أنا رأيي برضه انه مش وقت استثمار في الظروف دي ..
بس أنا قلت لو عايز يستثمر .. عرضت عليه فكرة مش محتاجة خبرة ولا حتى يكون ليه في الصناعة اللي هايورد لها..
عرض للطباعة
رسالتي لصاحب الموضوع
متسمعش كلام اي حد وخلاص انت متعرفش توجهه الناس ايه , في ناس بتنشر اشاعات واكاذيب لمحاولة ايقاع البلد , لو عايز استثمار شوفلك حد تكون تثق فيه واسأله , لكن في النت منصحكش لانه للاسف قليل جدا اللي حيديك معلومة صح
اولا انا مش محتاج اعرفك انا خريج ايه لانك لاتهمني
ولكن لكي اشفي غليلك ، نعم ده تخصصي
ثانيا انا مش محتاج اقعد واشوف بنفسي البنك وهو بيطبع
و المعلومة الخطيرة دي متداولة ويعرفها كل المتابعين لتسلسل ارقام البنكنوت
ثالثا نبرة السخرية في كلامك واضحة
ياريت بقى تقول لنا تخصص سيادتك عشان اتشرف بالمناقشة معاك
يا صاحب المنشور، تحياتي لك ... و ربنا يوفقك لمشروع مربح.....لكن موضوع الدولار ده قصة كبيرة جدا...ارتفاعه في مصر غير حقيقي و بعض الخبراء الاقتصاديين - على نحو ما قرأت - يرى ان ارتفاعه بهذه الصورة مقصود حتى ينزل بذات السرعة، و الله اعلم...لكن لو حاتحول مدخراتك فانصحك بسلة العملات ...يعني لا تقتصر على الدولار، و ستظل المخاطرة قائمة...تحياتي
غليلي !!!
مش انا اللي عندي غليل يا اخ هلال , اللي عنده غليل اللي مشاركاته كلها مليانه كلام مسموم بدون ادلة
اول مره اعرف ان العامة بيطلعوا علي تسلسل ارقام البنكنوت
اما بقي موضوع ان دا تخصصك فهناك احتمالين
انه فعلا دا تخصصك ولكن للاسف الغل عمي قلبك ومبقتش شايف الامور بشكلها الصحيح
او انك فعلا تجهل ما تتحدث عنه
بخصوص ثالثا كان المفروض تعرف تخصصي من ردي علي سياتك , لاني لو جاهل مكنتش جادلتك
وعلشان اثبت للناس انك بتفتي وبتنشر اشاعات وخلاص
حضرتك اقريت ان الحكومة بتطبع بنكنوت بالهبل "طبعا معروف ان مصدرك للخبر هو شبكة رصد والمواقع الصفرا اياها " وطباعة فلوس بالهبل يعني تضخم .
تقدر سياتك يا صاحب التخصص تقلي ازاي الحكومة تطبع بنكنوت بالهبل وفي نفس ذات الوقت تلمه تاني بانها ترفع العائد علي الشهادات علشان تقلل التضخم !!!
اخيرا , انا مش حرد علي سياتك تاني ,انا الحمد لله وصلت فكرتي للاخوة الاعضاء وعرفتهم انت مين واثبت ان كلامك كله ملوش اساس علمي والغرض منه هو ضرب البلد بالاشاعات.
هو سياتك جبت منين اني شايف ان مفيش تضخم !!!
من توابع التعويم التضخم وعلشان كدا بيتم رفع الفوائد علي الشهادات من اجل السيطرة علي التضخم
انا مقلتش اني مفيش تضخم يا اخ , انا اعتراضي علي المعلومة الكوميدية ان الحكومة بتطبع فلوس بالهبل واللي ملهاش اساس من الصحة وكلام اشاعات ومواقع صفرة واللي يتنافا منطقيا مع رفع الفائدة علي الشهادات .
اما بقي النظرة الوردية انا مليش فيها
انا ليه في الاسس العلمية والكلام الموثوق مش الاشاعات والتوجهات السياسية
وانا مع التعويم ومع الاصلاح الاقتصادي اللي بتتبعه الحكومة , وكان المفروض الاصلاح دا تم من سنين مكنش الوضع حيبقي صعب جدا .
بالمناسبة انا مليش توجهه سياسي وعلشان كدا مش بشوف الوضع مأساوي ولا وردي بشوفه بنظرة واقعية .
بغض النظر عن تحليل الوضع الاقتصادى من منظور علمى وانتشار الانترنت وسهولة الحصول على اخبار المال والاقتصاد والتقارير الاقتصادية التى يكتبها المؤسسات الاقتصادية العالمية والمبنية على حقائق وارقام ومؤشرات
لما تنزل تشترى سكر ماتلاقيش
وتحط 27 لتر بنزين ب 100 ج يضيعوا فى خروجة جوة البلد
وتروح تشترى شوية حاجات بسيطة من اساسيات الحياة زيت ومكرونة وخلافه تدفع 1000 ج
ولما سيارة صغيرة 1600 نحتقر ان نركبها فى السعودية ونعتبرها بتاعة الفقرا والغلابة تلاقى سعرها نص مليون جنيه
ولما الادوية الاساسية للامراض المزمنة زى السكر مش موجودة
ولما القرى السياحية تقفل ومافيش سياحة والعاملين بمجال السياحة الان عاطلين ومنهم اخويا اللى طفش وساب البلد
ولما الفصول فى المدارس فيها اكتر من 70 طالب واتبرع ليها بديسكات ب 4000 ج واروح الاقى ابنى قاعد على ديسك مكسر وظهره للسبورة
واحكى لك من هنا للصبح
يبقى الاحوال الاقتصادية كدة بتتحسن؟
مش عارف والله اقول ايه