عرض للطباعة
السلام عليكم
كنت عامل شهادات فى بنك مصر من سنة ونص تقريبا مدتها 3سنوات
والعائد 12.5%
حاليا فيه شهادات العائد 20%
فأيه العمل حاليا؟ هل افك الشهادات القديمة (واكيد هخسر فيها بس مش عارف كام او بتتحسب ازاى) واعمل شهادات جديدة لمدة سنة او سنتين مثلا
ولا هخسر كتير فى فك القديم؟
ولا ايه الحل؟
شكرا
اي حد؟
روح البنك خدمة العملاء و الموظف هيشرح لحضرتك المكسب و الخسارة و الاصلح انا اعرف ناس ودائعها كانت 12.5% عملت قرض بضمان الوديعة و هو يعادل 90% من قيمة الوديعة بفائدة القرض 16% و وضعنها فى وديعة 20% و كسبت الفرق بس انا مش مقتنع بالطريقة دى
الغرامة بتاعة فك الشهادة هي اللي هتحدد الموضوع يستاهل و الا لا. لازم تعد مع موظف البنك و هو يحسبهالك.
ربنا يتولاك برحمته
انا سألت صديقي عن الموضوع دة وقالي انه مش جايب همه لسبيين :
1- الخساره اللي هتخسرها ف فك الشهادة تقريبا هتعادل نفس مكسبك من الفايدة.
2- غير مضمون أستمرار الشهادة بنسبه 20 % بعد فتره التعاقد يعني ممكن النسبه تقل مثلا بعد ما تخلص السنه.
وأخيرا قالي أنها مفيدة لو لسا هتعمل شهادة جديده فقط
فكر في اي استثمار بعيد عن فوايد البنوك و الشك في الحرمانية في عوائدها
وكمان الفلوس اللي هتكسبها اقل كتير من معدل التضخم اللي احنا فيه