الخرطوم الغامض فى ستروين ax

**hinrey_2** · 16-12-2016 01:02 PM

IMG_6253 - Télécharger - 4shared
كنت بلاقى على اامانيفولد غبار لونه احمر دليل انه مختلط ببخار بنزين
بالفحص فى القاعدة الموجودة تحت كاربيرتير ستروين ax يوجد خرطوم خارج وداخل فى منتصف عمة الهوا والخرطوم موجود فى الصورة الموجودة بالرابط .
الخرطوم لقيته مسدود عندي بمسمار محسور جواه .انا روحت قاصص الخرطوم ووضعت مكانه خرطوم جديد وربطته بالافبز لقيت السلانسيه بقى عالى وارتفع من 600 لفة الى 850 لفة تقريبا .
اتصلت بالميكانيكي قالى انه قافله علشان الموتور خفيف وقالى انه ده النفس بتاع الموتور .
وخلانى احشر المسمار جوه الخرطوم تانى وصوت الموتور رجع هادي وانتظم السلانسيه .
السؤال ما هى وظيفة هذا الخرطوم؟ وهل فى الموتور السليم المفروض ينفخ او يشفط الهواء ؟ وهل ده له علاقة ببخار البنزين الموجود على المانيفولد والكربراتير من ال خارج ؟وهل الاجراء اللى عامله الميكانيكي صح والا غلط .
اتمنى التعاون من اهل الخبرة مشرفين واعضاء لتعم الاستفادة وجزاكم الله كل خير وتقبلوا تحياتي .

**bahaa mohamed** · 16-12-2016 05:32 PM

متابع

**rotanamasoud** · 16-12-2016 06:47 PM

بالظبط معرفش بيعمل ايه لاكن فتحه يعنى ضياع خلخله الضغط من المحرك حتلاقى بالقرب منه خرطوم السيرفو
بكده نستنتج ان وظيفته خلخله وشفط رق او فالف معين لو تقولى المفروض يتوصل بايه فبريكه ممكن اوصل لوظيفته

**hinrey_2** · 16-12-2016 08:14 PM

استاذ روتانا حبيب الغلابة بتوع الستروين كنت عارف انك هترد عليا .طول عمرك سباق بالفضل وبتعلمنا الخرطوم متوصل بعمة الهواء الواصلة ما بين فلتر الهواء والكربراتير ومرفق صورة للتوضيح يا رب يقدرك وتكشف لنا اللغز ده
000000 - Télécharger - 4shared

**rotanamasoud** · 16-12-2016 09:00 PM

اخبارك ايه والعربيه عامله معاك ايه انا بعت من زمان بس لسه الذاكره شغاله
انا كنت فكيت الجزئ ده من عمه الهوى وتقريبا على ما اتذكر فى فالف جوه لما بيتشفط بيقفل سحب من الفايص بتاع الموتور ويسحب من فلتر الهوى فقط ولما بيرخى بيفتح للفايص يدخل هوا من الموتور مع الفلتر
الصوره المفروض الفتحه التانيه تكون واصله مع الفايص
وخليه زى ما هو كان مقفول عندى لان لو الصمام مش شغال حيبرجل المكنه كان رق السيرفو مقطوع
مفيش احسن من انك تعمل كل حاجه بايدك مفيش صنايعى يقدر بشتغل بمزاج ونضافه زى صاحب العربيه

**hinrey_2** · 16-12-2016 10:30 PM

شاكرين الافضال وان شاء الله هاعمل تجربة حلوة فى العربية فى الصيف وان نفعت هاتكون اول واحد يعرف .
ربنا يخليك ويجزيك خير تقبل تحياتى واحترامي .

**Colin Chapman** · 17-12-2016 12:17 AM

المشاركة الأصلية كتبت بواسطة rotanamasoud

اخبارك ايه والعربيه عامله معاك ايه انا بعت من زمان بس لسه الذاكره شغاله
انا كنت فكيت الجزئ ده من عمه الهوى وتقريبا على ما اتذكر فى فالف جوه لما بيتشفط بيقفل سحب من الفايص بتاع الموتور ويسحب من فلتر الهوى فقط ولما بيرخى بيفتح للفايص يدخل هوا من الموتور مع الفلتر
الصوره المفروض الفتحه التانيه تكون واصله مع الفايص
وخليه زى ما هو كان مقفول عندى لان لو الصمام مش شغال حيبرجل المكنه كان رق السيرفو مقطوع
مفيش احسن من انك تعمل كل حاجه بايدك مفيش صنايعى يقدر بشتغل بمزاج ونضافه زى صاحب العربيه