محتاجة مساعدة ضرورى

**D.Amira** · 12-01-2017 10:09 PM

السلام عليكم

محتاجة مساعدة اهل الخبرة انا ادامى عربية فيات ريتمو موديل 84 مش راشة داخل بس فبها 3 توكيلات وانا هكون الرابع

فهل اشتريها ولا ابعد عنها خصوصا انها اول عربية ليا وانا لسه متعلمة جديد السواقه

وكتير نصحونى اجيب 127 او 128 بس انا قرءت هنا بالمنتدى ان ليهم مشاكل كتير

فقلت ادور على عربيات اخرى في نفس رنج المبلغ اللى معايا مش اكتر من 15 الف

فلاقيت الريتمو سعرها مستعمل في حدود المبلغ اللى معايا

فارجو نصحتى والعربية فيها رخصة لحد شهر 9 في السنة الحالة والفحص نفس المعاد

اعمل ايه ارجو نصحتى واعتذر لو كان الموضوع مش بالقسم المناسب

وياريت لو تنصحونى ممكن اجيب ايه في حدود 15 الف

ومتشكرة جدا

**rotanamasoud** · 12-01-2017 10:50 PM

3 توكيلات يعنى فى حاجه الناس بتهرب منها
والريتمو قطع غيارها اسمع انها قليله
وفعلا المبلغ ده فى ظل ارتفاع الاسعار يجيب 127 نضيفه رغم دوشتها وقرفها ركبتها 5 سنين لاكن ده الخيار المتاح بالمبلغ والله اعلم

**svneleven** · 13-01-2017 05:35 AM

مش لازم تكون الناس بتهرب. لو تواريخ التوكيلات متباعدة يبقي بيع و شرا عادي لكن لو تواريخ قريبة يبقي شغل تجار او فعلا فيها مشكلة. رايي لو نعرف نزود شوية و نجيب ماروتي يكون احسن.

**tasaka** · 13-01-2017 09:32 AM

هو كده موش حيطلع لك شهاده مخالفات ؟؟

الاول هو يثبت لك ان العربيه معليهاش مشاكل .. يعنى يطلع شهاده مخالفات و بيانات بنفسه موش تشوفى المخالفات من على النت

و بعدين اسالى فى المرور .. هل ممكن تشترى رابع توكيل و تسجلى بدون مشاكل ام غير مسموح بتوكيل رابع ؟

لانى اعتقد على ما اتذكر كنت قريت من فتره انهم حددوا عدد التوكيلات ( اعتقد توكيلين ؟؟ ) .. بس موش متأكد

بعد اكثمال المعلومات و وجود شهاده المخالفات .. ممكن تقررى تعملى ايه