السلام عليكم
لو سمحتم انا حاصل على بكالوريوس تمريض
وفية سلاح اسمة خدمات طبية فى التجنيد
هل الحاصل على تمريض بيدخل السلاح ده
ومركز تدريبة بيكون فين ومدته كام يوم
وشكرا
عرض للطباعة
السلام عليكم
لو سمحتم انا حاصل على بكالوريوس تمريض
وفية سلاح اسمة خدمات طبية فى التجنيد
هل الحاصل على تمريض بيدخل السلاح ده
ومركز تدريبة بيكون فين ومدته كام يوم
وشكرا
ايوا خدمات طبية
مركز تدريب "احمد جلال" جنب مستشفي احمد جلال
اسمه الرسمي مركز امداد وتموين مشترك رقم 3
الفترة في حدود 4 اسابيع منهم اسبوع اجازة
المكان كويس جدا مقارنة بباقي مراكز التدريب
انت بتستلم مخلة كاملة
فيها الحاجات الميري
و فيه ترينج و شبشب و فوط جديدة
انا اخدت شنطة ضهر عادية
الاساسي معاك مناديل ويبس
فوم حلاقة
مكن حلاقة
قصافة بدون سلاح
ملابس داخلية هما هيدولك جديد بس مش هتسخدمهم
طبعا احنا في الشتا خد كالسون و بدي شتوي
معجون سنان وفرشة
ادوية قولون و اسهال و امساك وبرد ومرهم للفطريات
اقفال كومبيوتر بتكون مضروبة خليك في الاقفال الثلاثية خد معاك قفل للدولاب و قفل للمخلة و قفل لشنطتك
صابون وشامبو
لو افتكرت حاجة هاضيفهالك
الشريحة بتدخل بيها عادي وكان السنة الي فاتت بيسمحوا تطلع تتكلم وعلي البوابة مش عارف دلوقتي ايه النظام
الف شكرااا لحضرتك
يعنى ينفع اخد معايا موبيل واسلمة برة وابقى اتكلم منة ؟
بالنسبة للادوية فى التفتيش مش هيقول حاجه عليها ( ادوية برد ومعده ) ومرهم فطريات وكدمات ؟
وممكن اعرف الحياة فى مركز التدريب اية ؟
وفعلا مافيش ولا مية ولاكهرباء هناك ؟
وحضرتك كنت سلاح اية ومركز تدريبك كان اية ؟
ينفع تاخد موبيل يفضل يكون عادي
بس لما تطلع تتكلم برة بتاخد تليفونات منهم تحط فيها شريحتك لكن تليفونك تاخده و انت مترحل
ادوية عادي دا مركز تدريب بتوع الخدمات الطبية بشري و اسنان و علاج طبيعي وصيدلة كل دول هيكونوا معاك
مركز التدريب دا نضيف جدا فيه ميه و كهربا وحمامات كويسة
و الكنتين فيه كل حاجة فعلا هتلاقي عيش و فينو و فطير ورز بلبن ومياة معدنية والصبح بيجي سندوتشات فول من برة نضيفة جدا
اليوم اخره الساعة 2 الظهر وبعد كدا مفيش حاجة الا طبور التمام بتاع الساعة 5
انا طبيب بشري وكنت خدمات طبية في نفس المركز دا
النوم 10
الصحيان بيكون حوالي 4 و ربع
عشان التمام بيكون 5
الطوبير بتكون ساعة تقريبا لياقة وبتكون خفيفة
لا مفتكرش انه الكهرباء ليها معاد تقطع فيه بس الامن بتاكد ان انوار العنابر اتقفلت علي 10 و ربع
هابعتلك انبوكس
تمام
هلكم حضرتك علية
اسهل
والف شكرا يادكتور على المساعدة