شقق الإسكان الإجتماعي دي حلال ولا حرام يا جماعة

دلوقتي يا جماعه الحكومه عامله شقق اسكان اجتماعي
ونص الشعب مقدم فيها
المهم اللي بيحالفة الحظ ويكسب بيسلموة للبنك
البنك بقي بيدفعه جزء مقدم وبيديله قرض بالباقي
والفايده بتزيد7% كل سنة عن السنه اللي قبلها
وكمان مينفعش تسدد بعد فترة وتكيشها ولكن لازم تلتزم بالتسديد لمده20 سنه مدة القرض
وكمان البنك بيمضيه علي شيكات بعدد الأقساط وكمان بيخليه يعمله توكيل عام يتصرف في الشقه
فكده الموضوع تقريبا اصبح قرض بحت وبفايده7%
فهل الموضوع ده كده ربا ولا ايه؟؟
وهل حلال الواحد ياخد الشقه دي ولا كده انا حرام عليا علشان واخدها بالربا؟؟

متابع للعلم

للأسف فعلا كل مشرعات الاسكان في الدوله بتخليك تأخد قرض ربوي من البنك وده اللي محرمها زي ما سمعت من الشيوخ المتخصصه في الاقتصاد الاسلامي

سداد القرض بفوائد هى ربا وهى حرام شرعا ، والله أعلى و أعلم.

انا مش شيخ ولا هفتى على الفاضى
لكن بقول رأى شخصى
الموضوع بعيد عن الربا او القرض على الاقل من ناحيتك
لأنك لم تستلم مبلغ وترده بنسبه
انت فى النهايه استلمت شقه بالقسط وطبيعى القسط يبقى اكتر من تمنها كاش
يعنى حلال
ياريت البنوك كلها تعمل كده بدل من القروض الحرام
يعنى تسلمك اصل وتتدفع تمنه كاش للبائع وتقسطه عليك بفايده وتكسب

فيه ناس بتقولي طالما البنك دفع تمنها مقدم واشتراها هو وبيبيعهالك بنظام التقسيط وأنت موافق فدي تجاره وحلال
زي الناس اللي بتبيع بالقسط كده
ياريت اي حد عنده علم يفيدنا
وشكرا جزيلا

نفس مشكلة شراء السيارات بالتقسيط. البنك لا يمتلك السيارة و بالتالي بيعها ليك عن طريق البنك يعتبر حرام لانه لا يمتلكها في الاساسا ليبيعها. الكلام ده توصلت ليه بعد بحث طويل اثناء شراء سيارة.

بعض العلماء أحل شراء المسكن بالذات بواسطة القروض الربوية
لان المسكن من ضرورات الحياة كالمأكل والملبس ، الا لو كان بغرض التجارة
وارى انه يمكنك الاستفادة من هذه الفتوى ولا حرج عليك انشاء الله

بعد اذن اخونا دكتور هلال: على حد علمى الكلام ده لو كان الشخص هيبات فى الشارع وملوش مأوى. لكن الضرورة مش موجودة لأن اعتقد اخونا صاحب الموضوع (ربنا يزيده من فضله) مش كدة . والله أعلى وأعلم.