اسبرانزا ام 11 ومساعدة ضرورى ومراكز الخدمه

**sherif309** · 09-01-2017 10:26 PM

السلام عليكم. معايا ام 11 موديل 2010 عامله 120 الف كيلو صيناتى منتظمه وشاريها مستعمله من سنه وكانت تمام اللوز ومرة ومن شهرين تقريبا العربيه مبدورش وهيا باردة وسحبا نيله اجى ادور تدور وتبطل كام مرة ولما تلقط ترعش جامد ولما ادوس بنزين الدواسه بحس انها على الفاضى وزى متكون بتضرب مدافع كدة وترعش وبعد شويه بتظب. بس السحب زى الزفت يعنى وانا ماشى بدوس على الدواسه خطفه كدة تروح كانه وتترجرج كدة وبعدين تسحب زى ما تكون مخنوقه وطبعا لو سبتها لحد الصبح انزل ادور تعمل نفسةالحركه تدور ثانيه وتفصل 4 او 5 مرات لحدوما تلقط. مع العلم بانى كشفت على البطاريه والراجل قالى 100.100 ومغير سيورى وبوجيهاتى وفلاترى من شهر وغيرتهم تانى وبردو. مش عارف اعمل ايه.
يا ريت ارقام مراكز الصيانه القريبه منى. انا فى العاشر من رمضان ومش عارف ارقام حد وكان الى قبلى بيصين فى توكيل الاهرام على طريق اسماعيليه ومش عارف اوصل لارقامهم الجديدة وتقريبا فى واحد فى جسر السويس ومعرفش حاجه عنه بردو.. يا ريت الافادة

**miam0502788391** · 10-01-2017 07:16 PM

روح لمحمد حسن فى 6 اكتوبر
مركز المختار
راجل محترم وفاهم ميكانيكا الاسبرانزا كويس اوى والناس بتجيله من المحافظات

**الهاشمى** · 10-01-2017 10:12 PM

حصل معايانفس المشاكل بالظبط من شهر غيرت قلب طرمبه البنزين ب 120جنيه ورجعت تمام واحسن من الاول بمراحل

**sherif309** · 11-01-2017 08:48 AM

طب بكام القلب دة ومين يركبه . ولا ادخلها على جهاز احسن؟ طب مين اقرب مراكز صيانه ليه فى العاشر من رمضان

**الهاشمى** · 11-01-2017 10:46 PM

القلب اشتريته ب120 جنيه ركبته عند ميكانيكى كانت بتدور لمابتكون بارده بطلوع الروح كان سحبها ضعيف بتجمع بعدفتره وعلى فكره الكمبيوتر مبيكشفش ضعف الطرمبه ليهاجهازظغط بيركب نهايه مسطره الرشاشات ومش اى مكان هتلاقيه فيها ومتغيرش الطرمبه كامله قلب بس غيره وباذن الله هترجع احسن من الاول