## مطلوب شريك جاد بالاسكندرية ##

**AlGhareeb** · 25-12-2016 12:49 AM

مطلوب شريك برأس المال لمشروع مكتب أدارة و تسويق المشروعات العقارية

المكتب يقوم بالتعاقد مع الشركات و المقاولين لتسويق مشروعات كاملة و أبراج سكنية و لحساب صاحب المشروع مقابل نسبة من المبيعات ( عمولة ) من المقاول ( صاحب المشروع ) فقط

و لدى تعاقدات جاهزة لتسويق عدد من المشروعات لشركتين عقاريتين

المشروع مربح جدا و التكاليف لا تقارن بالأرباح

المكتب لا يقوم بتسويق شقق فردية أو شقق للإيجار فقط مشروعات كاملة و أبراج سكنية

المشروع لا يتطلب موافقات حكومية او سجل تجارى أو أى اوراق و لا ضرائب

الربح باءذن الله مضمون 100 % و عندى الخبرة و الموهبة لإدارته

الخسارة تكاد تكون معدومة بإذن الله

رأس المال المطلوب 20 الف جنيه و التفاصيل فى مقابلة شخصية مع كافة الضمانات الى يطلبها الممول

الربح يبدأ من الشهر الثالث على اقصى تقدير و يبدأ من 2000 جنيه فما فوق و يصل الى 10 آلاف جنيه للشريك

للجدية و لتفاصيل أكثر فى مقابلة شخصية

الإتصال لتحديد موعد للمقابلة

011.44.55.83.43

**bahaa mohamed** · 25-12-2016 03:18 AM

ربنا يوفقك يباشا و تلاقي حد يمولك بالتوفيق

**ahmedwagdy03** · 25-12-2016 04:12 PM

أنا من إسكندرية و أعرف إن السوق نايم . محدش بيشتري دلوقتى ( إلا المضطر ) و اللى بيبيع حاله واقف لإنه مش عايز ينزل فى السعر. كله دلوقتى شغال عملة أو شهادات.

طالما الخسارة معدومة و سيادتك واثق . خدلك قرض من أى بنك و ده مبلغ صغير جدا . و حتعوز الفلوس ليه و نشاطك مش محتاج رأس مال . ده تسويق .

Good Luck

**AlGhareeb** · 25-12-2016 04:24 PM

المشاركة الأصلية كتبت بواسطة bahaa mohamed

ربنا يوفقك يباشا و تلاقي حد يمولك بالتوفيق

شكرا على ردك

**AlGhareeb** · 25-12-2016 04:37 PM

المشاركة الأصلية كتبت بواسطة ahmedwagdy03

أنا من إسكندرية و أعرف إن السوق نايم . محدش بيشتري دلوقتى ( إلا المضطر ) و اللى بيبيع حاله واقف لإنه مش عايز ينزل فى السعر. كله دلوقتى شغال عملة أو شهادات.

طالما الخسارة معدومة و سيادتك واثق . خدلك قرض من أى بنك و ده مبلغ صغير جدا . و حتعوز الفلوس ليه و نشاطك مش محتاج رأس مال . ده تسويق .

Good luck

السوق مش نايم و لا حاجة لأن ببساطة فيه فئات مرتباتها تضاعفت و بالنسبة لهم العقار افضل استثمار
و فى 2008 ارتفع طن الحديد من 2500 جنيه الى مافوق 8000 جنيه و مع ذلك السوق كان شغال
و ما بعد أيام 25 يناير كان السوق شغال

اللى بيبيع و حاله واقف زى ما بتقول دى اشخاص و لو قريت الموضوع كويس هتفهم ان انا بأسوق مشروعات للشركات و مقاولين و دى شغلتهم
بالإضافة إن الشركات و المقاولين بيبيعوا الشقق بالتقسيط على 3 او 5 سنين

و بخصوص القرض فأولا القروض ربا مفيهاش كلام

و ثانيا برضه لو قريت الموضوع كويس هتلاقى مكتوب المشروع بدون موافقات حكومية و لا أوراق ليه انا ادخل نفسى تحت أنياب الحكومة
المشروع دا من النوعية المسماة الإقتصاد غير الرسمى

و ثالثا انت فاكر ان مكتب التسويق دا ببلاش مش محتاج فلوس انا بأسوق مشروعات سكنية و مصيفية ( مش شقق للإيجار )

فى الأخير يبقى العقار افضل استثمار و كل الناس عارفة كده

**AlGhareeb** · 25-12-2016 05:02 PM

المشاركة الأصلية كتبت بواسطة ahmedwagdy03

اللى بيبيع حاله واقف لإنه مش عايز ينزل فى السعر. كله دلوقتى شغال عملة أو شهادات.

Good luck

حبيت اضيف إن اللى عنده شقة و بيبعها عايز فلوسه كاش الشركات و المقاولين بيبيعوا الشقق بالتقسيط على 3 او 5 سنين

**AlGhareeb** · 27-12-2016 03:31 PM

للرفع

**المجهول 11** · 27-12-2016 08:28 PM

20 الف مش مبلغ كبير
بس عايز معلومات اكتر وضمانات يعني دورة راس المال هتكون قد اية
ولو عايز اسحب فلوسي لازم استني قد اية وكدة
هل متاح عند حضلاتك واتس اب
مع العلم اني من القاهرة

**AlGhareeb** · 02-01-2017 05:14 PM

المشاركة الأصلية كتبت بواسطة المجهول 11

20 الف مش مبلغ كبير
بس عايز معلومات اكتر وضمانات يعني دورة راس المال هتكون قد اية
ولو عايز اسحب فلوسي لازم استني قد اية وكدة
هل متاح عند حضلاتك واتس اب
مع العلم اني من القاهرة

شكرا على ردك
مع ارتفاع الاسعار المبلغ المطلوب 25 الف مش 20 و آسف لأن دراسة الجدوى من فترة
المشروع مفهوش دورة راس مال لأنه مش مشروع انتاجى
راس مالك إن شاء الله ثابت و تأخد أرباح شهرية
الضمانات شوف اللى يريحك و يضمنلك حقك معنديش مشكلة فى الموضوع دا
لو عايز تفك الشراكة و تسحب فلوسك مش قبل 6 أشهر لأن الفلوس هتروح فى شراء و تجهيزات
للاسف معنديش واتس حاليا