إفادتكم بخصوص مشكلة في اوكتافيا a4 2008 مانيوال

**modyana** · 20-12-2016 08:38 PM

السلام عليكم ورحمة الله وبركاتة

المشكلة اللي عندي ومحيراني بقالها فترة ومش عارف حلها ايه هيا ان العربة بعد ما غيرتلها بوجيهات بفترة بسيطة جدا لا تتعدى كام يوم بكون ماشي بالعربية عادي وفجأة زي ما تكون بتلت والعيب دا كان بيظهر مثلا لما اجي اهدي في مطب وطبعا بتستهلك بنزين جامد جدا ساعتها وشوية ترجع تاني لطبيعتها وكمان كنت ابقى في مشوار وتعمل نفس المشكله واركنها مثلا شوية وارجع ادورها تبقى تمام ومش دايما بيحصل كدا اوقات واوقات تانية لأ وانا استخدامي قليل جدا......شكيت في البوجيهات ورجعت للميكانيكي اللي غيرهم واكد عليهم قالي مفيش حاجه وتمام سالت الكهربائي اللي بتعامل معاه وكشف ع العربية قالي غالبا هيبقى حساس كرنك سألت واحد ميكانيكي قالي ممكن رشاشات او موبينة والصراحة انا مش عارف اعمل ايه؟؟؟

هل في حد حصلت معاه المشكلة دي يقدر يفيدني فيها او عنده فكرة عن العيب دا؟؟

وشكرا جزيلا ليكم

**م أحمد** · 21-12-2016 02:16 PM

دور على فيشة حساس الشكمان و أفصلها....كمبيوتر العربية هيشتغل فى اللحظة دى على ال default بتاع المصنع

لو الوضع ظبط ....غير الحساس

**modyana** · 22-12-2016 05:25 PM

المشاركة الأصلية كتبت بواسطة م أحمد

دور على فيشة حساس الشكمان و أفصلها....كمبيوتر العربية هيشتغل فى اللحظة دى على ال default بتاع المصنع

لو الوضع ظبط ....غير الحساس

اولا: بشكر حضرتك على سرعة الرد ويمكن يبقى دا الحل وهجرب وابلغك

ثانيا : لو الحل دا منفعش ممكن يبقى العيب من ايه تاني غير حساس الشكمان عشان انا مش عايز اتوه ما بين ميكانيكي وكهربائي وكل واحد بإقتراح وقصة الفتي اللى كلنا عارفينها

**shawkylotfy** · 22-08-2017 04:28 PM

هى لو عملت كدة على طول بعد تغيير البوجيهات بيقى اكيد من البوجيهات الى ركبت.
علشان ماتدوخش نفسك روح لحد عندو كود سكانر هيجيب المشكلفة فين علشان مش هينفع تخمين.
ولو بوجيهاتك القديمة معاك ركبهم تانى وجرب .