سلام عليكم عايز اشتري عربيه استعمال ومحتار ارجو الرد السريع

**Pepo samir** · 17-12-2016 01:09 AM

السلام عليكم يا رجاله
كنت عايز اخد رايكم في موضوع شراء سياره استعمال فانا محتار اشتري ايه ومعروض عليا انواع كتير ومحتار اشتري ايه وعايز انجز واشتري...
اول نوع عربيه هي سكودا فابيا 2003 هاتشباك بس بدور علي الموتور 1400 cc
تاني نوع عربيه هي سيات ابيزا من99 لموديل 2002 ومختلفناش في الشكل بس موتور اكيد بردو 1400 cc
تالت عربيه هي بريليانس fra or frv موديل 2009 ومختلفناش فيهم بردو معروضين عليا الاتنين.. موتور تقريبا مش فاكر 1500 cc
رابع نوع دايو جوليت موديل 99 1500 cc
الاربع انواع #هاتشباك وفبريكه وكلهم #مانيوال لحد علمي بس مش عارف البريليانس فبريكه ولا لا.....
اللي عايز اعرفه من رأي الاعضاء الكرام
1.الافضل في قطع الغيار من حيث السعر وموجوده ولا لا
2.لو في اي معلومه اضافيه من اي عضو مايبخلش عليا ويقولها.....
3.اداء التكيف والسياره هي ماشيه ع السريع..
ايه هي العربيه اللي تكون شبابيه سحبها حلو امكانيات وموتور يكون فوووق الرائع واهم حاجه عندي ..
سحب العربيه لاني من عشاق السحب بس لحد 150

**bahaa mohamed** · 17-12-2016 01:22 AM

بنسبه للسكودا الفيبيا الموديل ده اغلب المكانيكيه مش بيفهمو فيها خالص و الابيزا سمعتها وحشه اوي في الموديل ده و كان معايا ابيزا ٩٨ عسفتني و مكنتش الي هيا انما الابرلينس معرفش عنها اي شيء علي الاطلاق الجوليت بقا انا شيفها احسن حاجه في الي فاتو بس الموضوع كلو في الحاله الكويسه ليها و بنسبه لقطع غيرها موجوده و في منها حجات كتير من اللانوس و غيرها من العربيات الي موجوده في السوق ده رئي الشخصي

**Weesky** · 17-12-2016 02:09 AM

ليا قريب كان معاه ابيزا ٩٨ ومن الفرحة اللي شوفتها في عينه لما باعها منصحكش بيها
انا كمان شايف ان الجوليت لو حالتها كويسة حتبقة انسب اختيار عشان حتوفر كل الا حتياجات اللي انته طالبها مع التأكيد ان (حالتها تبقة كويسة) ده غير ان اسعار قطع الغيار دلوقتي نااااااار ومش موجودة يبقة خليك في اللي مش حتتعبك علشان تلاقيلها قطع غيار وفي نفس الوقت حاجتها تعتبر ( ارخص الغاليين )

**رامي مصطفى** · 17-12-2016 10:51 AM

ارخصهم واسهلهم في قطع الغيار والصيانه واعادة البيع هيا الجوليت.
واصعبهم واغلاهم ف قطع الغيار واعادة البيع الفابيا
سيبك من الفابيا والابيزا
الجوليت الاختيار الاول وممكن تفكر في في frv بحكم انها اصبحت منتشره وقطع غيارها معقوله والاهم فرق الموديل والشكل الاحدث وطبعا تسأل ايللي جربها
ولو استقريت على الجوليت يبأى مسكت العصايه مم النص
بالتوفيق

**Pepo samir** · 17-12-2016 11:40 AM

الف شكر يا رجاله افدتوني كتيير....
بس كده انتو اجماع ان الايبيزا والفابيا بلاش....
بس انا اخدت برايكو في الفابيا انها بلاش...
بس الايبيزا في ناس قالتلي انها ممتازه وكويسه ودخلت علي المنتدي هنا ولقيت ناس بتشكر في العربيه دي.. غريبه انكم تطلعوها مش كويسه بس انا عارف انها من رايكم او من خبرات قديمه.... ياريت لو حد ياكدلي تاني علي الايبيزا علشان العربيهه شويه داخله دماغي اكتر من الجوليت ....
وكمان البريليانس اف ار اي....
يعني انا في ترتيبي كده من حيث انك عايز تشتري...
اول البريليانس وبعديها الايبيزا وبعدها الجوليت...
وانا اسف علي كلامي الطوييل بس دي حاجه للعمر واحب استفيد من ناس ليها خبره اكتر مني

**Weesky** · 17-12-2016 03:11 PM

انا لو في مكانك حيبقة اختياري الاول للجوليت ومش حيبقة وارد عندي البريليانس او الابيزا
واي عربية اكيد حتلاقي فيه حد بيشكر فيها مهما كانت بس انا بتكلم عن تجارب شخصية وزي مانته قولت كده فيه اجماع وحتي لو عملت استفتاء شعبي في مصر حتلاقي النتيجة ان اختيارك الاول للجوليت