استفسارات بخصوص بعض المشاكل بكورولا 2015
السلام عليكم ورحمة الله
سيارتى تويوتا كورولا 2015 خليجى ستاندرد وعندى بعض المشاكل وعايز استفسر عنها لان فى السعودية مركز الصيانة بيقولى عادى وطبيعى وحتى لما بعتنا للوكيل نفسه عبد اللطيف جميل قال نفس الملاحظات موجودة فى كل الكورولا
1- فيه صوت تخبيط حديد مع بعضه عند المرور على عيون القط او المطبات الرفيعىة المتتالية والصوت ده لو دايس على الفرامل بيختفى
2 - فيه عند الدوارة تحس ان المارش بياخد سنة وقت وهو بيلف علشان العربية تدور مش بتلقط من اول تكه زى ما انا واخد فى عربيات تانى
3 - فيه اوقات بييجى صوت طقطقة بسيطة لما تلف الدركسيون على الاخر يمينا او يسارا وبيظهر اكثر على الارض غير المستوية
4- لما بتكون العربية واقفة وتيجى تجيب ال d وترفع رجلك بسيط من على الفرامل بيكون فيه صوت تزييق هل ده طبيعى وللعلم انى جربن الكارينز 2014 لقيت الصوت نفسه بس بدرجة اخف
ارجو الافادة وخصوصا بالنسبة للنقطة رقم واحد على الاخص وشكرا للجميع