انا شايفها عربيه هايله موتورها ميتسوبيشى مونتيرو وعفشه ال تيريوس يعنى يابانى وكمان جر خلفى والبودى بتاع التيريوس ممكن اعرف راى حد مجربها
عرض للطباعة
انا شايفها عربيه هايله موتورها ميتسوبيشى مونتيرو وعفشه ال تيريوس يعنى يابانى وكمان جر خلفى والبودى بتاع التيريوس ممكن اعرف راى حد مجربها
ما اعتقدش انك حتلاقيها مع حد من المنتدي .
لكن نصيحي بلاش. الدايهاتسو تيريوس كانت مشهوره باعطالها الغريبه فما بالك بقي الصيني بتاعها عامل ازاي؟؟؟
مع احترامي لرأيك يا أخ حازماقتباس:
المشاركة الأصلية كتبت بواسطة hazem_khidr
ولكن انا شايف ان التقييم كدا غير عادل إلا إذا كانت التريوس القديمة بتستعمل نفس الموتور اللي بتستعمله الاكسبلوجن دلوقتي.
ولا انت شايف ايه؟؟؟
ولا يهمك يا اخ وائل بس انا ببص للعربيه كمجمل مش ببص علي الموتور بس.اقتباس:
مع احترامي لرأيك يا أخ حازم
ولكن انا شايف ان التقييم كدا غير عادل إلا إذا كانت التريوس القديمة بتستعمل نفس الموتور اللي بتستعمله الاكسبلوجن دلوقتي.
ولا انت شايف ايه؟؟؟
طب بيقولو العربيه موتور ميتسوبيشي و جسم دايهاتسو و مش متقفله صيني!!!!
طبعا بخلاف عيوب العربيه القديمه اللي هيا التريوس اللي مصمماها شركه واحده و كان فيها عيوب و اعطال فما بالك بقي بعربيه معموله بدماغ كذا مصنع!!!!!!!!
يا تري التوليفه دي حتنجح ولا لاء؟؟؟ ما اعتقدش .
طب انا ليا رايي في الحكايه دي تاني.
الاستاذ اللي بيسال علي العربيه ياخد واحد معاه يكون فاهم و ينزل يتفرج علي العربيه و تققفيلها بس ما يشتريش و يحكم علي تقفيلها واكيد حتلاقي خامات مش مبوطه و تعبانه و حتضايقك بعدين.
غير كده توكيل جديد و ما تعرفش حاجه عنه ولا عن خدمته يعني شغال مع ناس مش محترفين .
موضوع شارء عربيه دا حاجه متعبه مش حبص ان فيها موتور ميتسوبيشي و خلاص لا العربيه مش موتور بس.
العربيه موتور و عفشه و تعليق و صاج و خامات و جوده الخامات دي و استحمال و قله اعطال و ثبات و حاجات كتير كده .
اقتباس:
المشاركة الأصلية كتبت بواسطة hazem_khidr
أنا شفت العربية في معرض المسلمي و كانت من ضمن إختياراتي عشان أنا ساكن في حتة مدغدغة، العربية بصراحة شكلها و تقفليها كويس جدا و حتي نازل منها صالون بألوان مميزة للتابلوه و الكراسي شكله شيك جدا و طبعا أي حاجة صيني شكلها و تقفيلها شيك جدا حتي الكاسيت أبو 25 جنية فطبعا مقدرتش أحكم ، الحكاية دي بتبان بعد الإستخدام و كمان خفت عشان و انا واقف مع البياع شفت واحد مشتريها وكان جاي ياخد الغطا بتاع الاستبن فقال كلام ماريحنيش بس موضحش أي حاجة كل اللي قاله دي عربية 100 100 و الصعايدة مبسوطين أوي بيها و هو بيبتسم عشان طبعا البياع واقف ، و الله اعلم
و أنا مش موافق علي رأيك يا إستاذ حازم إن عشان التيريوس القديمة كان فيها مشاكل أو بيقولوا فيها مشاكل يبقي أكيد النسخة الصيني أسوأ ، لأن ممكن يكونوا طوروا فيها مثلآ البياع بيقولي إنها نازلة بجنوط عريضة عشان الثبات ، ثانيا حتي الآن أنجح السيارات الصيني في مصر اللي هيا الشيري a11 و اللي هيا السيات توليدو موديل التسعينات لو تفتكرها و هيا بداية شركة شيري لما اشترت خط إنتاجها
عموما السارة بايعة كويس بالنسبة للحاجات الصيني التانية المغمورة اللي بتنزل زي الإيديا و البي واي دي و طبعا الجيلي اللي ماتت أساسا و المسلمي فعلآ شركة كبيرة من زمان و هو من أكبر موزعين منصور بس معرفش محترم ولا لأ و هيفضل ينزلها و لا هيا شروة كده و اللي اشتراها يلبسها
أنا كنت بافكر أسأل واحد جارنا جابها بس ماجتش فرصة ، يا ريت حد يكون جابها و يقولنا أخبارها أيه لأن ناس كتير مهتمة بيها خاصة الجنس اللطيف و لو هيا معقولة أعتقد قدامها فرصة كويسة في السوق عشان سعرها رخيص أوي
تكرار
هو ليه مفيش مشرفين في الموضوع دا تحط رأيها
هو الصيني مغضوب عليه ولا ايه هههههههه
نصيحة اخوية , انا مش ضد الصيني و لا مهاه ان مع التوكيل و الماركة التجارية مش حقول الممتازة لآن مفيش حاجة ممتازة
لو حضرتك حتخاطر و تجرب سيارة غير مختبرة او جديدة في سوقنا ( الماركة جديدة ) يبقى ارشح تجيب ماركة عليها اقبال !
ليه ؟ حتى لو حصل مشاكل , عندك بتوع الاسبرانزا .. شوف كام واحد و اخرهم المستشار الي بيقولوا عليه , فالفكرة انك جتعرف تاخد حقك او على الأقل مش حتبقى لوحدك , وده راي الشخصي .
شوف الموضوع دة
http://www.nilemotors.net/Forum/view...?p=70076#70076