tasaka
متشكر جدا جدا جدا لمشاركة حضرتك الثرية ^_^
اقتباس:
المشاركة الأصلية كتبت بواسطة tasaka
تغير اللون طبيعى مع مرور الوقت .. عند الصول الى اللون الغامق جدا .. ده دلاله على وجوب النغيير
تغير اللون بيكون بسبب الاتى :
1- تكون الملوثات فى الزيت طبيعى بمرور الوقت .. ده طبيعى
2- بمرور الوقت يمتص الزيت الرطوبه من الجو ( حتى فى حاله دوره فرامل سليمه و محكمه تماما 100% ) و ده طبيعى جدا جدا .. زيوت ال Dot مصممه بحيث نحتفظ بالرطوبه ممتزجه بالزيت ( ليست منفصله ) .. بمعنى ابسط ذائبه فى الزيت
الماء ( الرطوبه ) درجه غليانه اقل كثيرا من درجه غليان سائل الفرامل .. فعند ارتفاع درجات الحراره للماء نتيجه الاستعمال يتحول الماء ( الرطوبه ) الى بخار و يحدث للماء ظاهره ال Flash Boiling .. هذا يؤثر على سائل الفرامل و يغير لونه
3- خراطيم الفرامل يبدأ المطاط فى التداعى ( التأكل ) مع مرور الوقت طبيعيا ( بعد وقت طويل جدا جدا جدا ) مما يسبب تغير اللون ايضا نتيجه اختلاط المطاط بالزيت .. ده طبيعى مع مرور الوقت
4- عند وجود الرطوبه ( الماء ) مختلطه بسائل الفرامل و حدوث التحول الى بخار .. ده بينتج عنه جيوب هوائيه و دى بتتفاعل مع ماده مواسير الفرامل و يحدث corrosion و يسبب تكون الملوثات داخل الدوره و بالتالى تغير لون سائل الفرامل
5- الارتفاع الطبيعى للحراره اثناء استخدام الفرامل يؤدى الى ارتفاع درجه حراره سائل الفرامل و احداث تغيرات كيميائيه لسائل الفرامل تؤدى الى تغير لونه
طيب هل ممكن الأسباب دي تؤدي إلى تقل خفيف في دوسة الفرامل ؟
فعلا زي ما حضرتك قلت
درجة غليان الزيت الدلفي اللي معايا 252 درجه مؤوية, وعند الرطوبة (typical wet boiling point) تساوي 156 درجة مؤوية
ومكتوب ان مواصفات الزيت
DELPHI Lockheed super 205 motor brake fluid exceeds FMVSS 116 DOT 3 & 4
specification and current specification SAE J1703 & J1704 ISO 4925 (3&4)
typical dry boiling 252 C
typical wet boiling 156 C
صراحة اول سطرين دول زي الطلاسم :D
اقتباس:
اعتقد المانيوال عندك كان بيتكلم على الزيوت بصفه عامه .. و ليس زيت الفرامل ؟؟؟؟ .. تمام ؟؟؟؟
لان زيت الفرامل بيتغير كل سنتين بالكتير .. و لو فى مكان رطب جدا جدا .. يتغير على فترات اقل من كده كمان
زيت الفرامل بيتأثر بشده بالماء .. و يجب تغييره عند وجود نسبه حوالى 3.5 % رطوبه داخل الدوره .. الرطوبه معدل امتاصها طبيعيا حوالى 2% فى السنه ( حتى فى حاله دوره فرامل سليمه و محكمه تماما 100% ) و ده طبيعى جدا جدا
الامتصاص ده بيتم من خلال مسام الخراطيم المطاط او عند فتح غطا علبه الفرامل
يجب ملاحظه ان خراطيم الفرامل و مواسير دوره الفرامل مصممه لكى تقاوم هذه التأثيرات لفترات طويله جدا
تغير اللون الى الاسود او الغامق جدا .. دلاله على ان المستخدم قام بتعدى الفتره المناسبه للزيت بفتره كبيره
ملف مرفق 15452
يمكن قاصدين زيوت elf المعتمده عندهم
اقتباس:
اعتقد انه يجب عليك القبام بتغيير الزيت الان لانه فقد خواصه و للاسباب التى ساوضحها لاحقا
طيب مافيش داعي للقلق :D ؟
ممكن حضرتك ترشحلي زيت كويس ؟
اقتباس:
تقصد عند درجه حراره - 40 مئويه موش + 40 مئويه
كلام حضرتك مزبوط سالب 40
اقتباس:
لو هى دى المواصفه هندك .. يبقى ده هو الزيت المناسب Super DOT 4 او DOT 4 Plus .. و الرقم المذكور 750 بيعبر عن حد اللزوجه Viscosity Limit عند -40 درجه مئويه
صراحه اول مره اعرف ان فيه فرق بين الdot4 و الdot4 plus
اقتباس:
الفكره ان دى زيوت منخفضه اللزوجه .. و بتكون من متطلبات الصانع للسياره لو السياره فىها جهاز التحكم الاليكترونى فى الثبات ( الاتزان ) ESP لسرعه استجابتها للمؤثرات .. و ايضا للاستخدام الامثل لل ABS .. و كمان درجه غليانها اعلى من زيوت ال DOT 4 .. و قد تحتوى على كميه اضافات اكبر او افضل ( لكن غير متأكد من النقطه دى )
انت كده لازم تستعمل زيوت Super DOT 4 او DOT 4 Plus bk لان الكتالوج محددها بوضوح ( يعنى لا تستعمل زيوت DOT 4 عاديه )
تماااااااااااااام متشكر جداً للمعلومة الممتازة دي
اقتباس:
معنديش فكره .. بس ده اعتقد رقم يبين مده التخزين قبل فتح العلبه .. موش المده المسموحه قبل اكتمال استعمال الزيت بعد وضعه فى السياره و مرور سنتين
طبعا الافضل لو لقيت حاجه مدتها ابعد شويه
وقفوا الاستيراد والتواريخ كلها قديمة :(