-
مشاكل مع الإلنترا 2008
السلام عليكم
من شهر 11 أشتريت إلنترا 2008 إستعمال و بدأت ألاحظ حاجات بتحصل فيها كنت عايز أخد رأيكم فيها :
أولاً :- لما بفتح الكبوت بتاع العربية بشم ريحة عادم ساعات بتبقى شديدة وساعات بتبقى خفيفة ولما بشغل التكييف ساعات بشم الريحة دى جوا العربية لدرجة أن صدرى بيقفل منها لأنى عندى حساسية صدر ياترى أيه سبب المشكلة دى ؟
ثانياً :- المشكلة اللى محيرانى و شاغلة دماغى ألا وهى أن المية فى قربة مياه التبريد دايما بتنقص لدرجة أنى ساعات بلاقى القربة فاضية فأزودها لحد علامة full و العربية دايرة و طول مالقربة فيها مياه بلاقى فقاعات هوا بتظهر فيها العربية مش بتسخن خالص كبيرها تحت النص بشوية دى الحاجة الغريبة أن العربية لما بجرى بيها شوية بلاقى مؤشر الحرارة بينزل لحد الربع ودى أول مرة أشوفها فى أى عربية فهل ده طبيعى ؟
طب لومش طبيعى أيه سبب المشكلة دى كمان .
وشكراً لكم جميعاً
-
موضوع الدخان لازم ميكانيكي يشوف المشكلة ممكن الحرق مش تمام و ممكن بتاكل زيت الله اعلم. موضوع القربة الطبيعي انك تزود القربة و العربية بارده مش و هي سخنة و ما تعديش علامة ال full طبعا و لو لسه بتنقص يبقي تدور علي تسريب في دورة التبريد و شوف طرمبة المياه يمكن بتسرب.مؤشر الحرارة مش طبيعي انه ينزل المفروض ثابت علي طول واضح ان ثرموستات الكوعة متشال او موجود لكن معلق علي وضع الفتح.
-
أولاً شكراً على الرد
ثانياً العربية مش بتاكل زيت وبالنسبة للحرارة المية لو بتنقص اللى أعرفه أن العربية المفروض تسخن أنا عندى العربية الحمد لله مش بتسخن خالص أما الحرارة اللى بتنقص حشيك على ثرموستات الكوعة و أشوف
-
شكراً ياجماعة
قدر الله وماشاء فعل
العربية جابت جوان وش السلندر والريدياتير أتخرم
العربية كانت بتسخن بس المؤشر ماكانش بيعلى عن النص مش عارف إزاى ؟!!!!!
أمبارح العربية لقيتها بتبطل منى و متبرجلة أخر حاجة روحت للميكانيكى بيفتح الكبوت قالى العربية سخنة مولعة والريدياتير بارد بنفتح طبة الريداتير مافيش نقطة ماية
الميكانيكى قالى من كتر الضغط الريدياتير أتخرم من أضعف حتة
أنا لما كنت بزود ميه كنت بزود من القربة وكنت فاكر أنى طالما ظبطت القربة يبقى الريدياتير أتظبط
طبعا بصينا على الزيت لقيناه بدأ يعمل طحينة بسيطة على غطا تعبئة الزيت
الحمد لله قدر الله وماشاء فعل
بس كل اللى عايز أعرفه إزاى العربية بتسخن و المؤشر عندى ماكانش بيعلى ؟؟؟؟؟؟؟؟؟؟؟؟
وشكرا ً لكم
Content Relevant URLs by
vBSEO 3.6.0 PL2