ازاي اعدل البلاك ليست في البنك
السلام عليكم
عندي مشكلة دلوقتي، كان عندي بطاقة ب 3000 من بنك مصر واتعثرت في السداد لمدة سنة وسدت الاول 3500 من حوالي سنة او اكتر عشان اقدر اعمل قرض وخدت مخالصة من بنك مصر، وبعدين قدمت علي قرض واترفضت وقالولي ان القرض اترفض بسبب اني كده عميل تسويه مش سداد ومفروض ادفع 1200 الفايدة وكده هكون عميل سداد واخد مخالصة جديدة واقدر اعمل وبالفعل دفعت ورجعت قدمت علي قرض مرة تانية، بس اترفض تاني وقالوليلي انه اترفض عشان ان كده في القوائم السلبية والمخلصة ديه معملتش حاجة، طيب ان فعلا دلوقتي محتاجة القرض ده ضروري جدا جدا لاني محتاجة اجهز نفسي عشان قدامي سنة علي الجواز، والضمان الوحيد للقرض هو المعاش اللي والدتي بتاخده وهو معاش جدي الله يرحمه وطبعا في الغلاء ده والظروف ديه التأخير ده بيخسرني كتير جدا
هل في اي حاجة ممكن اعملها عشان نطلع من القوائم السلبية؟؟ او في اي بنك مش معتمد علي الاي اسكور وموضوع القوائم السلبية ده؟؟
او في اي مكان ممكن ناخد منه قرض عن طريق شركة مضمونة او اي حاجة؟؟
ياريت اللي يعرف اي حل يساعدني بالله عليكم ضروري، جزاكم الله كل خير
