انا محتاجه مساعده في اجوبه لاساله كتير حد يستحملني؟

السلام عليكم جميعا

قبل ما اسجل هنا قرات شويه وما شاء الله عرفت ان هنا في خبراء
انا اول مره اجيب عربيه ومحتاره اوي بين كزا عربيه وماعرفش مواصفاتهم وعندي اساله تانيه غير ماركات العربيات معلش استحملوني

1- رينو لوجان سيدان مانيوال 2016
2- رينو لوجان سيدان اوتوماتيك 2016
3- كيا ريو سيدان 2016
4- 2016senova x25
دول العربيات عايزه اعرف عنهم مواصفات وعيوب ووزن وطول وعرض وارتفاع عن الارض وطول العجلات

اساله تانيه بقه غير انواع العربيات :)

1- لو وزن العربيه خفيف وحصلت فرمله قويه ممكن تتقلب؟
كنت قرات عن عيوب الفيرنا لاقيت بيقولو الشكمان بيخبط في الارض في المطبات ووزن العربيه خفيف وده خطر
ملحوظه ان وزن الفيرنا طن و440 كيلو والسينوفا طن و100
-----------------------------------------
2- يعني ايه فرامل APS ونظام EBD والية عملهم وميزاتهم وعيوبهم ولو عربيه مش فيها الانظمه دي عادي ولا ؟
-----------------------------------------
3- الفرق بين عربيه فيها جنوط وعربيه مش فيها جنوط
-----------------------------------------
4- نصيحتكم ليا :) علما بان انا بحب العربيه السيدان

متشكره

عليكم السلام و رحمة الله.
مبدأيا طول و عرض و ارتفاع العربيات دي سهل جدت تلاقيها علي النت مجرد تعملي بحث في جوجل.
انا ما اعرفش حاجه عن ال سينوفا لكن ال لوجان و ال ريو عربيتين كويسين جدا لكن ال كيا شكل و أداء و اعتمادية أحسن و سعرها اكتر بكتير طبعا. حضرتك أختاري الانسب سعريا و لو مش فارق يبقي رايي ال ريو طبعا.
موضوع العربية تتقلب مع الفرامل لو وزنها خفيف عار تماما من الصحة. موضوع عربية خفيفة و عربية تقيله الناس بتعبر بيه عن ثبات العربية مش وزنها. يعني بنقول عربية خفيفة عشان احساس السواق انها غير ثابته و هو بيجري بيها و ده مالوش علاقة مباشرة ب وزنها لان الموضوع اساسا موضوع تصميم مش أكتر.
وزن الفيرنا لا يمكن يوصل ل طن و 400 كيلو أعتقد طن و 60 أو 80 بالكتير. هي فعلا مش ثابته بعد سرعة 140 كم مثلا و بردو ده ليه علاقه بال تصميم و ليس الوزن. هي كمان المسافة بين بطن العربية و بين الارض قليلة عشان كده بتحك في المطبات خصوصا مع التحميل.
الجنط ده هو القطعة الحديد المدورة اللي بيركب عليه ال كاوتش. يعني اي عربية فيها جنط لكن ممكن يكون جنط حديد و عليه غطا بلاستيك كده عشان الشكل و طبعا ده سعره رخيص و ممكن الجنط ده يكون جنط رياضي مش حديد معمول من سبيكة معينة و شكلة أحلي كتير و المفروض له مميزات تاني غير الشكل لكن مش هنفرق أوي مع حضرتك غير الشكل. يبقي أما نقول عربية فيها جنوط يعني جنط رياضي مش حديد و ما فيش غطا بلاستيك و شكله أحلي طبعا.
فرامل ABS و EBD دي أنظمة أمان طبعا مش بتنزل في كل العربيات وظيفتها انها تحسن أداء منظومة الفرامل و تخلي العجل ما يتزحلقش لو حضرتك دوستي فرامل جامد جدا و كمان لو فرملتي و فيه مثلا كاوتش علي رمل أو مياه. طبعا هي مهمة و يستحسن تكون في العربية لكن عادي عربيات كتير ما فيهاش الانظمة دي.
https://s30.postimg.org/qvc6zf65t/images_1.jpgimage free hosting

http://i64.tinypic.com/23r61vl.jpg

متشكره جداااا بس انا دخلت الموقع الرسمي للعربيه ومش لاقيت الوزن وكمان مهم يكون للعربيه ثبات كويس

اقتباس:

---

المشاركة الأصلية كتبت بواسطة sun.nona

السلام عليكم جميعا

قبل ما اسجل هنا قرات شويه وما شاء الله عرفت ان هنا في خبراء
انا اول مره اجيب عربيه ومحتاره اوي بين كزا عربيه وماعرفش مواصفاتهم وعندي اساله تانيه غير ماركات العربيات معلش استحملوني

1- رينو لوجان سيدان مانيوال 2016
2- رينو لوجان سيدان اوتوماتيك 2016
3- كيا ريو سيدان 2016
4- 2016senova x25
دول العربيات عايزه اعرف عنهم مواصفات وعيوب ووزن وطول وعرض وارتفاع عن الارض وطول العجلات

اساله تانيه بقه غير انواع العربيات :)

1- لو وزن العربيه خفيف وحصلت فرمله قويه ممكن تتقلب؟
كنت قرات عن عيوب الفيرنا لاقيت بيقولو الشكمان بيخبط في الارض في المطبات ووزن العربيه خفيف وده خطر
ملحوظه ان وزن الفيرنا طن و440 كيلو والسينوفا طن و100
-----------------------------------------
2- يعني ايه فرامل aps ونظام ebd والية عملهم وميزاتهم وعيوبهم ولو عربيه مش فيها الانظمه دي عادي ولا ؟
-----------------------------------------
3- الفرق بين عربيه فيها جنوط وعربيه مش فيها جنوط
-----------------------------------------
4- نصيحتكم ليا :) علما بان انا بحب العربيه السيدان

متشكره

---

مبدئيا مبروك يا ست الكل على فكرة وجود سيارة هتفرق كتير ان شاء الله
ثانيا موضوع الفرملة الجامدة ده قدر ونصيب وملهاش قاعده لانممكن لاقدر الله في طريق سريع بكل خطورتة اومجرد ان الواحد اتفاجى بمطب او بلاعة او في شارع فاضى وكذلك لو على اسفلت او زيت اوميه شتا كل ده طبعا بيحدد الخطورة اكتر من وزن العربية
ثالثا تصميم العربية في الغالب مع العربيات المتوسطة سعريا بيحطنا في معضلة صعبة :العربية الواطية بتبقا في قمة الثبات حتى مع السرعات العالية لكن بتحك في كل المطبات !!!
رابعا بالنسبة لكونك (واحدة ست) فانا ارشحلك العربيات الهاتشباك وليس السيدان من نوعيات هيونداى آيتن أو كيا بيكانتو مثلا لو الظروف تسمح او لو الميزانية أقل شوية ممكن سبرانزا 113 وده لان العربيات دى منمنمة وهتسهلك الركن في الحتت الضيقة والمشى في الزحمة
واخيرا نصيحة ذهبية (الفرامل تدريجي مش كبس)
وربنا يباركلك فيها لما تجبيها ان شاء الله ويكفيكي شرها

اقتباس:

---

المشاركة الأصلية كتبت بواسطة sun.nona

السلام عليكم جميعا

2- يعني ايه فرامل aps ونظام ebd والية عملهم وميزاتهم وعيوبهم ولو عربيه مش فيها الانظمه دي عادي ولا ؟
-----------------------------------------
3- الفرق بين عربيه فيها جنوط وعربيه مش فيها جنوط
-----------------------------------------

متشكره

[/right]
[/center]

---

فرامل abs ده نظام مانع لانغلاق الفرامل اثناء الدوسة المفاجئة (الغشيمة غالبا من السائق) كمبيوتر العربية بيحاول يصلح الغلطة اللي ممكن تقلب العربية بانه بيدى الدوسة متدرجة ومتقطعة وده غالبا بيحصل في الحتت اللي فيها تراب او مية وعمليا هتحسى ان فيه حاجة بتلعب في دواسة الفرامل تحت رجلك زى ما تكوني دايسة على بطن قطة :36_2_49[1]:

موضوع الجنوط هو موضوع جمالي لا أكثر لان الجنط الحديد جامد بس شكله طبعا غير عاطفى بالمرة خصوصا لو العربية زيرو

وعليكم السلام ورحمة الله

اقتباس:

---

1- رينو لوجان سيدان مانيوال 2016
2- رينو لوجان سيدان اوتوماتيك 2016
3- كيا ريو سيدان 2016
4- 2016senova x25

---

مبدئياً ما انصحش بعربية مانوال لو لحضرتك,
أولاً سواقة الاوتوماتك أسهل,
ثانياً مريحة في الزحمة
ثالثا حلوة للمبتدئين او الجداد ع السواقة

المانوال أفضل للغاوي سواقة وتعديل ودريفت وكده
+ انها موفره في البنزين وبتدي تحكم كامل للسائق

اقتباس:

---

1- لو وزن العربيه خفيف وحصلت فرمله قويه ممكن تتقلب؟
كنت قرات عن عيوب الفيرنا لاقيت بيقولو الشكمان بيخبط في الارض في المطبات ووزن العربيه خفيف وده خطر
ملحوظه ان وزن الفيرنا طن و440 كيلو والسينوفا طن و100

---

الموضوع معقد ومتعدد الأبعاد , واللي بتسألي عليه ده اسمه ثبات العربية,
الوزن ده عامل من عوامل تانيه زي العلو عن الارض ومكان الموتور ونوع الدفع ومقاس الكاوتشات
الفيرنا فعلاً مشهور عنها العيب الخطير ده.. الموتور أقوي بكتير من العربية نفسها وامكانات العربية ماتناسبوش

اقتباس:

---

2- يعني ايه فرامل APS ونظام EBD والية عملهم وميزاتهم وعيوبهم ولو عربيه مش فيها الانظمه دي عادي ولا ؟

---

أ ب في أي عربية لازم يكون فيها النظامين دول
ABS باختضار ده نظام بيمنع زحلقة العربية لو دوستي على الفرامل فجأة وده بيساعدك في التحكم في العربية وقت الفرملة
العربيات اللي مفيهاش abs بتتزحلق مع الفرامل الشديدة وبيكون من الصعب التحكم فيها..
يعني لو قدامك عمود كهربا وانت ماشيه بسرعه وعربيتك مافيهاش aps وضربتي فرامل فجأة العربية هتزحلق وهتفضل ماشية قدام حتى لو كسرتي الدريكسيون يمين أو شمال على العكس لو كان العربية فيها abs

والebd نظام توزيع الفرملة على الاربع عجلات
لو حضرتك بتاخدي ملف جامد مثلاً على الناحية اليمين وجيتي تفرملي
الفرامل هتتوزع بقوة اكبر على العجلتين اليمين وبقوة اخف على اللي في الشمال
وده علشان يحافظ على ثبات العربية

اقتباس:

---

3- الفرق بين عربيه فيها جنوط وعربيه مش فيها جنوط

---

الجنوط دي الناس بتركبها يا اما شكل جمالي يا اما علشان يحسنوا من ثبات العربية

اقتباس:

---

4- نصيحتكم ليا :) علما بان انا بحب العربيه السيدان

---

بيكون فيه مراجعات على اليوتيوب للعربيات الجديدة مفيده وبتشرحلك كل حاجه بالميزات والعيوب

اقتباس:

---

المشاركة الأصلية كتبت بواسطة erada

مبدئيا مبروك يا ست الكل على فكرة وجود سيارة هتفرق كتير ان شاء الله
ثانيا موضوع الفرملة الجامدة ده قدر ونصيب وملهاش قاعده لانممكن لاقدر الله في طريق سريع بكل خطورتة اومجرد ان الواحد اتفاجى بمطب او بلاعة او في شارع فاضى وكذلك لو على اسفلت او زيت اوميه شتا كل ده طبعا بيحدد الخطورة اكتر من وزن العربية
ثالثا تصميم العربية في الغالب مع العربيات المتوسطة سعريا بيحطنا في معضلة صعبة :العربية الواطية بتبقا في قمة الثبات حتى مع السرعات العالية لكن بتحك في كل المطبات !!!
رابعا بالنسبة لكونك (واحدة ست) فانا ارشحلك العربيات الهاتشباك وليس السيدان من نوعيات هيونداى آيتن أو كيا بيكانتو مثلا لو الظروف تسمح او لو الميزانية أقل شوية ممكن سبرانزا 113 وده لان العربيات دى منمنمة وهتسهلك الركن في الحتت الضيقة والمشى في الزحمة
واخيرا نصيحة ذهبية (الفرامل تدريجي مش كبس)
وربنا يباركلك فيها لما تجبيها ان شاء الله ويكفيكي شرها

---

متشكره جدا علي النصيحه الغاليه / هاروح ابص علي البيكاتو :)

اقتباس:

---

المشاركة الأصلية كتبت بواسطة silent storm

وعليكم السلام ورحمة الله



مبدئياً ما انصحش بعربية مانوال لو لحضرتك,
أولاً سواقة الاوتوماتك أسهل,
ثانياً مريحة في الزحمة
ثالثا حلوة للمبتدئين او الجداد ع السواقة

المانوال أفضل للغاوي سواقة وتعديل ودريفت وكده
+ انها موفره في البنزين وبتدي تحكم كامل للسائق



الموضوع معقد ومتعدد الأبعاد , واللي بتسألي عليه ده اسمه ثبات العربية,
الوزن ده عامل من عوامل تانيه زي العلو عن الارض ومكان الموتور ونوع الدفع ومقاس الكاوتشات
الفيرنا فعلاً مشهور عنها العيب الخطير ده.. الموتور أقوي بكتير من العربية نفسها وامكانات العربية ماتناسبوش



أ ب في أي عربية لازم يكون فيها النظامين دول
abs باختضار ده نظام بيمنع زحلقة العربية لو دوستي على الفرامل فجأة وده بيساعدك في التحكم في العربية وقت الفرملة
العربيات اللي مفيهاش abs بتتزحلق مع الفرامل الشديدة وبيكون من الصعب التحكم فيها..
يعني لو قدامك عمود كهربا وانت ماشيه بسرعه وعربيتك مافيهاش aps وضربتي فرامل فجأة العربية هتزحلق وهتفضل ماشية قدام حتى لو كسرتي الدريكسيون يمين أو شمال على العكس لو كان العربية فيها abs

والebd نظام توزيع الفرملة على الاربع عجلات
لو حضرتك بتاخدي ملف جامد مثلاً على الناحية اليمين وجيتي تفرملي
الفرامل هتتوزع بقوة اكبر على العجلتين اليمين وبقوة اخف على اللي في الشمال
وده علشان يحافظ على ثبات العربية


الجنوط دي الناس بتركبها يا اما شكل جمالي يا اما علشان يحسنوا من ثبات العربية



بيكون فيه مراجعات على اليوتيوب للعربيات الجديدة مفيده وبتشرحلك كل حاجه بالميزات والعيوب

---

هو كلام جميل وميرسي طبعا جدا ليك وانا صرفت نظر عن المانيوال ونظام الفرامل جميل بس السؤال لو انا قاعده ومش حاطه الحزام هاطلع برا العربيه ههههههه

اقتباس:

---

المشاركة الأصلية كتبت بواسطة sun.nona

هو كلام جميل وميرسي طبعا جدا ليك وانا صرفت نظر عن المانيوال ونظام الفرامل جميل بس السؤال لو انا قاعده ومش حاطه الحزام هاطلع برا العربيه ههههههه

---

sure

باختصار ليكى الانسه نونا ودلع شمس على ما اعتقد المهم

ريو سيدان 2016 اتوماتيك كويسه جدا وعمليه جدا وجيبى ديما بتنزل منها فى مصر فئتين فقط سيدان او 3 ع حسب كل سنه ف سيدان الريو لو مش هامك اعلا فئه وكده هاتى اول فئه اتوماتيك وتقريبا نص فل سواء 2016 او 2017 وكمان يعنى ارتفاعها كويس 14 وشويه حبتين وعمليه وبنزين كويس اوى يفضل عندك 4 ايام تقريبا او حسب دوستك ف بنزين يعنى فيها abs فباتكيد لازم يكون فيها ebd وزنها متوسط مش عالى ولا خفيف ومعتقدش انك هتدوسى فرامل جامد لو حصل حاجه لاقدر الله فرامل شويه تدوسى مش كتير غير كده انتى اى عربيه لمه تدوسى فرامل جمد بتتعبى فرامل وممكن تيل فرامل تتغير عشان دوستك لو قويه ف فرامل استبد ليكى لوجان اسعارهم متفاوته كل يوم شكل سعرهم مش ثابت وقطع غيار يعنى شويه غاليه حبتين لوجان وزن خفيف زى فيرنا على فكره والفيرنا ارتفاعها واطى شويه اوطى من سيراتو حتى 13 ونص سنتى فديما تحك من تحت العربيه فو ف شكمان مجمل الموضوع ودى قناعتى وده راى الشخصى ريوم سيدان 2016 انسبلك علما ان شكل 2017 يبتدى من 342 الف تقريبا تحياتى لحضرتك عمر