نصيحتكم في عربية جديدة او مستعملة

**Rokia** · 03-01-2017 02:45 PM

السلام عليكم ورحمة الله وبركاته
اولا انا مش عندي اي خبرة نهائيا في السيارات
محتاجة اشتري عربية اتوماتيك و صغيرة الحجم و اقتصادية لمشواير خفيفة
وبعد الحالة الاقتصادية اللي وصلت ليها مصر و ارتفاع اسعار السيارات
محتارة ما بين شراء سيارة جديدة او مستعملة
سالت هيونداي قالو لي اقل سعر عربية اتوماتيك ب 188.500 جنيه
وهيونداي جراند ب 223000 جنيه
وسمعت و غير متاكدة ان اقل شئ مستعمل ب 80 الف جنيه
طبعا كتير هيقولي اشتري الجديد اضمن خصوصا ان العربية بيتصرف عليها صيانة وقطع غيار الي اخره
ولكن زي ما انتو عارفين ان العربيات في مصر بتتهبدل كتير بسبب سوء القيادة واحتكاكات الطريق الي اخره
انا بحاول انظر للأمور مستقبليا مين اللي هيكون افضل في ظل الظروف اللي احنا فيها دي
محتاجة نصايحكم

**msadeka** · 03-01-2017 03:57 PM

ممكن تبتدى بعربية مستعملة واوتوماتيك برضو هتبقى سواقتها افضل واسهل دورى فى الاعلانات اللى يناسب ميزانيتك وقبل ما تقررى تشتريها اكتبى لينا هنا هتلاقى النصيحة

**Rokia** · 03-01-2017 04:32 PM

المشاركة الأصلية كتبت بواسطة msadeka

ممكن تبتدى بعربية مستعملة واوتوماتيك برضو هتبقى سواقتها افضل واسهل دورى فى الاعلانات اللى يناسب ميزانيتك وقبل ما تقررى تشتريها اكتبى لينا هنا هتلاقى النصيحة

شكر لحضرتك
الحقيقة الناس خوفتني من المستعمل و قالو لي لازم اللي يشتري مستعمل يكون فاهم وخبير عشان ما يضحكش عليا
انا عاملة ليها ميزانية في حدود 5000 دولار
واعتقد السعر دا يشتري عربية مستعملة مفيش جديد بالسعر دا