عاوز اركب wall mount وخايف من كابلات الكهرباء حل غير ال wall scanner

**MRBEBO** · 30-12-2016 10:50 AM

باختصار انا عندي تلفزيون

ومركبه على حامل حائط وكله تمام

المشكله محتاج انقل مكانه وطبعا محتاج اثبت فشرات

وهخرم في الحيطه ومعرفش كابلات الكهرباء ماشيه ازاي

وخايف اخرم اضرب في كابل تحصل مشكله او كارثه

وخصوصا ان صحبي في الشغل جه يخرم في الحيطه بالفعل البنطه دخلت في كابل كهرباء واتكهرب وعمل قفله ونجا من الموت بستر ربنا

انا عارف ان بره بيستخدموا ال wall scanner

بس طبعا مش هروح اشتري جهاز ب 2000 جنيه علشان استخدمه مره ولا اتنين

محتاج اقتراحات اعمل ايه ؟؟

**rotanamasoud** · 30-12-2016 06:09 PM

يعنى بديهيا فوق الفيشه وتحتها اساسى متخرمش
واحتياطيا خرم وانت فاصل الكهرباء عن الاوضه اللى حتخرم فيها
انت كده قللت احتمال الدخول على ماسوره كهرباء او انك تتكهرب والباقى على ربنا

**Elawany13** · 30-12-2016 10:42 PM

المشاركة الأصلية كتبت بواسطة rotanamasoud

يعنى بديهيا فوق الفيشه وتحتها اساسى متخرمش
واحتياطيا خرم وانت فاصل الكهرباء عن الاوضه اللى حتخرم فيها
انت كده قللت احتمال الدخول على ماسوره كهرباء او انك تتكهرب والباقى على ربنا

ولما يفصل الكهرباء هيشغل الشنيور ازاى

**amr011111** · 31-12-2016 01:53 AM

هتبعد عن الاماكن المتوقعه لمرور خراطيم الكهرباء يعنى هتلاقى بواط وتحته فيشه يبقى كل المنطقه ديه متخرمش فيها وطبعا متخرمش فى نفس مستوى البواط لمرور خراطيم للاوض التانيه ثانيا ان اصلا ارتفاع البواط عالى فمش هينفع تعلق حامل التليفزيون للمستوى ده وللامان افصل الكهربا عن الاوضه ديه