لو حد بص على ملحق السيارات بتاع الاهرام يوم الجمعة 5/12/2008 هيلاقى حاجة غريبة ، مفيش و لا شركة من الشركات منزلة اعلانات باستثناء المصرية للسيارات
دى اول مرة تحصل ، يا ترى حد عندة تفسير
عرض للطباعة
لو حد بص على ملحق السيارات بتاع الاهرام يوم الجمعة 5/12/2008 هيلاقى حاجة غريبة ، مفيش و لا شركة من الشركات منزلة اعلانات باستثناء المصرية للسيارات
دى اول مرة تحصل ، يا ترى حد عندة تفسير
الجرنال اللى انت اشتريتة ناقص شوية ورق :shine[1]:
غريبة قوى !!!
انا لسة مشوفتوش
تصدق حاجة غريبة جدا
يكونوا بيوفروا فلوس الاعلانات ؟؟ و شدوا الحزام ؟
وو لا دى طبعة أولى لسه الاعلانات منزلتش ؟؟
معناه ان الاسعار هتزيد
مع انى مش انصار الراى ده
او ان البيع الاسبوع الجاى صفر فمفيش داعى نعمل اعلان لان محدش جاى
على فكره ده علشان العيد بس والجرانال كله ناقص حتى الاهرام
انا لما مسكت الجرنال قلت هو ماله خس ليه كده قالى كل سنه وانت طيب بدوا اجازه العيد معرفش كلامه صح ولا فعلا الموضوع ليه علاقه بحاله كساد
غالبا الاعلانات بتقل حتى الوظائف الخالية والعقارات
اه معلش نسيت كمان الظاهره دى انتقلت للوسيط قل اوى اوى حتى كمان اعلانات العربيات المستعمله قليله اوى
انا زى ما قولت فى الرد اللى فات تقريبا كله ده علشان العيد
المسألة بكل بساطة أن العيد الاسبوع القادم والبنوك خلاص مش هاتفتح الا بعد العيد وطبعاً الاعلانات فى الجرائد مكلفة جداً فأصحاب المعارض قالوا نأجل الأعلانات للجمعة القادمة لأن كدا كدا ماحدش هاييجى يشترى والبنوك قافلة(وجهة نظر شخصية).كل سنة والجميع بخير
بص على الوسيط برضه حتلاقيه بقى رفيع وعامل رجيم جامد
ده علشان اجازة العيد ... فطبعا متوقع ان المبيعات في اسبوع العيد = صفر
فمحدش هيحط اعلان ويدفع فلوس على الفاضي وهو عارف انه مش هايبيع
اللى أنا هقولهولك ده بجد ومش كلام فى الهوى ... القصة أن جميع معارض السيارات بتشتغل على البنوك ... المشكلة فى البنوك؟ يعنى لسببين أولا الأزمة الأقتصادية الموجودة سببت أزمة فى سيولة البنوك + مع الأزمة دية.. دية نهاية السنة البنوك بتجمع فلوسها اللى برة + لجان الحصر والجرد فأى حد بيقدم على عربية قسط ويكون القرض اللى طالبة كبير فبياخد رفض فعشان كدة محدش يقدر ينزل أعلان فى الجرايد وهو عارف أنة مش هيقدر ينفذة للعميل .. وان شاء الله الموضوع دة هينتهى مع بداية السنة + نزول نوعا ما فى أسعار السيارات لكذا عامل لايتسع المجال لشرحها
ah ana shofto 3la fekra w estaghrabt fe3lan kaman el mol7a2 soghayar 3n kol mara
اه فعلا انا لسه شايفه حالا و فعلا حاجه غريبة بس ممكن فعلا عشان العيد .. مش عارف ..
يا جماعة السبب العيد بس مش اكتر , مش علشان الازمة المالية و لا اى حاجة
اولا الموضوع دا بيتكرر كل سنة قبل العيد الصغير و الكبير و كمان بعدهم (حسب العيد يوم ايه) , كل الجرايد تلاقيها مفيهاش اعلانات و لا حتى من الناس لان فى الاعياد ناس كتير بتسافر و البنوك قافله يعنى محدش هيسحب فلوس فبالتالى محدش هيشترى , كدا كدا محدش هيشترى فى العيد عربيات اساسا فبيفروا تمن الاعلانات مش اكتر اصبر يمكن الجمعة الجاية ان شاء الله تلاقى الجرايد مليانة او الجمعة اللى بعده بالكتير
علشان العيد كل عام و انتم بخير
لغز محير فعلا
ياريت لو حد قرا مقالة هشام الزينى اللى فى اول صفحه تمهلو قليلا قبل النفخ فى النار يحاول يفسرها عشان انا بصراحة مش عارف هو عاوز يوصل لايه بكلامة :dzey:
ايه هى النار ومين اللى بينفخ فيها وايه هى الاشاعات اللى حتدمر صناعه حجمها 15 مليار
واخر جمله " فنترفق بهذا القطاع بعيدا عن الاجتهادات حتى لا يصاب القطاع بالشلل ويحجم المستهلكين عنه وتتوقف المصانع وساعتها سيقول من تسبب فى ذلك هو فى ايه الوق حرى له ايه"
هو لما يبقى فى العالم كله فى انخفاض رهييب فى اسعار السيارات نتيجة الازمة الاقتصادية وفى مصر الاسعار يوم ما بتتخفض بيخفضوا الفين جنيه ده لو خفضوا اساسا دى تبقى اشاعات واجتهادات
وليه بدل ما يوجه كلامه للمستهلكين والصحفيين يوجه كلامه للمصنعيين والوكلاء والموزعين زى غبور مثلا يطالبهم بتخفيض هامش الربح الرهيييب فى سيارتهم والتركيز على جودة الانتاج عشان صناعتهم متتأثرش بالازمه وفى نفس الوقت المستهلك المصرى يبقى مستفيد !!!!!
[QUOTE=alaaeldinfarid;536601]المسألة بكل بساطة أن العيد الاسبوع القادم والبنوك خلاص مش هاتفتح الا بعد العيد وطبعاً الاعلانات فى الجرائد مكلفة جداً فأصحاب المعارض قالوا نأجل الأعلانات للجمعة القادمة لأن كدا كدا ماحدش هاييجى يشترى والبنوك قافلة(وجهة نظر شخصية).كل سنة والجميع بخير[/QUOTE
اويد وجهة النظر ده:B4_388:
علشان العيد كل عام و اعضاء Nile Motors بخير
بالنسبة لموضوع هشام الزينى هو زى غيرة بدا المشوار بانحياز كامل للمستهلك وبعد كدة واحدة واحدة بدا يبقى نسخة من خالد اباظة فى انحيازة لمصالح الوكلاء و المستوردين بحجة الصناعة الوطنية والحماية بغض النظر ان الصناع الوطنيين محتكرين و بيفقوا يد واحدة ضد اى تغيير فى الطبيعة والظروف السائدة والقوانين المنظمة لسوق السيارات فى مصر ولنا فى Das Auto مثال عن اعاقة دخول لاعبين جدد فى السوق (وعلى فكرة دة ضد حرية التجارة ولو احنا فى بلد محترم يبقى جريمة يعاقب عليها القانون)
ودة طبعا لان الوكلاء عندهم مغريات و اعلانات اكبر بكتير من حب القارى واحترامة
يا جماعة نفس الطريقة في أخبار اليوم ملحق السيارات 8 صفحات بس
وطبعا خالد أباظة كاتب مقال عن انخفاض مبيعات السيارات في السوق المحلي و مستغرب !!!!!!!!!11 جدا ان الناس معاها فلوس و خايفة تشتري عشان فاكرة ان الأسعار هتنزل و الجمارك هتتخفض
الراجل شوية و هيشد في شعره من الضيق و كأنه صاحب معرض او مصنع سيارات !!!!
دى طبيعى
لانه اسبوع عيد
ومفيش حد عنده دماغ يفكر فى عربية ولا غيره
والشغل يكون بعد العيد وعلينا خير إن شاء الله تعالى
فعلا حاجه غريبه بس كيد فى حاجه
ربنا يستر