-
استفسار بخصوص الرش
ارجاله لو حد بيفهم في السمكره اليك تلك المشكله :-) رحت مشاور و الحمدالله لحسن حظي بالعربيه القديمه و ركنت و مشيت و لما رجعت لقيت واحد ابن حلال دخل في الرفراف من قدام طبقهولي و البويه راحت خالص و وصلت للصاج الحمدالله عموما عرفت اردو علي البارد بصعوبه بس تم بحمد الله دلوقتي عاوز ارش الحته ديه تاني و معايا نفس لون البويه كان فاضل شويه صغيرين في الاسبراي من اخر مره رشيت فيها اعمل طبقه ايه علي الصاج قبل ما ارش و بعد ما ارش و ياريت بالتفصيل و شكرا.
-
اللى اعرفه لرش اى بويه بصفه عامه
1- رش برايمر طبقتين او 3 .. بفارق بسيط بين كل طبقه نصف ساعه مثلا
2- صنفره البرايمر
3- طبقه معجون و الصنفره .. معرفش هل بتكون اكثر من طبقه ام لا .. كلما كان المعجون خفيف كلما كان افضل
4- الانتظار يوم او يومين علشان المعجون يشد .. ثم الصنفره
5- الرش بويه اكثر من طبقه ( على ما اظن )
6- رش ورنيش عده طبقات .. الورنيش يكون على المكان كله يعنى الرفرف علشان ميكونش فيه علامات او فرق
طبعا الغسيل الجيد فى المراحل المختلفه
ده اللى اعرفه و موش دقيق اوى .. لكن دى هى الفكره العامه
-
الف شكر علي الرد الوافي ده بس قصدك ايه بالبرايمر
-
اقرأ الموضوع ده لردود المهندس احمد عبد الفتاح فيه .. اتبع التعليمات اللى فيه
http://www.nilemotors.net/Nile/455651-a.html
ده هو البرايمر
https://www.youtube.com/watch?v=A7xnj2BCs9Y
بيتهيئ لى انا اتلخبطت فى كتابه ردى الاول ( معلوماتى سطحيه عن الدهان ) .. البرايمر بيكون بعد انتهاء شغل المعجون بالكامل و جفافه التام .. ثم وضع البرايمر .. ثم التلقيط للعيوب التى ستظهر بعد رش البرايمر .. ثم البدء بالدهان
بيتهيئ لى ان البرايمر هو بويه البطانه حسب ما بيسموه
غير متأكد ان كان ممكن نرش بريمر على الحديد نفسه قبل المعجون ام لا ؟؟ .. انتظر رد احد الاعضاء
-
-
Content Relevant URLs by
vBSEO 3.6.0 PL2