طالما فى الريف متجيبش 128 لانها مش هتستحمل الطرق الغير ممهده وهتلاقى كل شويه ركبه اتشرخت او العلب فتحت. هات 132 وحط فى بالك ان اى عربيه قديمه هتحتاج تبقى ايديك فيها علطول ومصاريف علطول. لو عاوز تشيل نفسك من المتاهه ديه هات فسبا او سكوتر أحسن
رقم العضوية : 177224
تاريخ التسجيل : 04Jul2015
المشاركات : 28
النوع : ذكر
الاقامة : ميت غمر
السيارة: fiat 127
السيارة[2]: fiat 128
الحالة :
بسم الله الرحمن الرحيم
فاكريني ؟؟
من سنه كنت كتبت موضوع هنا
http://www.nilemotors.net/Nile/471146-a.html
وكان املي الاقي سيارة جيدة بمبلغ ( 10000 ) وبرغم اني عارف انه مبلغ بسيط اوي لكنه ساعتها كان ممكن يجيب اللي حيران الاقيه دلوقتي وانا معايه 20000 وربنا يخللي الزعيم مطرح ما هو قاعد اللي خللى قيمة العشرين تمانيه .. المهم
الخلاصه ،، أنا شاب ( ههههههه شاب ايه 33 سنه ومعنس أساسا ونص الفلوس دي كانت بتاعة الشقة ) ما علينا ، انا شاب فاتح محل في ريف ميت غمر ،انا بتاجر في حاجات كتير وبحتاج اروح أماكن متفرقه لجلب البضاعه ، محتاج سيارة بالمواصفات الآتية : (مع العلم انا حيران جداااااااا) من ساعة ما بعت الموتوسيكل الصيني اللي كان معايه واغلب الناس بيستعبط في تسعير عربيته اعتمادا على الأسعار المرتفعه بالفعل وعلى جهلي أنا بالسيارات ..
المواصفات وأسبابها وايه ينفع ليا دي النصيحه اللي بطلبها من العارفين وهتكل على الله اخر كلام واشتري
السيارة
1 – صغيرة الحجم (بسبب) بيتي عرضه 6 متر فقط وفيه محل تحت وهيكون صعب اقفل مدخله كله وكمان على الطريق واخاف عليها من (الحك)1 فيها بالإضافة اني طول عمري لوحدي وعلى ادي في كل حاجه، هاتشباك افضل كتير ليا من السيدان.
2 – اعتماديه في المصاريف الدورية ( ارباحي الشهرية تتراوح من 2000 إلى 4000ج ( باكل واشرب سجاير بس بنصهم تقريبا ! )
- وبالنسبة لإعتمادية السيارة أنا ضد كل الكلام الفارغ بتاع هات فيات 128 عشان مصاريفها على الأد ومتجيبش عربية قطع غيارها غاليه لأني شايف الغالي تمنه فيه وتركيب حاجه بمية جنيه تقعد سنه ارخص من تركيب حاجه بعشرة جنيه كل شهر !! انا تاجر واعرف ان الأغلى هو الأرخص . المشكلة اني اسافر عشان اجيب الحاجه دي ، ده اللي انا مقدرش عليه.
3- انا مش مهمل ولا بحب اسابق حد انا باكل عيش ومحتاج العربية في الشغل بس مش معنى كده اني اجيب عربية متستحملش مشوار اسكندرية مثلا لو حبيت افصل من جو الريف واروح اقعد مع نفسي ادام البحر واعمل فيها المتنبي شوية واكتبلي بيتين شعر واجي من غير ما اسب والعن في حظي والعربية واقفه مني في نص الطريق.
4- انا جاهل في العربيات ، ومبحبش الصنايعيه ولا اشتغالاتهم فمش عايز اتعود اصرف على العربية اكتر ما بجيب منها.
5 – انا معنديش استعداد ابدا اسافر من ريف ميت غمر عشان اروح اجيب حتت حديد مش موجوده الا على مسافة تعي 150 كيلوا لأن معنديش حد يقف في المحل بتاعي ولا يحضرلي اكل لما ارجع ولا ياخد باله من حاجتي ولا انا بكسب اللي يخليني اقفل يوم كامل عشان مشوار زي كده مع اني بميل وبحب للعربيات اللي للأسف ده احد عيوبها زي السمارا والمازدا
6- عاوز عربية لو ربنا كرمني و حوشت قرشين وحبيت ابيع تتباع ، مش اقعد جمبها سنه وابيعها بخسارة
وأخيرا .. لو قررت مصبرش اكتر من كده لأني بعت الموتوسيكل خلاص ومحتاج جدا امشي حال المحل لأني مش عارف اجيب بضاعه بقالي فترة ، ايه ينفعني يا جماعه وتنصحوني بإيه ؟
وايه رأيكم لو لقيت عربية حالتها كويسه من الأنواع إيه احسن ليا : مع العلم انا لسه مش بسوق كويس بس دي مقدور عليها يعني بركب وبمشي وبسافر كمان بس عشان معنديش عربية اكيد محتاج اتعود
المحروقه اللي كل الناس بتنصحني بيها فيات 128 وضهري وجعني وانا بجربها / اللي عاجباني فشخ بس فلوسي قليلة عليها 131 مع اني مركبتهاش قبل كده / النادره شوية 132 ( 1600 سي سي ) / الوحش اللي مش بيجري بس بيستحمل قوي لادا نيفا / اللادا السمارا / المازدا 323 هاتشباك / البولونيز . وايه تاني برأيكم ينفعني .
أقولكم ، الخلاصه ..
انا قررت هركب عربية بالعشرين الف ايا كانت ، سيبك من شروطي ، لو انت معاك العشرين الف ، وقررت .. هتعمل ايه ؟ اقولك ، انا هختصر ليك المسأله زي ما انا شايفها ، حط ال128 في كفة كأكتر عربيه ممكن تخدمني واقدر ابيعها في اي وقت ( دي ميزتها الوحيده للأسف عندي) وباقي العربيات اللي بحب ركوبتها في كفه ، وكلهم قريبين في السعر من بعض لو الحاله حلوة بس انا عشان جاهل بالعربيات باخد النصيحه ، ايه الأفضل من دول بغض النظر عن شروطي ، بوجه عام كعربيه قديمه يعني ..
مازدا 323 هاتشباك
لادا سمارا
دايهاتسو شاريد
فيات 132 ماتور 1600 cc
-----
أنا شايف ان واحده من دول انسب ليا كتير عن ال28 ، انت لو مكاني ، هتركب ايه ؟
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
طالما فى الريف متجيبش 128 لانها مش هتستحمل الطرق الغير ممهده وهتلاقى كل شويه ركبه اتشرخت او العلب فتحت. هات 132 وحط فى بالك ان اى عربيه قديمه هتحتاج تبقى ايديك فيها علطول ومصاريف علطول. لو عاوز تشيل نفسك من المتاهه ديه هات فسبا او سكوتر أحسن
لا اله إلا الله محمدُ رسول الله
رقم العضوية : 160979
تاريخ التسجيل : 02Jun2014
المشاركات : 1,212
النوع : ذكر
الاقامة : Maadi
السيارة: هويونداى i10 2013
السيارة[2]: نيسان صنى 2015
دراجة بخارية: Honda Shadow 400
الحالة :
ماروتى
رقم العضوية : 177224
تاريخ التسجيل : 04Jul2015
المشاركات : 28
النوع : ذكر
الاقامة : ميت غمر
السيارة: fiat 127
السيارة[2]: fiat 128
الحالة :
يا حبيبي ما انا بعت الموتوسيكل اللي كان بيوفر توفير غير عادي بسبب الهوا اللي ملا صدري والتعب اللي انا فيه
يعني اللي بوفره فلوس بدفعه من صحتي وانا معنديش حد يجري عليا لو جرالي حاجه ، العربيه ضروره انا مغصوب عليها
وعارف انها هتبهدلني مصاريف وف نفس الوقت مقدرش اجيب زيرو .. هي دي كل المشكلة فانا عاوز نصيحه اشتري ايه
لما ابيعه يتباع ولما استخدمه بحرص ميطلبش مصاريف كتير .. بس دي القضية .. انتوا ليه لحد دلوقتي مش فاهميني !
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
الافضل بين اختياراتك لادا نيفا
قطع غيار معمره وسعرها عادى
عاليه عن الارض عشان لو دخلت فى بحر ميه او ارض مكسره مع عفشه قويه
تخوف يعنى ميزنقش عليك عيل بتاع توكتوك او حتى ميكروباص حيتعملك حساب
اى ميكانيكى او صنايعى حافظها وحمار شغل تتحمل لفك
عيبها زى اى لاده خشنه ومش مريحه لاكن انا شايفها افضل اختيار من اللى انت قولته
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 177224
تاريخ التسجيل : 04Jul2015
المشاركات : 28
النوع : ذكر
الاقامة : ميت غمر
السيارة: fiat 127
السيارة[2]: fiat 128
الحالة :
هو بقطع النظر عن ان افكاركم عن الريف حاسس انها قديمه شوية لأن الريف اتغير واترصف وقريتنا طرقها مرصوفه والمستوى الإجتماعي للناس هنا اعلى بكتير من المدن (انا عشت 14 سنه في القاهره) وندمت اني متجوزتش وان في القاهرة لأن الجواز في المدينه سهل جدا بعكس الريف بدليل اني لما اتفصلت من الكلية وانا هنا (عنست) لأن نسبة التعليم العالي هنا مرتفعه جدا عن المدينة بعكس اللي انتوا فاكرينه
المهم ..
النيفا، من العربيات اللي بميل ليها شخصيا، لوحدي ومعنديش عيله، وعربية تستحملني وتحميني من قلق التكاتك والميكروباص ودول هنا اغشم خلص الله على الطريق، ده غير المطبات وقرفها، لكن كل ده ميمنعش
ان لها كذا عيب يستاهل افكر فيه
أولا / دفع رباعي على ماتور 1600 سي س بالنسبة لواحد غلبان زي حالاتي خراب بيوت
عربية مش جرايه واخرها 100 على الطريق اكتر من كده متجيبش ولو سافرت بيها اي حته هضيع اليوم كله
عربية لما ركبتها كأني ركب جرار زراعي بالظبط وصوتها عالي جدا يعني لو فكرت اروشن واشغل الكاست مش هسمع من حاجه
وبرغم كل ده ، بردو مع الإستهبال في الأسعار ولأن منها موديلات حديثه كله بيستهبل في تسعيرها والاقي منها اللي متساويش 15 الف معروضه ب 25 و 30
لكنها افضل في نظري من صندوق الورق 128 ولو الاقيها بسعر معقول تحت ال20 الف وحاله كويسه هشتريها
رقم العضوية : 177224
تاريخ التسجيل : 04Jul2015
المشاركات : 28
النوع : ذكر
الاقامة : ميت غمر
السيارة: fiat 127
السيارة[2]: fiat 128
الحالة :
حتى الماروتي 95 اللي كانت ب 14 فكرت فيها عشان التوفير ليقتها معروضه ب 25 الف !!
رقم العضوية : 66795
تاريخ التسجيل : 01Apr2010
المشاركات : 2,720
النوع : ذكر
الاقامة : EGYPT-ALEX
السيارة: LAST Tempra&CITROEN ZX
السيارة[2]: Skoda favorit
دراجة بخارية: لا
الحالة :
مقصدش اى حاجه بالنسبه للريف احسن ناس طبعا
الغى عيب الدفع الرباعى لانها جر خلفى متقلقش
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر
رقم العضوية : 131031
تاريخ التسجيل : 07Nov2012
المشاركات : 2,303
النوع : انثى
الاقامة : https://t.me/pump_upp
السيارة: 82418712244
السيارة[2]: BMW E90
دراجة بخارية: CharlesBoazy
الحالة :
هتلاقي 132 كتير ب 17 و 18 و 20 و ممكن 127 توب و ممكن لادا تمانينات بردو.
رقم العضوية : 177224
تاريخ التسجيل : 04Jul2015
المشاركات : 28
النوع : ذكر
الاقامة : ميت غمر
السيارة: fiat 127
السيارة[2]: fiat 128
الحالة :
المفضلات