اسعار السيارات المستعمله فى 2017

**akmm** · 09-01-2017 10:02 AM

ياخوانا اخبار الأسعار للسيارات المستعمله في السنه الجديده ايه ؟ يعنى انا عاوز ابيع سيارتى الاسبيرانزا a620 موديل 2007 بحاله جيده جدا كيلومتر 82000 صيانه من الوكيل وانا شاريها من الزيرو وعندى كتالوجاتها وكتالوجات الاجهزه بتاعتها كلها والسياره فبريكه بمعنى الكلمه اللون ذهبلى ميتالك اللى اسمه شامبين ولايوجد بها والحمد لله اى عطل حتى ال DVD شغال بالريموتات بتاعته ..... السؤال سياره بالحاله دى ممكن تعمل كام في ظل الأسعار الخزعبليه اللى بنسمع بها ونراها الآن ؟

**مارس** · 09-01-2017 01:58 PM

الرجاء تثبيت الموضوع بعد الافادة باسعار السيارات المستعمله

**tasaka** · 09-01-2017 03:56 PM

اوائل 2015 كانت الاسعار طبيعيه .. و الدولار كان 8 جنيه تقريبا

المفروض تشوف تمنها كام بالدولار وقتها .. و تطلب اقل منه شويه علشان فرق استعمال السنتين

يعنى عربيتك لو كان سعرها مثلا وقتها 55 الف .. يبقى تطلب دلوقت 120 الف ( ده هو المفروض .. انما السوق ايه ؟؟ الله اعلم ) ..

و برضه بص على سعر نيسان صنى سوبر صالون 2008 و قارن بيه .. لان العربيتين كانوا نفس السعر زيرو تقريبا .. و ضع فى اعتبارك ان ال 620 سعره حينزل عن النيسان مستعمل طبعا علشان ال cc

من شهرين او ثلاثه شوفت اسعار على النت ل 620 .. فيه ناس لسه بتطلب اسعار زمان 55 و 60 .. و معندهمش فكره عن موضوع الدولار .. موش عارف ده حقيقى و لا ده من تجار بيستعبطوا علشان يشتروا رخيص

**محمد محمد مدين** · 09-01-2017 06:03 PM

الآن مفيش بيع ولاشراء بسبب أن كل مالك سيارة بيكتب سعر مغالا فيه جدا جدا ومفيش آى شخص بيفكر غير انه يستغل الظروف وده السبب الرئيسى فى أن السوق متوقف تماما سوء السيارات الجديدة بسبب الوكلاء والسيارات المستعملة لان كل شئ بنرجع سببه للدولار ولو حتى الدولار ببلاش مستحيل آى شى ينزل سعره علشان بعض الدول المتقدمة فيها فريق عمل لادارة الازمات ومنع حدوثها مرة آخرى بعكس بلدنا فيها بعض ضعاف النفوس لاستغلال الازمات والاعلانات فعلا فيها بعض التدليس .

**ahmed.zahra** · 11-01-2017 10:53 AM

[QUOTE=akmm;3876116310]ياخوانا اخبار الأسعار للسيارات المستعمله في السنه الجديده ايه ؟ يعنى انا عاوز ابيع سيارتى الاسبيرانزا a620 موديل 2007 بحاله جيده جدا كيلومتر 82000 صيانه من الوكيل وانا شاريها من الزيرو وعندى كتالوجاتها وكتالوجات الاجهزه بتاعتها كلها والسياره فبريكه بمعنى الكلمه اللون ذهبلى ميتالك اللى اسمه شامبين ولايوجد بها والحمد لله اى عطل حتى ال DVD شغال بالريموتات بتاعته ..... السؤال سياره بالحاله دى ممكن تعمل كام في ظل الأسعار الخزعبليه اللى بنسمع بها ونراها الآن ؟[/QU
اعتقد ان سعرها دلوقتي في حدود 85000لأنها سعرها كان حوالي 55 وطبيعي انها تزيد مثل كل السيارات ولكن ليس بنفس نسبة الزيادة لسببين أولا انها صيني وثانيا لأنها 2000 سي سي والبنزين غلي ومتوقع انه يغلى ثاني. بص على الاسعار على النت وشوف وخد فكرة وربنا يوفقك

**akmm** · 11-01-2017 11:13 AM

مع الشكر للجميع وبالفعل اخدت فكره من الإعلانات المتواجده خاصه اللى مرفق بها صور للسياره المراد بيعها من المعلن .... وبالرغم من الحاله الغير جيده لاغلب المعروض وده واضح من الصور كانوا بيطلبوا فيها من 90000 جنيه الى 100000 جنيه