عطل لانسر 2008 بتبطل لوحدها

**Mohamed 175** · 26-12-2016 10:22 AM

السلام عليكم
انتو عارفين اليومين دول برد شويتين.. انا عربيتي لانسر 2008 أوتوماتيك خليجي 1600 وعاملة 115 الف ولسه مغيرلها البطارية من شهر...
أنا بنزل الصبح أدور واسيبها شوية لقيت مؤشر ال rpm بينزل لحد ما وصل الواحد وراحت مبطلة ولمبة البطارية نورت وبس.
دورت تاني دارت برده واديت شويت بنزين عليت شويت وبعدين راح نفس المؤشر واقع.
بعد دقيقة كده بدور بطلت قبل حتى ما الحق اديها شوية بنزين.
قفلتها وسبتها في الجراج زي ما هي..
أفيدونا أفادكم الله.

**svneleven** · 26-12-2016 01:33 PM

شوف البوابة و ال ايدل.

**Mohamed 175** · 26-12-2016 04:52 PM

أنا كان المفتاح ضاع وعملت مفتاح جديد وبرمجته عند واحد فحد قاللي ان ممكن تكون المشكلة في برمجة المفتاح.. الكلام ده صح؟

**م أحمد** · 27-12-2016 10:49 AM

غير بوجيهات

لو مشكلة مفتاح مش هتدور من الاساس...البوابة هتعلى و توطى انما مش هتبطلها

**ahmed_eng2001** · 27-12-2016 04:50 PM

اول حاجة الواحد بيفكر فيها لما العطل ده يحصل فى البومة .... الايدل ... عطل متكرر و بيحصل كتير فى البومة .. و فى البى واى دى كمان

و زى ما ذكر المهندس احمد ... بص على البوجيهات كمان .. و لو قديمة او شكلها مش كويس .. غيرها
متابعين معاك