عرض للطباعة
السلام عليكم
الموضوع معقد شوية فاستحملونى
اشتريت عربية بعقد مسجل وموقعتش مشترى عشان منقلتش ملكية .. العربية اشتريتها بعقد قبليه فيه توكيلين .. يعنى انا شارى من توكيل وهو شارى من توكيل
رخصة العربية تنتهى ديسمبر 2016 يعنى انتهت خلاص والفحص مكتوب 2017
فيه حاجة كمان انا مغير شورت موتور العربية الشهر اللى فات والورق راح على المرور اللى هنقل عليه .. هى مرور النزهة وهنقل حدائق القبة
اعمل ايه بقى وهتكلف كام ؟
هتروح مرور النزهه تشترى ملف فيه ورقة الفحص الفنى والفحص البيئى والطفايه هترفع بصمه الموتور والشاسيه على ورفة الفحص الفنى وهيجى المهندس يكتبلك على ضهر ورقة الفحص الفنى انك تطابق بصمه من مرور الحدائق هتروح مرور الحدائق والمشوار ده مش محتاج العربيه تبقى معاك هتطابق البصمه وترجع تانى على مرور النزهه تكمل الاجراءات ومرور النزهه مش هياخد معاك اول عن اخر نص ساعه وبالتوفيق
شكرا لتفاعلك
طيب بالنسبة لان الرخصة منتهية , وان الموتور متغير ؟
وهل عندك خلفية التكلفة كام ؟
طالما الرخصه منتهيه يبقى هتحتاج تطلع شهادة بيانات. والموتور معرفش بصراحه