انا معايا ماتريكس 2006 اتوماتيك
فكنت عاوز اعرف احسن غيار زيت للعربية ايه سواء موتور او فيتيس
وهل 5 الالف احسن ولا 10 الالف ؟
عرض للطباعة
انا معايا ماتريكس 2006 اتوماتيك
فكنت عاوز اعرف احسن غيار زيت للعربية ايه سواء موتور او فيتيس
وهل 5 الالف احسن ولا 10 الالف ؟
كل الاخوه هيردو عليك بان تراجع كتالوج العربيه ومنه تعرف اللزوجه المطلوبه لزيت الموتور وزيت الفتيس ... وبعد كده ممكن تختار الاسم التجارى اللى يتناسب مع رغبتك في الزيت .... وعن نفسى افضل لك شيل بنوعيه ودرجه اللزوجه اللى هتوصل لها من الكاتالوج
العربيه ماشيه كيلومتر قد ايه ؟ و حالة الموتور كام % ؟
الكتالوج مؤكد مكتوب فيه كل التفاصيل المطلوبة.. هتلاقي مواصفات الزيت مكتوبة في قسم اسمه "المواصفات" بعد قسم "الصيانة" في الكتالوج.
مواصفات الزيت المطلوب لعربيتك زي كل العربيات الهيونداي.. كالتالي:
مستوى أداء API SL على الأقل .. ويكون واخد تصنيف ILSAC GF-4 للزوجات الخفيفة بالذات.
اللزوجات المسموحة هي: 5W-30 أو 10W-30 أو 15W-40 أو 20W50
ويفضل تستخدم الـ5W-30 للتوفير في البنزين
حتة الموتور ماشي كام دي مالهاش علاقة نهائي بنوع الزيت اللي تستخدمه.. واختيار اللزوجة له معايير.. تقدر تعرفها من هنا: http://www.nilemotors.net/Nile/481878-a.html
أما موعد التغيير.. فبردو يعتمد على توصيات الكتالوج.. مش نوع الزيت...
تقدر تعرف تفاصيل أكتر من هنا: http://www.nilemotors.net/Nile/490076-a.html
وأنصحك تدخل على الموضوع ده بردو.. هيفيدك كتير:
http://www.nilemotors.net/Nile/341680-a.html
ولو الموضوع لسه صعب إحنا تحت أمرك في أي أسئلة...
بالنسبة للفتيس.. أتوقع إنه فتيس أوتوماتك.. مش كده؟؟
مواصفة الزيت المناسب هي ATF SP-III ... ودي نفس مواصفة زيت ميتسوبيشي لزيت الفتيس الأوتوماتيك
http://i.ebayimg.com/images/a/(KGrHq...g~~/s-l300.jpghttp://www.evolutionm.net/forums/att...atf-sp-iii.jpg
الزيت موجود عند توكيل ميتسوبيشي وتوكيل كيا... وأوعى تجيب زيت من عند غبور (الزيت اللي عنده مش مطابق للمواصفة بتاعت الفتيس).
بردو ما تحطش زيت موبل 320 ولا موبل 220.. ولا أي زيت تاني غير اللي قلتلك عليه ده.
الزيت ده بيتغير حسب توصيات الكتالوج كل 40 الف كيلومتر في الحالات الشاقة.
وقولنا عملت إيه.
...