عربيه كورولا 92 حاله متوسطه تعمل كام؟

يا جماعه عربيتي كورولا 92 فابريكه دواخل وخوارج بس حالتها متوسطه يعني العربيه عايزه مصاريف.. الصور جايبه الشغل الي العربيه عايزاه من برا.. الموتور حالته كويسه بس مش احسن حاجه محتاج يتفك ويتظبط بس مش محتاج عمره ولا نص وسحبه كويس قوي.. عفشه وجير وفرامل كويسين جدا.. العربيه مش باور بس ناعمه باعتراف كل الي جربها.. عامله 169000 كم ورخصه لحد فبراير 2010.. لو حد يعرف العربيه دي تعمل كام دلوقتي يبقى جزاه الله خير على النصيحه.. عموما انا مسافر برا مصر بعد العيد ومش فاضي اصلح ومستعجل قوي على البيع

http://www.postimage.org/Pq2BypYJ.jpg


http://www.postimage.org/Pq2ByuY0.jpg

http://www.postimage.org/Pq2Byxs9.jpg

http://www.postimage.org/Pq2ByRpi.jpg

http://www.postimage.org/gx1aE929.jpg

http://www.postimage.org/aV2lbbPr.jpg

ياريت ياباشا لو تكتب لينا امكانبتها وحالات البيع اللى مكتوبه فى االشروط من حيث الرش وحاله الكاوتش والكماليات وكده والنظام زى ما هو مكتوب علشان نقدر نتمنها

الكماليات كاسيت وتكييف بس.. العربيه فابريكه مش مرشوشه والكاوتش الاتنين الامامي لسه مغيرهم قريب مكملوش 5000 كم وغيرت معاهم الاربع مساعدين.. مغيرتش الخلفي مع الامامي عشان كانت حالتهم كويسه.. مش فاهم يعني ايه حالات البيع المكتوبه في الشروط.. بس عموما لو عندك اسئله تانيه قولي وشكرا لاهتمامك

ايه يا جماعه الردود الكتير دي انا مش ملاحق اقرا :k45:
هيا العربيه طلعت لا تقدر بثمن ولا ايه !!!!

شوف يا باشا..
هي العربية سعرها ف السوق.. حاليا.ز اخرها 50 الف.ز لو مفيهاش غلطة..
هنقول عربيتك محتاجة شوية مصاريف
و انت ربنا يكرمك قولت حالتها بمنتهي الامانة.. و الصور مبين فيها الشغل اللي فيها..
يبقي هتعمل في حدود 44-45 الف.. تقريبا..
و ربنا يوفقك ان شاء الله ف البيع.. و يكرمك بسعر كويس ان شاء الله..

طيب يا جماعه اعتبروا ده اعلان
انا مش هقول 45 ولا 44
كفايه عليا 43 بس يكونوا كاش وبأسرع ما يمكن عشان مسافر بعد العيد ان شاء الله