الى يجلس ورا .. لازم تحس بركبه ضاربة فى ظهرك ... بمناسبة الظهر ... عربية مش ناعمة ... سوست حلزونية امامية و سوست ورق خلفية
زى ما قالالباشمهندس احمد عبد الفتاح .... الشيروكى دى من موديل 93 تقريبا لغاية 96 .. و نفس الشكل بس فيه بومبيه فى الاركان من 97 لغاية 2001 ....
العربية حقن اليكترونى و رشاشات و كنترول و حساسات .. و بالطبع بنزين 92 خالى من الرصاص و الملح
البليزر غلبانة شوية فى الحتة دى ... كربراتير عجوز و اسبراتير اليكترونى من سنة 70 ( القرن الى فات ) و شغالة بنزين 80 مش بتقول لأ .. حبيت تحط شوية مية مع البنزين مش حتعترض كتير
الرمال و الصحراء .... فى الرمال .. العربية الخفيفة تكسب .... و التقيلة تغرز ... حتى لو عليها موتور قوى
الاعتمادية ... انا اثق فى الشيروكى اكتر علشان فرق العمر
الاسبوع الى فات .. مونت ب 180 جنيه بنزين 80 و التانك كان فيه ربعه !!!! الصفيحة بتعمل تقريبا فى المتوسط 80 كيلو
خلى بال حضرتك ان البنزين حيغلى كمان
عاوز الفت انتباه حضرتك لعربيتين بدائل للبليزر و الشيروكى .....
البليزر ال s 10 .... و الرانجلر الشاسيه المتوسط او الطويل
البليزر s شبه الشيروكى .... بس 3600 6 سلندر ...موديلات تسعينات ... الكنبة الى ورا واسعة مش معقدة زى الشيروكى .. و قطع غيارها مش منتشرة اوى زى الشيروكى
الرانجلر عربية ظريفة جدا يفيدك اكتر المهندس احمد عبد الفتاح ....
اى استفسارات عن البليزر انا تحت امرك
-
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
-
ده الميكانيكى ( الله يرحمه ) لما كنت بعمل طقم شنبر
-
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
-
شرح جميل .. احنا عايزينك تفضفض كده دايما
المشاركة الأصلية كتبت بواسطة ahmed_eng2001
باين عليك شايل شويه من البليزر اليومين دول .. ربنا يسهل الامور
تحياتى و اعزازى و تقديرى
-
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
-
أنا بس باسخنك ياهندسة لأنك واحشنا جداً :) المشاركة الأصلية كتبت بواسطة ahmed_eng2001
amadios سابقا
-
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
-
ربنا يعزك و يكرمك :) المشاركة الأصلية كتبت بواسطة tasaka
بصراحة المشكلة مش من العربية نفسها ... المشكلة لما تحتاج صيانة و انا مش فاضى او مش فى مود انى اصلحها ... و المود العام كدة ميشجعش الواحد انه يعمل حاجة فيها ... بالرغم من انى بحبها
عربية .. ماكينة .. موديل 1980 ... محتاجة رعاية غير عربية موديل 2010
معلومة صغيرة للاستاذ crx ... حتى لو انت عامل حسابك على استخدام العربية فى السفارى فقط .... اكيد حتحتاجها فى يوم تنزل بيها وسط البلد مثلا .... او تركب اشخاص معاك ... و ممكن يكون الاشخاص دول كبار السن ... حتحس بالعجز ساعتها ... علشان كدة الشيروكى افضل كتير فى النقطة دى
احد ميزات البليزر ممكن تستعملها فى الشحن و التفريغ ... انا كنت بشيل فيها زوى حديد بطول 4 متر .... الواح خشب 1.2 * 1.5 .... رخام السلم ... 100 طوبة مبانى .. عجل الاطفال ... و حاجات كدة
لو تنيت الكنبة الخلفية ... ممكن تاخد حاجات بطول 2 متر و عرض 1 متر ...
مفيش مشكلة فى شوية زبالة ... على شويةكسر ... على اغصان شجر متقطعين ... على خروفين بتوع العيد الكبير و هكذا
لو دى هى الميزات ... اشترى عربية ربع نقل افضل
-
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
-
ربنا يكرمك و يبارك فيك ... و انت كمان واحشنى المشاركة الأصلية كتبت بواسطة م/أحمد عبد الفتاح
عمل اقرأ موضوع short and long time fuel trim ... و حوارك مع الباشمهندس tasaka ... و بدعيلكوا فى سرى :)
ياريت حضرتك لا تتوقف عن عمل موضوعات جديدة علشان نتعلم منها ...
و ده رجاء للمهندس tasaka برضوا .... متابع اراء حضرتك فى ال 620 و فى كونترول العربية و الاخطاء
-
رقم العضوية : 173494
تاريخ التسجيل : 24Mar2015
المشاركات : 2,674
النوع : ذكر
الاقامة : egypt
السيارة: none
السيارة[2]: Speranza a620 2010
الحالة :
-
انا استفدت كتير من النقاش مع المهندس احمد عبد الفتاح فى الموضوع ده و غيره من المواضيع المشاركة الأصلية كتبت بواسطة ahmed_eng2001
مع جزيل الشكر الدائم له
-
رقم العضوية : 29225
تاريخ التسجيل : 05Jan2009
المشاركات : 1,362
النوع : ذكر
الاقامة : الإسكندرية
السيارة: لايوجد
السيارة[2]: Jeep KK 2009
الحالة :
-
hasad">الشكر لحضرتك وللمهندس أحمد النقاش معاكم ممتع بصراحة المشاركة الأصلية كتبت بواسطة tasaka
amadios سابقا
المواضيع المتشابهه
-
جيب شيروكي xj ولا بليزر k5 - أرجو الافادة من أهل الخبرة
بواسطة CRX في المنتدى جــى إممشاركات: 2آخر مشاركة: 11-03-2017, 07:45 PM -
جيب شيروكي xj ولا بليزر k5 - أرجو الافادة من أهل الخبرة
بواسطة CRX في المنتدى قسم سيارت الدفع الرباعى وال SUVمشاركات: 1آخر مشاركة: 13-12-2016, 08:42 PM -
أرجو الافادة من اهل الخبرة
بواسطة eng_ashraf2007 في المنتدى نيـــــــــسانمشاركات: 3آخر مشاركة: 11-07-2014, 03:17 PM -
أرجو الافادة من أهل الخبرة
بواسطة mfouad10010010 في المنتدى مختــلف أنواع الدراجات الناريةمشاركات: 3آخر مشاركة: 11-03-2010, 08:49 PM -
أرجو الافادة من أصحاب الخبرة
بواسطة mmanaa في المنتدى مــــــازدامشاركات: 1آخر مشاركة: 11-06-2009, 04:45 AM
المفضلات