عضة في المارشدير و الأول

**NaAZoOR** · 17-01-2017 01:27 PM

العربية سبيرانزا 516 و ماشية 146390، فيه مشكلة بدأت تظهر جامد الفترة دي و هي إن الفتيس بيعض في المارشدير لدرجة ان ساعات الغيار مايعشقش إلا لما ارفع دبرياج شوية و ادوس بنزين سنة صغيرة، خصوصاً و العربية باردة أو الجو ساقع و ساعات الغيار الأول كمان.
أنا لسه مغير زيت الفتيس من 1400 كم و المواصفة زي الكتالوج ما طالب: 75w90 GL4 و نوع الزيت ولفر.

**dvdaio15** · 19-01-2017 01:30 PM

غير زيت الفتيس تانى يا ريت ممكن تحط توتال او موبيل او جرب الاول رجلاش بدال الدبرياج
الدبرياج ليه طبطه زى رجلاش لان حصلت معايا كدا مره هو ده السبب الاساسى فى العضه اى مبكانيكى يعملهالك وتطلع تجرب بعد الطبط هو بيطبط من تحت من عند بدال الدبرياج هتلاقى الموضوع بسيط جدا

**NaAZoOR** · 19-01-2017 03:13 PM

المشاركة الأصلية كتبت بواسطة dvdaio15

غير زيت الفتيس تانى يا ريت ممكن تحط توتال او موبيل او جرب الاول رجلاش بدال الدبرياج
الدبرياج ليه طبطه زى رجلاش لان حصلت معايا كدا مره هو ده السبب الاساسى فى العضه اى مبكانيكى يعملهالك وتطلع تجرب بعد الطبط هو بيطبط من تحت من عند بدال الدبرياج هتلاقى الموضوع بسيط جدا

الزيت مافيهوش مشكلة، العربية بتجيب مارشدير عادي و هي سخنة أو و الجو دافي ... و الزيت الماني و متصمم لدرجات البرودة اللي عندهم.

هاشوف موضوع الرجلاش أو البلية.
شكراً على ردك.

**Melad Sedky** · 12-02-2017 10:41 AM

عندي نفس المشكلة بالظبط ولسه مغير بسببها ديسك واسطوانة وبلية وماستر علوي وزيت فتيس وباكم وكلفتني 3 الاف جنيه وبرضه نفس المشكلة وبرضه مفيش حل وبجد موضوع متعب جدا
في ميكانيكيين أفتوا ان ده عصاية الفتيس (بالبيضه) عايزة تتغير وحد تاني قاللي غوايش وانا كده هيتخرب بيتي
ياريت لو حد وصل لحل يعرفنا