كنت طالب كفر علوى للاب توب من على اكسبريس واخر حاجة وصلتلها Held by Custom ممكن حد يفهنى يعنى ايه
عرض للطباعة
كنت طالب كفر علوى للاب توب من على اكسبريس واخر حاجة وصلتلها Held by Custom ممكن حد يفهنى يعنى ايه
متوقفة فى الجمارك واكيد طبعا جمارك المحروسة
طب ممكن اعرف ايه اجراء اللى اتخذه بعد كدا لانى بصراحة اول مره اشترى من بره
اذا سعادتك اخترت الشحن بالبريد العادى بيكون الشحنة متوقفة فى البريد المركزى اللي فى رمسيس ولابد تروح لهم بنفسك وتدفع الجمرك المقرر وتستلمها بعد كده
بعض السلع تحتاج تصاريح امنية والاخرى تحتاج تصاريح من هيئة الاتصالات زى التليفونات والتابلت
تقبل تحياتى
وربنا يعينك
تصدق الكفر ب 38 دولار وعاوزنى ادفع عليه جمرك 266 ج يرضى ربنا ده للاسف كانت الفلوس ناقصه معايا معرفتش استلم انهارده
عرفت ليه انا كنت باقولك جمارك المحروسة
حاجة جميلة بصراحة
فى السعودية بنشترى سلعة ب 3800 دولار وبدون جمارك
للاسف الشراء من النت ده حاله فى مصر
المفروض كانوا يتصلوا بيك يعرفوك انه الطرد متوقف عندهم علشان تروح تدفع الجمارك وتستلمه
تخيل لو انا ماليش تجربة سابقة وعرفتك المشكلة فين واصلا حد يعرف ال custom دى فى اى مكان؟
الادهى من كدة كان فى واحد زميلي نازل مصر واشتريت له 2 تابلت من الصين على عنوانه فى الشرقية وحصلت معاه نفس المشكلة ونزل القاهرة وبات فيها يومين علشان يخلص الموضوع الرخم ده وطلبوا منه تصريح امنى وتصريح من الهيئة القومية للاتصالات ههههههههه
تقبل تحياتى
ربنا يعينك للمرة التانية
ربنا يخليك كنت عاوز اسئله حضرتك عندك فكره فى نوع ومقاس المفك اللى يفك الشاشة والكفر بتاع اللاب توب
هات عدة مفكات ساعة بتكون مقاسات صغيرة وفيها كل انواع رؤس المسامير اتوقع تلاقيها فى العتبة
اهى دى بقى عندنا فى السعودية ب 5 ريال
http://store2.up-00.com/2016-12/1482184121981.jpg