عايزة نصيحة من أصحاب الخبرة

**سائقة جديدة** · 10-01-2017 10:24 PM

السلام عليكم
من فضلكم أنا جديدة في موضوع السواقة.. عندي مشكلة لما اقف في اشارة و آجي اطلع ببقي بطيئة جداا.. و العربية بتبطل مني.. ازاي اطلع بسرعة من غير ما تبطل.. يعني اظبط رجلي ازاي ع الدبرياج و البنزين؟ و هل انا محتاجة ازود البنزين لما اقف في اشارة بعد ما مشيت بالعربية فترة اكتر من مقدار البنزين عند اول طلعة بالعربية؟
و شكرا مقدما

**svneleven** · 11-01-2017 05:48 AM

حضرتك الموضوع ممارسة. لازم تتعودي علي عربيتك مثلا مكان فاضي و تقفي و تطلعي كتير لحد ما رجلك تاخد علي مشوار البنزين و الدبرياج. ممكن تكون دواسة الدبرياج عاليه و عاوزة تتظبط و يستحسن حد بيسوق كويس يجرب العربية و هو يحكم عليها. ممكن كمان حضرتك تدوسي بنزين شوية و تثبتي رجلك عليه و ما تدوسيش تاني و تركزي في دواسة الدبرياج انك ترفعيها بسرعة شوية. و الموضع محتاج تمرين زي ما قولت ل حضرتك.