استفسار بخصوص شراء فيكترا
السلام عليكم
انا بقالي فترة عايز اشتري عربيه وهاتكون اول عربية اشتريها ان شاءالله
قعدت فترة باحاول ارسي علي حاجة وكان كل طلباتي انها عربية اوتوماتيك ومالهاش مشاكل كتيرة واقدر اصرف عليها من غير ما ابيع كليتي
كنت هاجيب النترا 95 او 97 او تويوت كورولا 94
واحد زميلي قالي ماتشوف الفيكترا هو راكب واحدة ومبسوط منها قوي
بس هو مش محترف سواقة مجرد انه بيحط بنزين وبس وماشاء الله العربية ماعطلتش منه قبل كدا
دلوقتي لو انا عايز اشتري واحدة اجيب ايه
نصحني ادور علي فيكترا بي 1600 ايكوتك
يا تري كلامه صح ولا الاحسن 2000؟
واستهلاك البنزين احسن في مين فيهم
واي موتور احسن الايكو ولا الاسود؟
شكرا مقدما