فيه ناس كتير دلوقتي بتحط زيت باور "اللي هو زيت فتيس اتوماتيك" على تفويلة البنزين لتنضيف دورة البنزين و الرشاشات.
هل الكلام ده علمي و لا افتكاسة ممكن تسبب مشاكل؟
عرض للطباعة
فيه ناس كتير دلوقتي بتحط زيت باور "اللي هو زيت فتيس اتوماتيك" على تفويلة البنزين لتنضيف دورة البنزين و الرشاشات.
هل الكلام ده علمي و لا افتكاسة ممكن تسبب مشاكل؟
طب ماطحت منظف رشاشات اضمن
اول مره اسمع الكلام ده ؟ وفعلا الأفضل نضع منظف الرشاشات او منظف دوره الوقود كامله ...... متابع .
أنا نضفت الرشاشات بالألترا سونيك و دي أفضل وسيلة للتنضيف داخلياً.
أنا باسأل للمعلومة
انا كنت لسة حعمل بوست بالموضوع ده .... الموضوع اتفتح امامى .. و موضوع ظريف جدا .... و نقاش حامى بين المؤيد و المعارض
فى انتظار راى الاخوة الافاضل
متااااااابع .
اناجربت الموضوع دا بنفسى بصراحه مش كويس العربيه بقت تغيب فى الدواره لحدمخلصت التفويله لولمافولت من جديدا العربيه اتظبطتت
أنا سألت السؤال ده في منتدى أجنبي متخصص في الزيوت و الوقود و سوائل التبريد و كتير شاركوا في الموضوع و أجمعوا إن مالوش لازمة و انهم كانوا بيستعملوه مع مواتير الديزل.
كلام جميل .... حد جربه و حس بالفرق ؟؟؟ او ليه مميزات ؟؟؟
الناس الى تؤيد الموضوع ده ... بيقولوا ان الزيت بيعمل تزييت لطرمبة البنزين .. و تنضيف لدورة البنزين !!!
و واحد قالى ان مهندس استقبال فى مرسيدس قاله على الموضوع ده !!!!!
كنت بعمل كده في سياره لادا 91
حبت زيت نقط في التنك والميكانيكي هو الاشار عليا بكده
ده رابط للموضوع في المنتدى الأجنبي للي يحب يطلع عليه https://bobistheoilguy.com/forums/ub...ission_#UNREAD
مهندس سيارات قالي احط ربع لتر ف تنك البنزين علشان يلين طرمبة البنزين بما ان صوتها عالي
بس مقلق من الموضوع
ارجعوا للينك اللي انا حطيته هاتلاقوا كلام تفصيلي عن عدم جدوى الموضوع ده لمواتير البنزين و انهم بره بيعملوا كده مع مواتير الديزل
اساسا هو استعماله كان مع الديزل .. لكن اعتقد كمان مع البنزين
و كمان هو كان علشان ظروف المناخ البارد القريب من التجمد .. ده كان احد الحلول لتجنب مشاكل معينه
عموما انا موش شايف كلام مميز لاستعماله .. سواء للديزل او البنزين
انا اعتقد انه ملوش اى لازمة
يعنى ازاى احط زيت مهمته الاساسية ان يقلل الاحتكاك ويزيت الاجزاء احوله الى وقود يحترق داخل موتور السيارة
ثم لو على تنظيف دورة الوقود ليها منظف معتمد وموثوق منه
او تفك مسطرة الرشاشات ونظفها
وبعدين لو كان الكلام ده مظبوط كان التوكيلات اوصت به وكلام المهندس بتاع مرسيدس ده يمثل وجهة نظره الشخصية فقط ولا يعتبر قاعدة علمية
دا زيت هيدروليكى...........إزاى أقول انه يعمل تنظيف
كل تأثيره و فائدته على التاكيهات بيعمل لها تزييت و المكنة بتبقى اهدى شوية....عامل زى اللى بيستخدم موتوسيكل و معروف ان فى نوعيات منه مافيهاش دورة زيت بيحط عبوة زيت مع التفويله علشان موضوع التزييت دا...و كمان انت مش محتاج عملية تزييت التاكيهات لو صمام الفايظ (ال pvc) راكب لانه بياخد بخر الزيت و يرجعه تانى و يقوم بالعملية دى تلقائيا
سلبياته بيطلع زيت محروق يسبب تلف لعلبة البيئة و تلف مبكر للبوجيهات و تراكم للكربونات فى غرفة الحريق