رقم العضوية : 164976
تاريخ التسجيل : 05Sep2014
المشاركات : 3
النوع : ذكر
الاقامة : مصر
السيارة: KIA
السيارة[2]: BMW
الحالة :
لو سمحتم يا شباب
عاوز أغير زيت لعربيتي أوبترا 2005 ماشية 150 ألف كم
أول ما اشتريتها كنت غيرت لها زيت والميكانيكي قاللى حط زيت شيل الأصفر ونزله بعد ألف كم عشان صاحب العربية الأول مكانش مهتم بالموتور
أنا دلوقتى مشيت بيها ألف كيلو متر
تنصحونى أحط لها زيت أيه ودرجة اللزوجة المناسبة أيه
رقم العضوية : 105306
تاريخ التسجيل : 26Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
الزيت المناسب دايما هو اللي مواصفاته مكتوبة في الكتالوج
اللزوجة لوحدها مش هي كل مواصفات الزيت.. فيه حاجة أهم اسمها مستوى الأداء (الجودة) ودي هي اللي بتفرق زيت عن التاني.
دي توصيات الزيوت من كتالوج الأوبترا
حسب الصورة دي.. ما تقدرش تحط زيت غير بلزوجة 10W-30 أو 5W-30 وبمستوى أداء لا يقل عن API SL ويفضل يكون معتمد من ILSAC بدرجة GF-3 على الأقل.
بعض كتالوجات الأوبترا في دول أوروبا بتسمح بلزوجات تانية زي 0W-30 و 0W-40 و 10W-40... بس بتشترط مواصفات تانية في مستوى الاداء.. مع العلم بإن المواتير هناك مختلفة عن مواتيرنا... وبالتالي ما نقدرش ناخد الكلام ده مصدق بيه.
أنا شخصيا انصحك بزيت موبل1 X1 بلزوجة 5W-30 لإنه بيتجاوز كل طلبات الموتور ومناسب لعربيات شيفروليه كلها .. والأهم إنه متوفر بسهولة في محطات موبل.
خد بالك إنك ممكن تلاحظ نقص في الزيت بعد ما تغير للزيت الجديد.. وممكن يفضل معاك غيار أو اتنين.. بس اتأكد الأول إن ما عندكش نقص حاليا.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المفضلات