فكره النقل بدون استخدام دواسه الدبرياج (فيديو) اختراعى

**salam100100** · 15-01-2017 08:04 AM

https://youtu.be/6SzmIWe4BCs

الفيديو دا انا مصوره لفكره كنت بفكر فيها من فتره لكن للاسف مالقتش وقت اكمل المشروع دا

فكره الموضوع انا بربط حركه دواسه الدبرياج بدواسه البنزين
اول مبترفع رجلك من على دواسه البنزين, دواسه الدبرياج بتنزل فالارض وبتسمحلك تنقل او تفرمل بدون مالمحرك يطفى
واول متبتدى تدوس بنزين, دواسه الدبرياج تعلى والمحرك ينقل حركته للعجل

الفكره دى ليها ميزه انك تقدر تنقل كل النقلات

من قريب شفت فيديو لعربيه بيجو وقبلها حمدى الميكانيكى كان عاملها فى عربيه اسبيرانزا (الطريقه اللى اتبعوها فى عربياتهم انا معرفهاش)

دى الفكره الاساسيه

لو حد عندة اى سؤال انا تحت امركم
سلام

**Colin Chapman** · 15-01-2017 08:35 AM

City Clutch Concept (CCC)الهدف نقل جميع النقلات (الغيارات) بدون الضغط على دواسه الدبرياج بشرط قبل النقل!!!!!!!!!!!، رفع القدم عن دواسه البنزين
فكره النقل بدون دبرياج مهندس سلام سعد عبد الله

https://www.youtube.com/watch?v=6SzmIWe4BCs

**ahmed_eng2001** · 15-01-2017 03:43 PM

كلام عالى ...

حمدى كيمو الله يرحمه كان بيستخدم طريقة تانية ... كان بيعتمد على طرمبة زيت بتضخ زيت لماستر بيدوس على الدبرياج ... دى الفكرة القديمة و امتنع عن تنفيذها لانها على حد رأيه كانت غير امنة

الفكرة الجديدة كانت باستخدام الطرد المركزى

ربنا يوفقك و تقدم حاجة الناس تستفيد منها

**rotanamasoud** · 15-01-2017 07:20 PM

ولما تكون مثلا على سرعه 100 وتسيب رجلك من على دواسه البنزين حيكون رد فعل العربيه ايه تقريبا حيكون نتشه وتبطيئه وغلط على المحرك لانك بتسيب حتى لو فجئه بحمل
ممكن تتعمل بفكره افضل زرار فى الفتيس بيشغل الدبرياج تضغط وتنقل وتسيب الزرار

**salam100100** · 16-01-2017 08:32 AM

المشاركة الأصلية كتبت بواسطة rotanamasoud

ولما تكون مثلا على سرعه 100 وتسيب رجلك من على دواسه البنزين حيكون رد فعل العربيه ايه تقريبا حيكون نتشه وتبطيئه وغلط على المحرك لانك بتسيب حتى لو فجئه بحمل
ممكن تتعمل بفكره افضل زرار فى الفتيس بيشغل الدبرياج تضغط وتنقل وتسيب الزرار

فكره حلوه فكره الزرار واتنفزت فى منظومه اسمها City Clutch
بالنسبه لرد فعل العربيه على سرعه 100, لو شيلت رجلك فجئه, الدبرياج هيداس ونقل الحركه هتقف- عادى كانك دوست دبرياخ عشان تنقل من الرابع للخامس- مش هتحس بنتشه-اكيد العربيه هتبطء (دا لو الشارع مستوى) لكن لو منزل ورفعت رجلك من على البنزين العربيه هتسرع اكتر

بالنسبه للزرار انا فعلا حاطط زرار (مكانه كنت عايزه فالطابلوه) ودا بيفصل النظام بتاعى عشان لو عايز ترجع للمانيوال العادى وتستخدمه لو العربيه غرزت مثلا ومحتاج كونترول اكتر
او لو النظام باظ اقدر ارجه استخدم العربيه زى الاول (انا كنت بفكر مشيلش دواسه الدبرياج- هسيبها)

وكنت بفكر فى ان النظام دا اقدر اشيله واركبه فى عربيه تانيه (زيه زى الكاسيت) - منها مش بلعب فالعربيه ومنها اقدر استفيد من النظام فى عربيه تانيه

كلها افكار حلو المهم الوقت والصبر وان جهه تقدر تموله
انا بعرض الفكره عشان لو حد كان بيفكر تفكير مشابه يقدر يقف على كتافى ويعمل حاجه احسن

**rotanamasoud** · 17-01-2017 07:35 PM

مش حعرف احكم غير عملى فى موضوع النتشه بصراحه ممكن يكون كلامك صح لو شلت رجلك بسرعه حيفصل الدبرياش وترجعها بسرعه عشان تحافظ على سرعتك

**Colin Chapman** · 19-01-2017 09:14 AM

salam100100

**salam100100** · 22-01-2017 10:13 AM

المشاركة الأصلية كتبت بواسطة rotanamasoud

مش حعرف احكم غير عملى فى موضوع النتشه بصراحه ممكن يكون كلامك صح لو شلت رجلك بسرعه حيفصل الدبرياش وترجعها بسرعه عشان تحافظ على سرعتك

فعلا
التجربه على ارض الواقع هى الدليل الوحيد على نجاح الفكره او فشلها

**salam100100** · 12-07-2017 10:47 AM

لقيت فيديو على يوتيب لعربيه نوبيرا مانيوال وببتقلب اوتوماتيك (النقل بدون دبرياج)

https://youtu.be/E5oiWXxPszA

لو حد يعرف رقم صاحب الفيديو للتواصل وشكرا