| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 5 الأولىالأولى 1 2 3 4 5 الأخيرةالأخيرة
النتائج 11 إلى 20 من 49

  1. #11

    الصورة الرمزية Samir Elshahawy

    رقم العضوية : 20472

    تاريخ التسجيل : 28Sep2008

    المشاركات : 7,471

    النوع : ذكر

    الاقامة : Cairo - Alrehab

    السيارة: Hyundai - Getz 2007

    السيارة[2]: Elantra AD - 2017

    دراجة بخارية: -----

    الحالة : Samir Elshahawy غير متواجد حالياً

    افتراضي -

    hasad">

    عزيزي سبعاوي
    أعزائي اعضاء و عضوات نايل موتورز المحترمين
    كل عام و انتم جميعا بخير و صحة و سلامة ,,,,,,,,,
    بداية أرحب بعودة الأخ سبعاوي علي مشاركته لنا مرة اخري في المنتدي حيث لم أقرأ له منذ فترة يمكن لأنشغالي أو لغيابه , عموما افتقدت تعليقاتك و أرائك ,

    أما بالنسبة لمقالة الأستاذ علاء الأسواني فقد جانبها الكثير من الصواب و بدون الخوض في تفاصيل أو تحليل أو تفنيد لمقالة سيادته ألا أنني لاحظت هجوم الاستاذ علاء في الاونة الأخيرة علي الاسلام و رموزه , فمنذ فترة ليست ببعيدة أستغل سيادته قضية الطبيبين ليشن هجوم ضاري علي السعودية و و أحكامها ثم ها هو اليوم يلمح الي الحجاب و ان ضرره أكثر من نفعه بدليل تعرض من ترتدي الحجاب الي التحرش و من ترتدي المايوه لاتتعرض لذلك فما فهمته من سيادته انها دعوة للنساء كي يخلعن الحجاب و يرتدين المايوهات و الميني جيب و يعرين من سيقانهن و صدورهن بدعوي الخوف عليهن و الحفاظ عليهن من المتحرشين
    أي منطق هذا و أي دعوة تلك , أري أن الاستاذ علاء قد تعدي حدود المنطق و تجاوز كل الخطوط بهذا المقال

    و يا أخواني ماذا لو رأي اي منا قطعتين من الحلوي :
    - الأولي مغطاة و محفوظة بشكل جيد
    - و الثانية مكشوفة و يقف عليها الذباب
    فماذا تأكل ؟؟؟ أظن الاجابة واضحة للكل الا اذا كان للأستاذ علاء رأي أخر


  2. #12

    الصورة الرمزية Mohd_Adel_Amin

    رقم العضوية : 15462

    تاريخ التسجيل : 30Jul2008

    المشاركات : 900

    النوع : ذكر

    الاقامة : Tanta & Alexandria

    السيارة: Renault Megane II 2006

    السيارة[2]: Renault Megane I 1999

    دراجة بخارية: ---

    الحالة : Mohd_Adel_Amin غير متواجد حالياً

    افتراضي -

    في الحقيقة أنا مع أن الموضوع أصبح مشكلة رئيسية بس مش معظم الكلام المكتوب ..
    وأتمنى إن الموضوع بدل ما يتحول إلى سجال بين مؤيد ومعارض للفكر السلفي أو مجرد نقد للكلام المنقول إننا نطرح المشكلة الرئيسية بين أيدينا للنقاش ونفكر فيها وفي أسبابها وحلولها .


  3. #13

    الصورة الرمزية الطنطاوي

    رقم العضوية : 9878

    تاريخ التسجيل : 30Apr2008

    المشاركات : 1,051

    النوع : ذكر

    الاقامة : بلاد الله

    السيارة: ميتسوبيشي

    السيارة[2]: بيجو

    دراجة بخارية: لا يوجد

    الحالة : الطنطاوي غير متواجد حالياً

    افتراضي -

    بسم الله الرحمن الرحيم

    اللهم اهدنا إلى إلى ما اختلف فيه من الحق بإذنك واهدنا إلى سبيل الرشاد

    بغض النظر عن المقال التافه جداً والتي تدل على أن كاتبها معدوم من الإنصاف والتأصيل العلمي لي سؤال للاستاذ الفاضل / سبعاوي

    ايه اللي مش عاجبك في السعودية علشان كل هذا الكلام المطروح ؟

    هل هي الحكومة ؟ أم الشعب السعودي ؟

    ياريت تكتب اللي مش عاجبك مرة واحدة بدلاً من جمع المقالات التي تقدح في السعودية؟

    أنا لا استطيع أنا أناقشك في هذا الموضوع لأنك لست كاتبه لذلك أرجو منط طرح جميع أفكارك ...

    ولك جزيل الشكر والاحترام

    محبكم
    أبو عبد الرحمن

    استمع إلى هذا المقطع
    قالوا زمان "لما كلب الباشا مات الناس كلها راحت تعزيه ولما الباشا مات حتى الكلاب ماعزيتش فيه"


  4. #14

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    الاخوة الاعزاء
    لن اناقش الموضوع من زاوية المقال
    ولكن ساطرح مثال عام
    هؤلاء المتحرشون جياع ، عطشى ، محرومون فراؤا شيئاً يستحق الاكل فاكلوا
    طيب ماهم برضوا عايزين يركبوا عربيات نضيفة ، ميكروباصات جامدة ، يعيشوا فى شقق كويسة
    ايه هيكون رايكم لو بعد اى واقعة تحرش حد مننا معدى بعربيته لوحده فى الشارع قاموا متلميين عليه وخدوا منه العربية علشان يركبوها شوية
    وخدوا مفتاح الشقة يقعدوا فيها شوية
    وخدوا اتوبيس سياحة يشغلوه ميكروباص عندهم
    لو احنا قلنا ان الست او البنت الى لابسة مش محتشم تستاهل يبقى برضة اللى راكب عربية فاخرة يستاهل ، اصل منظر العربيات الفاخرة مستفز ليهم
    والى ساكن فى شقة كويسة يستاهل اصل الشقق الفخمة مستفز ليهم
    دة مش منطق طبعا خالص
    وبعدين لو قلنا اللى مش محتشمة تستاهل طب ليه ما بيتحرشوش براقصات شارع الهرم
    لانهم لو راحوا اى ملهى ليلى يعملوا كدة مش هيخرجوا منه اصلاا سلام ، تبقى النظرية نشوف اللى مالوش حد يدافع عنه وناخده ، اى منطقة الغابة
    انا على فكرة مش مع ان الست تلبس اى حاجة
    لا لازم يكون اللبس محتشم ، بس مش معنى انها لو لبست حاجة غير محتشمة يحصل لها كدة
    كدة ده بيأثر عليها طول عمرها ويدمر بيتها واهلها

    A.Saad


  5. #15

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    و نضيف للمقال ده جملة "نحن نتراجع بلا توقف" من مقال أحمد خالد توفيق عشان يكمله .. متفق معاه تماماَ و الموضوع واضح جداَ .. أي حد ينزل يمشي في الشارع .. يشوفله مكان يقعد فيه ممكن سور مترو أو قهوة من اللي باصين علي شارع حيوي .. و ببساطة يشوف عيون الشباب رايحة فين و يشوف اما بتعدي بنت من جنبه بيجبها من فوق لتحت و يبحلق إزاي .. انا مش بقول باقي البشر ملايكة الناس بتبص علي النساء في كل حتة في العالم بس لو تبص علي تعبيرات وش الشباب في الشارع تحس إنه بيغتصبها بعينيه ! و دي حاجة ممكن أي واحد يشوفها لو ركز معاها .. و ده لا يبرره إطلاقاَ ملابس الفتيات و إلا كان يبقي زي مثال حد كتبه في المنتدي تقريباَ أستاذ سبعاوي برضه .. إن لو شفت عربية حلوة ده يبررلي إني أسرقها أخد بيها لفة و أسيبها ! و لكن ده لأننا تراجعنا في نظرتنا للمرأة و إختصرناها في جسد فقط .. فقط .. و للأسف فعلاَ الفكرة دي مستوردة و جديدة علينا و مش عايز أقول مصر "تسعودت" لا يتفتح علينا أبواب النار بس إحنا فعلاَ إستوردنا فكرة إن المرأة هي عبارة عن لحم يجب تغطيته .. و بنجمل الموضوع بإن ده تكريم ليها إلي أخره و لكن في أصل الموضوع فهو لا شئ إلا حاجتين .. عدم الإعتراف بالمرأة ككائن مثله مثل الرجل .. و النظر لها كجسد بس، برضه !

    مثال : الشباب اللي في العشرينات دلوقت .. معظم والداتنا كانوا مش محجبات في فترة الجامعة .. لأن كان ده العادي .. و كان المجتمع ينظر لهم نظرة عادية .. و اللبس كان أضيق و أقصر من دلوقت و لكن مكنش هذا النهش بالعيون اللي تطور إلي النهش بالإيدين .

    دلوقت بقي لو بنت مش محجبة ركبت ميكروباص تلاقي السواق بيبصلها و هو قرفان ده غير إنه معلق مليون ستيكر عن الحجاب .. و يقوم مشغلها شريط فيه شيخ يتوعدلها بالعذاب و النار .. ده غير نظرة الناس في الشارع إنها أكيد فيها حاجة غلط أو إنها جزئياَ مش محترمة لأنها مش محجبة مع إن ممكن يكون لبسها محترم جداَ .

    انا مش بتكلم في قضية الحجاب بس انا بتكلم إنه لحد وقت قريب جداَ في مصر كان لا يدخل في تقييم مدي إحترام الشخصية و مكنش رائج في مصر أصلاَ .

    اقتباس المشاركة الأصلية كتبت بواسطة SE_coralsea مشاهدة المشاركة
    و يا أخواني ماذا لو رأي اي منا قطعتين من الحلوي :
    - الأولي مغطاة و محفوظة بشكل جيد
    - و الثانية مكشوفة و يقف عليها الذباب
    فماذا تأكل ؟؟؟ أظن الاجابة واضحة للكل الا اذا كان للأستاذ علاء رأي أخر
    مش متفق مع حضرتك تماماَ .. الأمر ده فكرني بإعلان كان معمول للحجاب و محطوط فيه مصاصتين واحدة بغلاف و التانية من غير غلاف و الدبان ملموم عليها .. طبعاَ تشبيه المرأة بالمصاصة و إن الغلاف اللي هو الحجاب هو اللي هيبعد عنها الدبان ده منتهي تسطيح الفكر و الرسالة اللي عايز يقدمها و الأمر مش كدة تماماَ ، لأن لو المرأة حلوي أو مصاصة كما شبهها الإعلان و الشباب أو الرجال دبان .. يبقي رجعنا لموضوع إختصار المرأة في جسدها و إن كل همنا نغطي اللي نقدر عليها و نخليها متغطية عشان نبعد عنها الدبان ! بدل ما نحاول نغير الفكر المريض اللي في دماغ الشباب إن المرأة جسد فقط نقعد نغطي في البنات و الستات .. و انا قصدي بالشباب الأولاد و البنات معاَ لأن فيه بنات كتير جداَ مقتنعة إنها جسد فقط لا غير و أهم حاجة عندها مظهرها و إعجاب الناس بجسدها لأن دي الفكرة اللي المجتمع صدرهالها عن نفسها .


    Leadership is based on inspiration, not domination


  6. #16

    الصورة الرمزية Ahmed Eraqy

    رقم العضوية : 11565

    تاريخ التسجيل : 26May2008

    المشاركات : 435

    النوع : ذكر

    الاقامة : Alex

    السيارة: was Verna Gls 2008

    السيارة[2]: Gen2 A/T 2013

    دراجة بخارية: NO

    الحالة : Ahmed Eraqy غير متواجد حالياً

    افتراضي -

    1 - الاسلام هو اللى بيقول ان الست تلتزم بزى شرعى محدد الموضوع ملوش علاقة بالسعودية ولا بالاستيراد ولا بالتصدير !!

    وبعدين مش معنى كده ان الست جسد فقط !! الست جسد + روح وزيها زى الراجل بالضبط والراجل فى الاسلام له عوره ايضا و اللى يفهم ان الست جسد فقط يبقى عنده مشكلة و الاسلام منه برأ

    2- اى كاتب علمانى دلوقتى اى حاجة متعجبوش فى الاسلام يقولك السعودية !! حاجة غريبة والله طاب ما يقول على طول الاسلام مش عاجبنى !!

    {يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ}

    AhmedAbdFat سابقا


  7. #17

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    Exclamation -

    اقتباس المشاركة الأصلية كتبت بواسطة sab3aawy مشاهدة المشاركة
    علينا أن نكف عن مناقشة ماذا ترتدى المرأة وماذا تخلع ؟
    امثاله اللى جابينا لورا والله العظيم ولو فى واحدة قرات المقاله دى ممكن نلاقيها تانى يوم نازلة الشارع من غير ملابس اساسا ..!! ( حرية بقي ).
    اقتباس المشاركة الأصلية كتبت بواسطة sab3aawy مشاهدة المشاركة
    علينا أن نستعيد أفكارنا المصرية المتحضرة وأن نتذكر أن المرأة هى الأم والأخت والإبنة .
    ازاى تكون ام واخت وابنة وهى مش محترمة نفسها ولا لبسها ولا تصرفاتها !!!!
    يعنى لما اشوف واحده متبرجة او (...) اقول دى زى اختى ..!!!تيجى اازاى دى ؟


  8. #18

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    اقتباس المشاركة الأصلية كتبت بواسطة الطنطاوي مشاهدة المشاركة
    بسم الله الرحمن الرحيم

    اللهم اهدنا إلى إلى ما اختلف فيه من الحق بإذنك واهدنا إلى سبيل الرشاد

    لي سؤال للاستاذ الفاضل / سبعاوي

    ايه اللي مش عاجبك في السعودية علشان كل هذا الكلام المطروح ؟

    هل هي الحكومة ؟ أم الشعب السعودي ؟

    ياريت تكتب اللي مش عاجبك مرة واحدة بدلاً من جمع المقالات التي تقدح في السعودية؟

    أنا لا استطيع أنا أناقشك في هذا الموضوع لأنك لست كاتبه لذلك أرجو منط طرح جميع أفكارك ...

    ولك جزيل الشكر والاحترام

    محبكم
    أبو عبد الرحمن
    وبرضة انا مرديتش على التعليقات على الموضوع المنقول لأنها سابت لب الموضوع وناقشت فرعيات انا مش موافق اصلا عليها وده اللى خلانى اقول فى اول الموضوع انى معترض على بعض ما فيه

    اما بخصوص سؤالك بشأن مملكة الصحراء فهجاوبك ببساطة، لا انكر ان فيها حاجات عاجبانى وبشدة، بل واحلم انى ازورها يوما، وهى الأرضى المقدسة، اما كل ما هو خارج الأرضى المقدسة من هذة المملكة شكلا وموضوعا فيدخل ضمن معنى سؤالك(أيه اللى مش عاجبك فى المملكة) ، عموما طول ما كان اللى مش عاجبنى بعيد عن التأثير فينا كمصريين فيا سيدى هم احرار وربنا يباركلهم او حتى ياخدهم طالما بيعد عننا، لكن لما الاقى نفسى مطلوب منى انى اعيش عيشة السعودية واكل اكل السعودية والبس لبس السعودية وافكر بدماغ السعودية واصوم على هلال السعودية واكرةه تاريخ اهلى كله مما ليس فيه بصمات المبروكة السعودية وده كله علشان اكون مسلم صالح ، وبعدين الاقى بنى وطنى بيتهانوا وينصربوا فى السعودية ففى هذة الحالة تنحرق السعودية على اللى عمل السعودية ، وانا مسلم ومصرى وعمرى ما هاقبل انى افكر بدماغ سعودية وعمرى ما هقبل ان حد يشكك فى اسلامى لأنى مش مسلم على الطريقة السعودية، وعمرى ما هقبل من حد انه يقلل من هويتى المصرية لأنى مش عايز اكرة اهلى وتاريخى كما تريد لنا السعودية، لعل الفكرة وضحت بس عموما انا كنت ناقل المقال الأصلى علشان موضوع مختلف يخص احترامنا لاخواتنا السيدات ، اما ما هو بشأن السعودية فده توقيعى اللى هتلاقيه فى اى موضوع آخر ولو تحب ممكن نناقشه بشكل منفصل فى مكان آخر حتى لا نخرج عن سياق الموضوع الأصلى

    وكل عام وانت بخير يا اخى العزيز

    سبعاوى
    _______________________________________________


  9. #19

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    معظم الردود اكدت لى وجهة نظر الكاتب، فى ان المجتمع يرى ان الضحية هى جانى وان الشاب الذى مد يده وتحرش برئ براءة الذئب من دم ابن يعقوب لانه لم يستطع ان يقاوم ما رأى، حيث انه كائن بدائى يتحرك بغرائزه وبالتالى هو ليس مسئولا عما فعل

    وكثير من الردود تركت الموضوع الأصلى وردت على كلمة "سلفي" التى استخدمها الكاتب فى موضوعه، وهذا يدل على الكاتب ارتكب جريمة-مثلا- عندما استخدم هذة الكلمة جعلت قيمة موضوعه كله فى هذة الكلمة

    وهناك مجموعة ثالثة من الردود اهتمت بمناقشة امر ليس هو نهائيا ما يريد الكاتب مناقشته حيث ان الكاتب رتب افكاره للوصول الى نتيجة نهائيا هى الارتقاء بنظرة المجمتع للمرأه، فترك الكثير الرد على فكرة الكاتب الاساسية وانتقدوا جمل بذاتها لم يوردها الكاتب كأساس بقدر ما اوردها كدرجات سلم للوصول لفكرته الأساسية

    وهذا ان دلنى على شئ فهو يدلنى على ان الكثير منا فى داخلهم يؤمنون بصحة الفكرة النهائية التى يريد الكاتب ان يصل اليها ، لكنهم فى نفس الوقت يرفضون الاعتراف بهذا فيما يقلل من التفوق الذكورى المرعب الذى يبتغيه الكثير منا لنفسه، وبالتالى لابد من تقطيع ملابس الكاتب فى جزئيات اخرى من الموضوع لا تمس فكرته الأساسية حتى يظهر امام الجميع بمظره المشوه، جزاءا وفاقا على ما ارتكب من المساس بقضية التفوق الذكورى

    كل ما استطيع ان اقوله لاخواتنا الفتيات: لكم الله وحده فى مجتمع كهذا قد تجد الواحدة منكم نفسها فيه عرضة للاهانة الجسدية ثم تتهم بأنها هى الجانية ويدافع المجتمع كله عن الجانى الحقيقى

    (الغريبة ان كل التعليقات الجانبية اللى قطعت ملابس كاتب الموضوع محدش فيها علق على جزئية الفتاة لابسة الاسدال التى التهمتها الوحوش البشرية"البرييييييييييئة" فى وسط المدينة فى العيد)

    يا مثبت العقل والدين يا رب

    سبعاوى
    _______________________________________________


  10. #20

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    Unhappy -

    hasad">

    السلام عليكم

    أغلب الردود سابت لُب الموضوع و قلبه و قفشت في موضوع السعودية و المنهج الوهابي

    أولا أنا متفق مع الكاتب في أغلب ما كتب
    و أختلف مع بعض الآراء التي فسرت الموضوع غلط
    وأحب أن أسجل أن الحجاب فريضة إسلامية للمراءة علشان نقلل المناقشات في الموضوع ده

    و لكن المراءة المحجبة عند الله أفضل من المراءة المتبرجة في العموم
    و في نفس الوقت المرأة الغير محجبة هي مرأة عاصية و لكنها ليست كافرة أو خارجة عن الملة

    و المقال ليس دعوة للبس المايوة و اللبس الغير محتشم

    و لكن هو وقفة للتأمل
    الإسلام لا يعني السعودية
    الإسلام هو أوامر و انواهي و كتاب مُنزل و سُنة تتفق مع هذا الكتاب المنُزل
    أما غير ذلك ......... فهي دواخل على ديننا
    الإسلام ليس مرتبط بالسعودية نهائي بأي حال من الأحوال
    و كل المسلمين متساوون أمام الله و لا فضل لعربي على أعجمي إلا بالتقوى
    و مش كل اللي خرج من نسل سيدنا إسماعيل كان تقي و مؤمن
    مش عايزين كل حاجة نلبسها عمة الدين بطريقة غلط

    أنا ديني هو الخمسة أركان و أوامر القرآن الكريم و السنة التي تتفق مع القرآن

    و أنا غير مُلزم بإتباع من يخالف ذلك .........
    و الإسلام لا يرتبط بدولة أو مكان فقط ......... الإسلام هو الروح التي تعيش في جسد المسلم و تعيش بأوامر ونواهي الإسلام

    و نرجع مرجوعنا لموضوع التحرش
    طبعا قلة أدب و قلة تربية
    يعني كبت جنسي
    عيل عنده 15 سنة ......... و نازل بقلة أدب يعاكس بنات الناس و اهله مش بيلومه عليه و أمه بتشجعه
    أيه اللي جاب الكبت الجنسي هنا ......... و سن زواج أيه
    أغلب اللي بيعمل كدا عيال من15 إلى 20 سنة و اللي فوق كدا عددهم أقل من العيال دي

    دي يا سادة أنعدام تربية بسبب العشوائيات و كثرة السكان و الفقر الناتج عنهما

    لو عايزين أي مشكلة تتحل .......... لازم نبص على أساس المشكلة علشان نعرف نحلها
    إنما نقعد نجيب حجج يمين و شمال
    هانفضل محلك سر

    و ده رأيي ............ و توكلت على الله

    [img2]http://i59.tinypic.com/2vxpukz.jpg[/img2]



 
صفحة 2 من 5 الأولىالأولى 1 2 3 4 5 الأخيرةالأخيرة

المواضيع المتشابهه

  1. د.محمد المهدي يحلل: لماذا رفض المصريون مبارك؟
    بواسطة Everlasting في المنتدى المنتــــــدى الاجتمــاعى
    مشاركات: 3
    آخر مشاركة: 07-02-2011, 02:16 PM
  2. لماذا يشعر اخواننا المصريون ان جميع العرب يكرهونهم ؟؟!! (موضوع منقول)
    بواسطة MomoMedo في المنتدى المنتــــــدى الاجتمــاعى
    مشاركات: 6
    آخر مشاركة: 05-12-2009, 06:29 AM
  3. لماذا أصبح المصريون يكرهون الوظيفة؟!
    بواسطة هيثم في المنتدى المنتــــــدى الاجتمــاعى
    مشاركات: 2
    آخر مشاركة: 19-09-2009, 05:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2