الموضوع: اشتري السيارة المحترمة بروتون فولفو بيجو سيتروين فورد فيات

بسم الله الرحمن الرحيم

الحمد لله


تركب عربية ايه
بصفتي مستهلك مصري ف انا محدد الموارد لكن كنت اختلف باقي المستهلكين في بحثي الدائم عن منتج ممتاز بسعر منخفض مثلا ابحث عن الفولفو الفورد البروتون البيجو الفيات كلها سيارات ممتازة وبسعر منخفض وجودة عالية جدا توصلت الي كثير من الحقائق وهي بالترتيب سعر قطع غيار الفولفو ارخص من الالنترا وقطع غيار البيجو ارخص من لانسر الحقيقة لاتندهش . ان سعر كابوت بروتون ساجا مثلا بنص سعر كابوت شيفرولية سبارك . تيل امامي بيجو 406 بربع سعر لانسر شارك .مساعدين بيجو 407 امامي باقل من نصف سعر مساعدين لانسر شارك
بقول الكلام ده عشان عندي الحمد لله لانسر شارك .
المستهلك بيقارن سعر مساعد امامي بيجو 407 اصلي مع مساعد شارك kyp من شارع دمشق او التوفيقية لكن لما تقارن بين مساعد بيجو 407 اصلي يبقى تقارن بمساعد شارك اصلي وليس بديل وقيس على هذا
وانا قلت السيارات التي ابحث عنها
كنت راكب عربية ممتازة اسمها بروتون ساجا عربية تحفة عربية باختصار عاملة زي جيت سكي وتتسارع احسن من الفيرنا وخلاص محتاج بديل بعد بحث عن منتج شكله حلو واداء احلى اشتريت 406 سفينة بمعنى الكلمة معروف طبعا بيجو وسيتروين ملوك الثبات والراحة من زماااااان والحمد لله ربنا اكرمني ب407 بنزين ثم بعت ثم اكرمني ب407 جاز وقمت بالتحويل من جاز لبنزين وده موضوع تاني ان شاء الله لكن انت تشتري ايه ؟ وجهة نظري انا بروتون بيجو فورد فولفو فيات سيتروين وربنا يكرمك بمرسيديس سيارات محترمة امان ثبات قطع غيار ارخص من الكوري لكن ليس لها بدائل كثيرة .
لا اقصد اهانة المنتج الكوري او الصيني بقدر ما ارغب في جعل المستورد يطلب مواصفات محترمة من الامان وانظمة الثبات بالسيارات ميضحكش علينا بعربية ويقولك طاسات اسبور