الموضوع: تعديل الداتشا نوفا لفتيس وكبالن رينو 9 والفرق

المشاركة الأصلية كتبت بواسطة mohsen128

كل عام وكل الداتشاويا بخير ،، من فتره كبيرة وانا بفكر في تغيير الفتيس وخصوصا بعد ما قفش مني على الغيار التالت ومش عايز يتحرك من مكانه فولت بدل ما افك وادوخ على قطع غيارة واصلح اريح قلبي وارتاح من مشكله وبالفعل توكلت على الله وكلمت الاسطى احمد اوفا ، وظبط معاه الميعاد ورحتله بالعربية الموضوع كان تغيير الفتيس وطبعاً تغيير الكبالن وانا كنت مغير السوره وراس الكبلن برينو 9 المهم شلنا كل ده وركبنا كبالن 9 استيراد وفتيس 9 و طبعا غيرنا ديسك واسطوانه ومرش وفلام و عدلنا في القواعد والمفاجأه الي مكنتش متوقعه العربية نعمت جداً وطلع خشونه الداتشا مش غشونه مكنه ده فتيس ،،، التكلفه بقي كانت 1500 جنيه شامل المصنيعيات وهو خد كل الحاجات القديمه وهو راجل محترم جداً وجدع اوي ، وهقولكم ليه روحت للاسطي احمد اوفا السبب الرئيسي هي تضارب اراء التجار بمعني واحد يقولي لا هتغير كوبلن داخلي بس والخارجي لا واليمين انما الشمال ذي ما هو وواحد يقولي لا لازم تجيب صاله كامله ومش عارف هتسيب ايه وهتغير ايه وطبعاً الميكانيكي الي بتعامل معاه اقوله ايه رايك يقولي ياباشا الي هتجيبه من التاجر انا هركبه انما معنديش خلفيه عن موضوع التعديل ده فريحت قلبي وروحت للاسطي احمد بس نصيحه لو هتروحله للازم تطلع من عنده على عفشجي يربط وراه ، وموقف حصل واحنا بنركب السورة الشمال خرطوم الباكم كان على شعره فقالي نشتري واحد ونغيره المهم قعد يلف معايا عشان انا مش من المنطقه وبعد مروحنا لاكتر من واحد لقينا واحد والخرطوم الي ركب كان بتاع رينو 19 وكان مجهول الهويه يعني مفيش بلد صنع تقريبا مصري ،، بس روحت اظبط الفرامل بعديها عند حد بتاع فرامل وطلع الخرطوم مسدود تخيلو والله كنت شاريه بـ 40 جنيه المهم بتاع الفرامل قلي روح هات خرطوم بتاع بيجوووووووووو 504 وجبته وكان انظف من الاولني مليون مره وتقريبا كان ايطالي وتمنه 30 جنيه تخيلو استغلال التجار لمعرفه انها حاجه رينو ويسلم لما يسمع انها داتشا نوفا يبقي عايز يقلعك هدومك ،، معلش طولت عليكم بس قولت بقلنا كتير مفيش موضوع جديد والناس نامت خالص ،، كل عام واكل الاعضاء بخير وسنه سعيده علينا جميعاً باذن الله

أنا فعلاً مركب ماتور رينو9 بالفتيس
بس عندي مشكلة أن عصاية الفتيس داتشيا 4 غيار ومش مريحه الماتور

أشرف فارس كنت كلمت الاسطى احمد اوفا وينفع تعديل عصاية الفتيس .

مبروك التعديل يا بشمنهدس محسن

المشاركة الأصلية كتبت بواسطة mohsen128

أشرف فارس كنت كلمت الاسطى احمد اوفا وينفع تعديل عصاية الفتيس .

شكراً جداً أنا فعلاً شغال حالياً بجدد العربية وصارف كتير ونفسي أظبط الفتيس

الله يبارك فيك يا كرم باشا ،، صوت المكنه اختلف تمام (( هدي جداً )) بعد تغيير الفتيس