الفرق بين فلتر زيت المحرك الاصلي والمضروب للانوس

**zeroten** · 17-12-2016 11:24 AM

اخواني في الله خالص التحية

حتي لا اطيل عليكم وبعد معاناة وشراء العديد من الفلاتر

الخاصة بزيت المحرك .... واللي كان اغلبها مضروب وللأسف التاجر

كمان كان بيبيعه بسعر الاصلي الحمد لله وصلت في النهاية للأصلي واليكم بعض صور الفلتر الاصلي للتمييز بينه وبين المضروب .... واكيد فلتر الزيت جزء مهم جدا في دورة زيت المحرك واكيد كونه اصلي هيفرق كتير خصوصا لو انته بتستعمل زيت تخليقي كامل وهيستمر في العربية فترة طويلة او لخدمة شاقة

اليكم صور الفلتر الاصلي

لاحظ الفتحات الداخلية في الفلتر الاصلي

الفلتر الاصلي هو اللي علي الشمال لاحظ اتجاه الكتابة

========================================

نيجي دلوأتي لصور الفلتر المضروب

لاحظ في الصورة دي مافيش علامة مائية

==================

لاحظ في الصورة دي الفتحات الداخلية واختلافها عن الاصلي

===================================

نصيحة في غاية الاهمية لو هتعاني شوية في شراء الاصلي مش مشكلة كله يهون في سبيل سلامة المحرك .... ولو صادف ان الاصلي اغلي شوية مش هيكون الفرق بالكتير 10 جنيه يعني مش فلوس

والاهم من كل ده تغيير الفلتر كل مرة مع غيار الزيت ... الموضوع بسيط ومش مكلف ولو عاوز تحافظ علي موتور ثمنه باهظ مش مشكلة فلتر مش هيتجاوز ثمنه 50 جنيه

بالتوفيق للجمع

======================

**أحمد عثمان** · 17-12-2016 12:17 PM

طبعاً ألف شكر على المجهود.
بس ياريت توضيح مشاكل تركيب فلتر مش أصلي.
شكراً

**zeroten** · 17-12-2016 01:52 PM

المشاركة الأصلية كتبت بواسطة أحمد عثمان

طبعاً ألف شكر على المجهود.
بس ياريت توضيح مشاكل تركيب فلتر مش أصلي.
شكراً

اخي الكريم مشكور علي المرور
وردًا علي سؤالك .... الفرق كبير جدًا بين الاصلي والمضروب واكيد الفرق هيبان في الوظيفة اللي معمول عشانها الفلتر اللي هي بكل بساطة حجز الشوائب الناجمة عن الاحتكاك ( المعادن ) ودرجات الحرارة العالية والكربون ... واكيد الاصلي أكفأ في حجز الكلام ده كله واكيد اللي مش اصلي اقل في تنقية زيت المحرك واكيد الشوائب دي بتاثر علي عمر الموتور واحتكاك مكوناته .... اكيد اكيد اي منتج اصلي بتراعي فيه الخامات والجودة من حيث الاداء وطول عمره . وبعدين الفرق مش كبير في السعر .