هاتجوز وعندي كام سؤال كده

**Hikayat** · 29-12-2016 01:32 AM

انا ان شاء الله هتجوز كمان 3 شهور ومش ناوي اعمل فرح باذن الله هوه اشهار في جامع وفوتوسيشن وشكرا ؟
فكنت عايز اسالكم انا ناوي ادخل في فندق واقضي ليلتين فتنصحوني بفندق ايه ( رينج 1500 ولا 2000 بالكتير في الليله .. لو ارخص اكيد احلي )
واكتب الكتاب فين ؟ انا بفكر في ال رشدان
واسافر فين ؟ بفكر في الجونه او سهل حشيش

**akmm** · 29-12-2016 01:17 PM

الف الف مبروك مقدما ................ وفكره جيده الاستفاده من مصاريف الفرح في انك تفرح وتنبسط بيها فرحه حقيقيه .... وبسمع ان سهل حشيش جميل بس مجربتش تحياتى .

**heshom** · 29-12-2016 02:15 PM

ألف مبروك ...... ادخل موقع travel yalla ... فى عروض ممتازة لو عاوز رحلة ما تنسهاش يبقى أسوان أجمل مدن مصر

**Hikayat** · 29-12-2016 09:17 PM

المشاركة الأصلية كتبت بواسطة akmm

الف الف مبروك مقدما ................ وفكره جيده الاستفاده من مصاريف الفرح في انك تفرح وتنبسط بيها فرحه حقيقيه .... وبسمع ان سهل حشيش جميل بس مجربتش تحياتى .

الله يبارك في حضرتك
طيب عندك فكره عن فندق في القاهره ؟

**Hikayat** · 29-12-2016 09:18 PM

المشاركة الأصلية كتبت بواسطة heshom

ألف مبروك ...... ادخل موقع travel yalla ... فى عروض ممتازة لو عاوز رحلة ما تنسهاش يبقى أسوان أجمل مدن مصر

الله يبارك في حضرتك
معتقدش اسوان تبقي حلوه كشهر عسل

**م أحمد** · 01-01-2017 10:10 AM

مسجد النور فى العباسية ...فيه قاعتين جنب بعض...حتى لو عايز تعمل فرح صغير ممكن تحجز ساعتين ورا بعض...و اكبر ميزه عنوانه اشهر من نار على علم...بس الحجوزات قبلها بمدة كبيرة

**gade2** · 01-01-2017 01:07 PM

الف مبروك
جراند حياه ميزة فى قلب النيل وسعره كويس -ريتز كارلتون على الكونيش وغرفه واسعه ولسه جديد فالاثاث بتاعه جديد
شهر العسل سهل حشيش كويسه ورمانسيه اكتر من شرم اللى بتتميز بخروجات وفسح كتير

**عبدالحكيم** · 02-01-2017 08:54 AM

أخي الكريم،
أولاً: مبروك مقدماً... أسأل الله أن يتم فرحتكما على خير وأن يديم المحبة والوئام بينكما...
ثانياً: أنصحك بقضاء أول ليلة – أو أول أسبوع على الأقل- في شقتك، حتى تستمتع بخصوصية أول لحظات زوجية في حياتك في بيتك مع عروسك وتكون لكما ذكريات جميلة لا تُنْسى بين جردان عش الزوجية الدافئة...
قضاء أول ليلة، "الدخلة"، في فنادق هي فكرة خاطئة وكثيرون ندموا عليها. لن أقول لك بسب فقدان الخصوصية وتلصص عمال الفنادق غير المحتشمين، أو إمكانية تصوير اللحظات الخاصة كما فعل صاحب فندق في لبنان وتم القبض عليه مؤخرا...إنما الفسحة الجميلة فعلاً تكون لاحقة لوقت الفرح... اشبع من أول لحظات سعيدة في بيتك ثم بعدها فكر في الفنادق...
هذه وجهة نظري والله يسعدك وييسر لك أمرك...

**svneleven** · 03-01-2017 05:40 AM

انا مع راي أ. عبد الحكيم. اول كام ليلة في بيتك تتعودو علي بعض و تدخل بينكم الالفة و بعد كده تسافرو بامر الله. سهل حشيش مناسبة جدا لشهر العسل. ما فيش زحام و في هدوء فوق الوصف الاختيارات كتير ادخل Booking.com و عيش. أنا جربت tropitel وكان معقول جدا و اسعارة معقولة و فيه ملاهي مائية و 5 مطاعم و حوالي 3 حمامات سباحة ف مش هتحس باالملل. يعني من الاخر مش هتحتاج تخرج منه الا لو هتنزل الغردقة يوم تاكل سمك و ترجع لكن حط في بالك ان سهل حشيش ما فيهاش خروجات و الغردقة حوالي 30 دقيقة ل 45 دقيقة يعني يستحسن يكون معاك عربية.

**Hikayat** · 04-01-2017 11:17 AM

المشاركة الأصلية كتبت بواسطة م أحمد

مسجد النور فى العباسية ...فيه قاعتين جنب بعض...حتى لو عايز تعمل فرح صغير ممكن تحجز ساعتين ورا بعض...و اكبر ميزه عنوانه اشهر من نار على علم...بس الحجوزات قبلها بمدة كبيرة

تمام .. الف شكر لحضرتك .. هسال عليه برضه واشوف نظامه
حضرتك تعرف حاجه عن مسجد حسن الشربتلي في التجمع ؟

الموضوع: هاتجوز وعندي كام سؤال كده

LinkBack

أدوات الموضوع

عرض

-

-

-

المواضيع المتشابهه

ده كتالوج الزيوت وعندي سؤال

حجزت اوكتافيا a7 وعندي كام سؤال

العربية تمت 110 الف كيلو وعندي كم سؤال

اشتريت الجيتز وعندي سؤال

عضو جديد وعندي سؤال

الكلمات الدلالية لهذا الموضوع

المفضلات

المفضلات

ضوابط المشاركة