رساله تطوير المنتدى ...........

**akmm** · 27-12-2016 11:32 AM

تم ظهور رساله عند الدخول للمنتدى بانه سيتم تطوير المنتدى ...... ياريت يكون التطوير حقيقى ويفيد الأعضاء ويكون هناك طريقه لجذب الأعضاء المهاجرين والقدامى ويتم الرفع للوقف عن كل الأعضاء ..... مع اطيب الامنيات لكل أعضاء المنتدى الكرام وشكر خاص لاستجابه الاداره للتطوير الفعلى .

**رامي مصطفى** · 27-12-2016 04:58 PM

السؤال هل ممكن الاعضاء القدامى يرجعوا تاني؟
اعتقد الموضوع مش معتمد بس على رفع الوقف.معظم الناس انشغلت بالفيس بوك
اتمنى

**besso** · 27-12-2016 09:35 PM

المشاركة الأصلية كتبت بواسطة رامي مصطفى

السؤال هل ممكن الاعضاء القدامى يرجعوا تاني؟
اعتقد الموضوع مش معتمد بس على رفع الوقف.معظم الناس انشغلت بالفيس بوك
اتمنى

مع حضرتك فى الراى ده

لو الاعضاء القدامى رجعوا وتم تطوير المنتدى بشكل قوى اظن هايرجع زى زمان

**akmm** · 28-12-2016 08:59 AM

ماهو الاداره لابد ان يكون من ضمن التطوير معرفه هجره الأعضاء القدامى وسبب او أسباب عزوفهم عن المنتدى وبالتالي محاوله استرجاعهم للمشاركه مره أخرى ولو بالاتصال بهم شخصيا .... لان من لايعرف هذا المنتدى من اقوى واعم واشمل منتديات السيارات تقريبا في الشرق الأوسط فحرام فعلا كل المجهود ده والمرجعيات التعليميه والهندسيه تضيع وتندثر ... خالص التحيه للجميع .

**gade2** · 01-01-2017 01:21 PM

الفكره ان الفيس بقى اسهل واسرع لناس كتير وهو دا اللى اثر بشكل كبير

**akmm** · 03-01-2017 03:25 PM

حتى الان التطوير في الشكل فقط ...... وتم حذف التوصيف لكل عضو من جديد زنشط وفضى ... الللخ ومش عارف ليه .

**Karim_Monir** · 03-01-2017 08:53 PM

السلام عليكم
التطوير مش شكلي فقط
التطوير المحتوي والنسخه بالكامل
موضوع موضوع الايقافات فاغلب الايقافات الاخلاقيه مش هاترجع
انا بخصوص عضو يشارك او ميشاركش فدي سنه التطور
كل المحتوى في العالم كله مش مواقع مصر بس بتعاني من الفيسبوك فالموضوع ملوش علاقه بتطوير او غيره
تحياتي

**akmm** · 04-01-2017 09:11 AM

متنساش يا أستاذ كريم ان المنتدى ده فعلا من اكبر واعمق المنتديات العربيه عن السيارات وكتير من الأعضاء بيعتبروه فعلا بيتهم فلازم يكون جاذب جدا للاعضاء الجدد والقدامى لانهم في الآخر إثراء للموقع بتعليقاتهم ومشاركاتهم .

**م أحمد** · 04-01-2017 11:34 AM

كان شكلها مش حلو خالص عضو بلاتينى بعد سنين مشاركات و تلاقيه موقوف
و كان شكلها مش حلو خالص اعمدة فنية و قامات استقطبت آلاف الأعضاء للمنتدى و تلاقى جنبه موقوف

الجديد ...تصنيف الأعضاء و كلمة موقوف اتشالت.... و فعليا الموقوفين اصحاب الفضل زى ما هما موقوفين

بالنسبة للفيس بوك ...فى ناس مش بتلاقى الاجابة هناك و بترجع للمنتدى...و انا شخصيا ناوى ان شاء الله اعمل موضوع عن الفتيس الأوتوماتيك بس بصراحة شايف المنتدى هو الأنسب لتوثيق المعلومة....القصد الفيس بوك تاثيره مش طاغى للدرجة