تقيم صيانه ال 5000 كم لجين 2 2008 (عز العرب الاسكندرية )
بسم الله الرحمن الرحيم
الاخوه اعضاء منتدي بروتون الكرام
كل عام و انتم بخير بمناسبة حلول عيد الاضحي المبارك اعاده الله علينا جميعاً بالخير
النهارده الحمد لله توجهت الي مركز عز العرب الاسكندرية لعمل صيانة ال 5000 كم لجميله الجميلات
اولاً دخلت التوكيل الساعة 10 صباحاً و كان في استقبالي المهندس المحترم / محمد صلاح
قالي ها ايه الاخبار قولتلو الحمد لله ........ قالي عندنا ايه قولتلو صيانه 5000 و عندي حاجة بسيطه كدا الكلاكس ساعات تلاقي صوته بيحشرج شويه قالي عادي مفيش مشاكل و نزله في ال Job
المهم قولتله حضرتك استلم بعد اد ايه العربية ..... قالي ساعتين ان شاء الله
و كانت الساعة في الوقت دا 10:15 صباحاً قولتله يعني ان شاء الله 12:15 بأذن الله ...... قالي ان شاء الله ربنا يسهل
و بالفعل دخلت الاستراحة و بدأت رحلتي مع قراءه المجالات و كانت الحمد لله ملها خاصه بالسيارات و كلها اعداد جديده مما ادي الي عدم وجود ملل الانتظار
و بالفعل الساعة 12:10 ظهرت العربية في المنطقه الخاصه بالغسيل
رحت داخل الحسابات و تم المحاسبه علي العمليات في صيانه ال 5000 كم و التي تتكلف حوالي 275 جنيه مصري لاغير
فابقول للموظف في ايه ملاحظات علي العربية مكتوبه في الjob ..... قالي حضرتك هو غير الزيت و الفلتر و ربط العفشة و بص علي الكلاكس قولتله تمام ... وراح الراجل مسلمني الفاتوره و اذن الاستلام ( اذن الخروج من المركز )
و قولتله شكراً
في حاجة مهمة اوي يا جماعة انا طبعاً حاسس ان في اختلاف في التوكيل من الفتره الي رحت فيها صيانه الالف يعني من حوالي 4 شهور و الان
و الحاجة دي انا شايف ان بأ في سرعة من المهندسين المختصين في الشغل و كمان من الفنين و الموظفين ..... و دقه في انهاء الاعمال في الوقت المحدد للعميل ... و علي الرغم ان انا كنت بقول للمهندس محمد انا جيت لحضرتك بدري قالي لالالا دا في حوالي 7 عربيات في الورشه من الساعة 9 موجدين .....فأنا يا جماعة شايف في اختلاف ملحوظ من قبل التوكيل في الاهتمام بالعميل و الاهتمام بالماركه نفسها و اسم العربية
ارجو ان اكون وفيت كل الجوانب الخاصه بزياره التوكيل
و اي استفسار ان تحت امركم
و كل عام و انتم بخير
